இந்த வலைப்பதிவில் தேடு

வெள்ளி, 23 செப்டம்பர், 2022

தீண்டாமை கற்பிப்போருக்கு நரகமே புகலிடம்!


பொதுவாக சமூகத்திற்கு கேடு விளைவிப்பவர்களை, சமூகத்தில் குழப்பம் உண்டாக்குபவர்களை தண்டிப்பதும் அவர்கள் திருந்துவதற்காக வேண்டி பொது சமூகத்தில் இருந்து ஒதுக்கி வைப்பதும்  சரியான மற்றும்  அவசியமான நடவடிக்கை ஆகும். உதாரணமாக திருடர்களை சிறையில் அடைப்பது இந்த வகையைச் சார்ந்த நடவடிக்கையே. ஆனால் எந்தக் குற்றமும் செய்யாத அப்பாவிகளை எந்தவித காரணமும் இன்றி இன்ன குடும்பத்தில் பிறந்தார் அல்லது இன்ன நