"மனிதர்களே! உங்கள் இறைவனுக்குப் பயந்து நடந்து கொள்ளுங்கள், அவன் உங்கள் யாவரையும் ஒரே ஆத்மாவிலிருந்து படைத்தான், அவரிலிருந்தே அவர் மனைவியையும் படைத்தான்; பின்னர் இவ்விருவரிலிருந்து, அநேக ஆண்களையும் பெண்களையும் (வெளிப்படுத்தி உலகில்) பரவச் செய்தான்; ஆகவே, அல்லாஹ்வுக்கே பயந்து கொள்ளுங்கள்; அவனைக்கொண்டே நீங்கள் ஒருவருக்கொருவர் (தமக்குரிய உரிமைகளைக்) கேட்டுக் கொள்கிறீர்கள்; மேலும் (உங்கள்) இரத்தக் கலப்புடைய உறவினர்களையும் (ஆதரியுங்கள்) - நிச்சயமாக அல்லாஹ் உங்கள் மீது கண்காணிப்பவனாகவே இருக்கின்றான்." (திருக்குர்ஆன் 4:1)
இவ்வாறு ஒரே மனிதக் குலமாக நம்மை உருவாக்கிய இறைவன் மனிதகுல ஒற்றுமையை வலியுறுத்துகிறான். ஆனால் இன்று உலகம் முழுவதும் மனிதர்கள் கூறுபோடப்பட்டு, இனவெறிகளால், மதமுறைகளால், பணவெறிகளால், அதிகார ஆசையால் ஒருவரையொருவர் அழிக்க முயல்கின்றனர். ஏன்? யார் இந்த வெறுப்புகளை ஊக்குவிக்கின்றனர்? யார் போர்களுக்குப் பின்னால் இருக்கின்றனர்?
இங்கு இவ்வகையான போர்களுக்குப் பின்னால் உள்ள மறைமுக சக்திகளை ஆராய்ந்து அறிதல் மிக அவசியம். இந்த மறைமுக சதிகாரர்களையும் மனித நேயமற்ற சுரண்டல் வாதிகளையும் உலகம் குற்றவாளிகளாகக் காண்பதேயில்லை என்பதுதான் மிகவும் கவலைக்குரிய விஷயமாக உள்ளது! உலகில் மீண்டும் வெறுப்பு ஒழிந்து சமாதானமும் மனித சகோதரத்துவமும் நிலைபெற வேண்டுமானால் இந்த அறியாமையை உலக மக்களிடம் இருந்து முதற்கண் களையவேண்டும்.
போர்களுக்கு பின்னால் உள்ள மறைமுக சக்திகள்
1. வல்லரசு நாடுகளின் அதிகார வெறி!
வல்லரசு நாடுகள் என்பதை விட இவற்றை ஆளும் காலனி ஆதிக்க வாதிகள் என்றே நாம் அடையாளப்படுத்த வேண்டும். இந்த சுயநல வாதிகள் உலக வளங்களை தங்கள் ஆதிக்கத்தின் கீழ் வைத்திருக்க விரும்புகின்றன. அதற்கேற்ப தந்திரமாக சிறிய நாடுகளில் அரசியல் மாற்றங்கள், புரட்சி, மற்றும் படையெடுப்புகள் போன்றவை வஞ்சகமாக நிகழ்த்தப்படுகின்றன.
சான்றுகள்:
-
இராக் (2003): அமெரிக்கா இராக் மீது தாக்குதல் நடத்தியபோது, கூறப்பட்ட காரணம்: ஈராக் பேரழிவு ஆயுதங்களை (mass destruction weapon) பதுக்கி வைத்துள்ளது என்றது. ஆனால் பின்னர் அப்படி எந்த ஆயுதங்களும் இல்லை என்பது தெளிவானது. பல்லாயிரக்கணக்கான அப்பாவிகளை கொல்லுதலும் உடல் ஊனம் உற்றவர்களாக ஆக்குவதும்தான் நடைபெற்றது.
-
வியட்நாம் போர்: அமெரிக்கா கம்யூனிச விரிவைப் தடுக்கும் பெயரில் பயங்கர போரைத் தூண்டியது. முடிவு பெரும் உயிரிழப்பும் ஊனமுறுதலும்தான்!
2. ஆயுத விற்பனை மற்றும் அதனை சார்ந்த சுரண்டல் குழுக்கள்
போர்களின் மூலம் ஆயுத நிறுவனங்கள் அதிக லாபம் சம்பாதிக்கின்றன. இவை அரசியல்வாதிகளுடன் இணைந்து நாடுகளின் அமைதியான சூழ்நிலையை சீர்குலைக்கின்றன.
உலகளவில் ஆயுதத் தொழில் என்பது ஒரு மிகப்பெரிய சந்தையாக மாறியுள்ளது. ஒவ்வொரு போரும், அந்தத் தொழிலில் இருக்கும் நிறுவனங்களுக்கு நவீன ஆயுதங்கள், போர் வாகனங்கள், டிரோன்கள், ராடார்கள் போன்றவற்றை விற்பனை செய்வதற்கான வாய்ப்பாக மாறுகிறது. அவர்கள் நடந்து கொள்வதை நோக்கினால், போர் என்பது அவர்களுக்கான வணிக மேடை என்று புரியலாம்.
அமேரிக்காவின் 'மிலிட்டரி இண்டஸ்ட்ரியல் காம்ப்ளெக்ஸ்' எனப்படும் கூட்டு அமைப்பு, அரசாங்கமும், ஆயுத உற்பத்தியாளர்களும், பாதுகாப்பு ஆலோசகர்களும் ஒன்றிணைந்து செயல்படுவதால், போர்களைத் தூண்டும் ஒரு பெரிய சதிவலையாக அமைந்துள்ளது. இதில், அரசியல் நிதி ஆதரவு, ஊடகங்களின் நிலைப்பாடு, சட்ட வெளியீடுகள் ஆகிய அனைத்தும் தொடர்புபட்டுள்ளன.
சான்றுகள்:
Lockheed Martin, Raytheon: இந்த நிறுவனங்கள் 9/11க்குப் பிறகு ஆயுத ஒப்பந்தங்களில் பல மடங்கு லாபம் சம்பாதித்தன. அவை பின்வரும் நாட்களில் தொடக்கப்பட்ட போர்களில் முக்கிய ஆயுத வழங்குநர்களாக இருந்தன.
Afghanistan War (2001–2021): 20 ஆண்டுகள் நீண்ட போர் மூலம் ஆயுத உற்பத்தியாளர்கள் மட்டுமல்ல, பாதுகாப்பு ஒப்பந்த நிறுவனங்களும் பெரும் லாபம் பார்த்தன. ஆயிரக்கணக்கான ட்ரில்லியன் டாலர்கள் அரசு செலவழித்துள்ளது.
Yemen Conflict: சவூதி அரேபியாவுக்கு அமெரிக்கா, இங்கிலாந்து, பிரான்ஸ் உள்ளிட்ட நாடுகள் வழங்கிய ஆயுதங்கள், எமனில் ஆயிரக்கணக்கான பொதுமக்களின் உயிர்களை வாங்கியதற்குப் பின்னால் காரணமாக இருந்தன.
இதில் மிக முக்கியமாக குறிப்பிட வேண்டிய ஒன்று – பல நாடுகளில் உள்ள ஆயுத தொழிற்சாலைகள், ஏற்கெனவே இருக்கும் அல்லது உருவாக்கப்படும் எதிரிகளை அடிப்படையாகக் கொண்டு தங்கள் உற்பத்தியை நிரந்தரமாக வைத்திருக்க முயல்கின்றன. இதுவே உலக அமைதிக்கு ஒரு மிகப் பெரிய தடையாக உள்ளது.
3. உளவுத்துறைகள் மற்றும் மறைமுக நடவடிக்கைகள்
உலகின் பல்வேறு நாடுகளில் உளவுத்துறைகள் என்பது நேரடி போர்களை விட அதிக தாக்கத்தை ஏற்படுத்தும் வலிமையான அமைப்புகளாக உள்ளன. தங்கள் நாட்டின் அரசியல், பொருளாதார இலக்குகளை அடைவதற்காக, மற்ற நாடுகளில் புரட்சி, அடிப்படை கலகம், அரசாங்க கவிழ்ப்பு போன்றவற்றை சூட்சமமாக ஏற்படுத்துகிறார்கள். CIA (அமெரிக்கா), Mossad (இஸ்ரேல்), ISI (பாகிஸ்தான்), RAW (இந்தியா) ஆகியவை உலகின் மிக சக்திவாய்ந்த உளவுத்துறைகளாகக் கருதப்படுகின்றன.
இவை நேரடியாக போர் செய்யாமல், அரசியல் சதி, ஊடகப் பிம்பங்களின் கட்டுப்பாடு, தாக்குதல்கள், பயங்கரவாத இயக்கங்களுக்கு மறைமுக ஆதரவு, பொருளாதார தடைகள் போன்ற நுட்ப வழிகளால் நாட்டின் சுயாதீனத்தைக் குறைக்கும் செயற்பாடுகளில் ஈடுபடுகின்றன.
சான்றுகள்:
இரான் (1953): மோஹம்மத் மோசதக் என்ற ஜனநாயகமாகத் தேர்ந்தெடுக்கப்பட்ட பிரதமரை அமெரிக்கா மற்றும் இங்கிலாந்து ஒத்துழைப்பு கொண்டு கைவிட்டு, அவருக்கு எதிராக புரட்சியை ஏற்படுத்தி, ஷா பஹ்லவியை மீண்டும் அதிகாரத்திற்கு கொண்டு வந்தனர். இதன் பின்னணியில் "Operation Ajax" எனப்படும் CIA திட்டம் இருந்தது. மோசதக் எண்ணெய் வளங்களை தேசியமாக்கியதற்கு எதிராக மேற்கத்திய நாடுகள் திட்டமிட்டன. அதன் விளைவாக, பல ஆண்டுகளுக்குப் பிறகு மட்டுமே அமெரிக்க அரசு இதை அதிகாரபூர்வமாக ஒப்புக் கொண்டது.
Operation Ajax: இது ஒரு முக்கியமான உதாரணம். CIA முதன்மை பொறுப்புடன் Mossad உள்ளிட்ட அமைப்புகளுடன் இணைந்து, இவ்விதமான அரசியல் மாறுதலை ஏற்படுத்தியது. இந்நடவடிக்கை இஸ்லாமிய உலகில் மேற்கத்திய நாடுகளின் மீது வெறுப்பை உருவாக்கிய முக்கிய காரணமாகும்.
இதைப்போன்ற திட்டங்கள், இடைநீக்கம் செய்யப்பட்ட ஜனநாயகங்களை, மனித உரிமை மீறல்களை, மற்றும் அடக்குமுறைகளை உருவாக்குவதில் குறிப்பிடத்தக்க பங்கு வகிக்கின்றன. இது உலகில் எதிர்கால மோதல்களின் விதைகளை விதைக்கிறது.
4. ஊடக முதலைகள்
மிகவும் சக்திவாய்ந்த ஊடக நிறுவனங்கள் உண்மையை மறைத்து, மக்களை பயமுறுத்தும், வெறுப்பூட்டும் செய்திகளை வெளியிட்டு, போர்களுக்கு ஏற்புள்ள சூழ்நிலைகளை உருவாக்குகின்றன. இவை அரசாங்கங்களின், வணிக நிறுவனங்களின் மற்றும் உளவுத்துறைகளின் அழுத்தங்களால் இயக்கப்படுவதால், பொதுமக்கள் உண்மை நிலையை அறிய முடியாமல் போகின்றனர்.
சான்றுகள் :
Fox News, CNN (இராக் போர்): 2003ல் அமெரிக்கா இராக்கை தாக்குவதற்கு முன், இந்த ஊடகங்கள் இராக்கில் “மாஸ் டெஸ்ட்ரக்ஷன் வெப்பன்கள்” உள்ளன என்று பெரிதும் விளம்பரம்போல செய்திகளை வெளியிட்டன. பெரும்பாலான அமெரிக்க மக்களும் அதை நம்பினர். ஆனால் போருக்குப் பிறகு எந்த ஆயுதங்களும் இருப்பது தெரியவில்லை. இது ஊடகங்கள் தவறான தகவல்களை பரப்பி போருக்கு கூட்டளிக்கின்றன என்பதற்கான உதாரணம்.
Rwanda Genocide (1994): ஹூதூ இனக்குழுக்களால் டூட்சி இனக்குழுக்களுக்கு எதிராக நடத்தப்பட்ட இந்த இனப்படுகொலையில், “RTLM” என்ற வானொலி முக்கிய பங்கு வகித்தது. இந்த வானொலியில் டூட்சி மக்களை “cockroaches” என்று அலட்சியமாக கூறி, மக்கள் மனதில் வெறுப்பை விதைத்தது. இதனால், மிகக் குறுகிய காலத்தில் 800,000 பேர் கொல்லப்பட்டனர். ஊடக ஊக்கத்தால் ஒரு இனமே அழிக்கப்பட்டது என்பது மிகுந்த கவலையளிக்கும் உண்மை.
ஊடகங்கள் எந்த தரப்பை ஆதரிக்கின்றனவோ, அந்த தரப்பின் விருப்பத்தை பிரதிபலிக்கும் செய்திகளை மட்டுமே வெளியிடுகின்றன. இதனால் மக்கள் உண்மையை அறியாமல் தவறான முடிவுகளை எடுக்கும் சூழல் ஏற்படுகிறது. இதுவே அரசியல்வாதிகள் மற்றும் வணிக நாயகர்களால் ஊடகங்கள் எப்படி பயனப்படுத்தப்படுகின்றன என்பதற்கான முக்கிய சான்றுகள்.
5. மதவாதம் மற்றும் தீவிரவாத இயக்கங்கள்
மதம் என்பது அமைதி அளிக்கும் கருவியாக இருக்க வேண்டும். ஆனால் சில சுயநலக்காரர்கள் மதத்தை தவறாகப் பயன்படுத்தி வெறுப்பையும் வன்முறையையும் உருவாக்குகிறார்கள்.
சான்றுகள்:
ISIS: ஆயுத விற்பனைக்காகவும் இஸ்லாத்தை தவறான ஒளியில் சித்தரிப்ப்பதர்காகவும் அமரிக்க மற்றும் யூத ஆதிக்க சக்திகளால் உருவாக்கப்பட்ட தீவிரவாத அமைப்பு இது. இந்த அமைப்பு அல்காயிதா – இராக் கிளையின் உள்பிளவுகளிலிருந்து உருவானது. 2003ல் அமெரிக்கா இராக் மீது மேற்கொண்ட படையெடுப்பின் பின்னர் ஏற்பட்ட அரசியல் வெற்றிடம், சுன்னி – ஷியா மோதல்கள், மற்றும் அசாத் ஆட்சிக்கெதிரான சிரியப் போர் ஆகியவை ISIS-க்கு நிலம், மக்கள் ஆதரவு ஆகியவற்றை உருவாக்கிக் கொடுத்தன.
Zionist movement: பாலஸ்தீனத்தில் நிலங்களை கைப்பற்றும் நோக்கில் வேண்டுமென்றே மோதல்களை திட்டமிட்டு (deliberate conflicts)) உருவாக்கியது.. 1948 இஸ்ரேல் உருவாக்கத்தின் பின்னர், பாலஸ்தீனர்கள் தங்கள் சொந்த வீட்டிலிருந்து வெளியேற்றப்பட்டனர். இது ஒரு நிலையான சிக்கலாக இருந்து வருகிறது. Zionist இயக்கம், தமது கோட்பாடுகளை மத அடிப்படையில் விளக்கியும், அரசியல் ஆதிக்க நோக்கத்துடன் செயல்படுவதும் மிகவும் கவலைக்குரியது.
மதம் என்பது அமைதி அளிக்கும் கருவியாக இருக்க வேண்டும். ஆனால் சில சுயநலக்காரர்கள் மதத்தை தவறாகப் பயன்படுத்தி வெறுப்பையும் வன்முறையையும் உருவாக்குகிறார்கள்.
6. பொருளாதார ஆதிக்கம்
பல்வேறு நாடுகள் கடன் வழங்கும் பெயரில், அந்த நாடுகளின் அரசியலை கட்டுப்படுத்த முயற்சிக்கின்றன. இது மக்கள் எதிர்ப்பு, கிளர்ச்சி, கலவரங்கள் மற்றும் மோதல்களுக்கு வழிகோலுகிறது.
சான்றுகள்:
IMF, World Bank: இவை 'Structural Adjustment Programs' என்ற பெயரில் கடன் வழங்கும் போது, கடன் பெறும் நாடுகள் தங்கள் பொருளாதார கொள்கைகளை மாற்றி மேற்கத்திய தேசங்களுக்கு சாதகமான முறையில் திருப்பவேண்டும் என வற்புறுத்துகின்றன. இதன் விளைவாக, கல்வி, மருத்துவம் போன்ற அடிப்படை சேவைகள் தனியார்மயமாக்கப்பட்டு, மக்களின் வாழ்க்கை நெருக்கடிக்குள் செல்லும்.
China’s Belt & Road Initiative: சீனாவின் இந்ததிட்டம் பல நாடுகளில் வளர்ச்சித் திட்டங்களுக்கான கடன்களை வழங்குகிறது. ஆனால் கடனை திருப்பிச்செலுத்த முடியாத நிலை வந்தபின், அந்த நாடுகளின் முக்கியமான வளங்கள் மற்றும் துறைமுகங்கள் சீனாவின் கட்டுப்பாட்டுக்குள் செல்கின்றன.
உதாரணமாக, ஸ்ரீலங்காவின் ஹம்பந்தோட்ட துறைமுகம் – கடன் திருப்பிக்கொடுப்பதற்குத் தவறியதால் 99 ஆண்டுகளுக்கு சீனாவிடம் குத்தகைக்கு ஒப்படைக்கப்பட்டது.
பாகிஸ்தான்: சீனாவின் 'China-Pakistan Economic Corridor (CPEC)' திட்டத்தால் பெரும் கடன் சுமை ஏற்பட்டுள்ளது. பல்வேறு இடங்களில் சீன ஆட்சி அதிகாரம் உள்ளது என்ற எதிர்ப்பும் உருவாகியுள்ளது.
ஆப்ரிக்க நாடுகள்: சில நாடுகள் சீன கடன்களில் சிக்கியுள்ளன. அதன் காரணமாக, மக்கள் வர்த்தக கட்டுப்பாடுகளுக்கு எதிராக கிளர்ச்சி புரிந்துள்ளனர்.
7. விடுதலை இயக்கங்களை பயங்கரவாதமாக வர்ணிக்கும் சூழ்நிலை
பல்வேறு இடங்களில் தங்கள் சொந்த தேசத்தை ஆக்கிரமிப்பிலிருந்து விடுவிக்க போராடும் இயக்கங்களை, முக்கிய ஊடகங்கள் மற்றும் அதிகாரத்திலிருக்கும் நாடுகள் "பயங்கரவாத இயக்கங்கள்" என அழைக்கின்றன. உண்மையில் இவை ஒரு சமூகத்தின் அடிமைத்தனத்திலிருந்து விடுபடும் சுயராஜ்யப் போராட்டமாகவே அமைகின்றன.
சான்றுகள்:
ஹமாஸ் (Hamas): பாலஸ்தீனத்தை இஸ்ரேலிய ஆக்கிரமிப்பிலிருந்து காப்பாற்றும் விடுதலை இயக்கம். மேற்கத்திய நாடுகள் பயங்கரவாத அமைப்பாகக் குறிப்பிட்டாலும், பலர் இது ஒரு அரசியல்-சமூக இயக்கமாக இருப்பதை வலியுறுத்துகின்றனர்.
தாலிபான் (Taliban): சோவியத் யூனியனுக்கும் பின்னர் அமெரிக்காவுக்கும் எதிராக, தங்கள் நாட்டை வெளிநாட்டு ஆக்கிரமிப்பிலிருந்து விடுவிக்க அமைந்த இயக்கம். இது பொதுமக்களின் ஆதரவை அடைந்து ஆட்சிக்கு வந்தது.
முடிவுரை:
உலகில் நடக்கும் போர்கள் ஒரு நாடு மற்றொரு நாட்டுடன் சண்டை போடுவதால் மட்டுமல்ல. அதன் பின்னால் பணம், அதிகாரம், மதவாதம், ஊடக சூழ்ச்சி, உளவுத்துறைகளின் செயற்திட்டங்கள், மற்றும் மனித தவறுகள் உள்ளன. அரசியல் மாபியாக்கள், ஊடகக் குழுக்கள், ஆயுத விற்பனை கும்பல்கள் ஆகியவை மனித உயிர்களைக் கொண்டு வர்த்தகம் செய்து வருகின்றன.
இந்த சூழ்நிலையை மாற்ற, முதலில் மக்களுக்கு உண்மை விழிப்புணர்வை ஏற்படுத்த வேண்டும். ஊடகங்களை விமர்சிக்கத் தெரிந்து, அரசியல் சதிவலைகளைப் புரிந்து, மக்கள் நிலைகளில் மாற்றம் கொண்டுவரும் கல்வியை ஊக்குவிக்க வேண்டும்.
இஸ்லாம், மனிதனுக்குள் இறை உணர்வையும், சகோதரத்துவ உணர்வையும் வளர்த்து, வன்முறை தவிர்த்து, சத்தியத்தையும் நீதியையும் நிலைநிறுத்தும் ஒரு மதமாகிறது. அதுவே உலக அமைதிக்கான நிலையான தீர்வாக அமைகிறது.
இப்போதும் உலகில் போர்கள் ஒழிந்து சமாதானம் ஏற்பட வேண்டுமானால், இந்த “மறைமுக சக்திகளை” மக்களுக்கு முன் தோலுரித்துக் காட்டுவதில் இருந்து தொடங்க வேண்டும். அதன் பிறகுதான் உண்மையான மாற்றம் சாத்தியமாகும் என்பது தெரிந்ததே!
உலகில் நடக்கும் போர்கள் ஒரு நாடு மற்றொரு நாட்டுடன் சண்டை போடுவதால் மட்டுமல்ல. அதன் பின்னால் பணம், அதிகாரம், மதவாதம், ஊடக சூழ்ச்சி, உளவுத்துறைகளின் செயற்திட்டங்கள், மற்றும் மனித தவறுகள் உள்ளன. அரசியல் மாபியாக்கள், ஊடகக் குழுக்கள், ஆயுத விற்பனை கும்பல்கள் ஆகியவை மனித உயிர்களைக் கொண்டு வர்த்தகம் செய்து வருகின்றன.
இந்த சூழ்நிலையை மாற்ற, முதலில் மக்களுக்கு உண்மை விழிப்புணர்வை ஏற்படுத்த வேண்டும். ஊடகங்களை விமர்சிக்கத் தெரிந்து, அரசியல் சதிவலைகளைப் புரிந்து, மக்கள் நிலைகளில் மாற்றம் கொண்டுவரும் கல்வியை ஊக்குவிக்க வேண்டும்.
இஸ்லாம், மனிதனுக்குள் இறை உணர்வையும், சகோதரத்துவ உணர்வையும் வளர்த்து, வன்முறை தவிர்த்து, சத்தியத்தையும் நீதியையும் நிலைநிறுத்தும் ஒரு மதமாகிறது. அதுவே உலக அமைதிக்கான நிலையான தீர்வாக அமைகிறது.
இப்போதும் உலகில் போர்கள் ஒழிந்து சமாதானம் ஏற்பட வேண்டுமானால், இந்த “மறைமுக சக்திகளை” மக்களுக்கு முன் தோலுரித்துக் காட்டுவதில் இருந்து தொடங்க வேண்டும். அதன் பிறகுதான் உண்மையான மாற்றம் சாத்தியமாகும் என்பது தெரிந்ததே!
கருத்துகள் இல்லை:
கருத்துரையிடுக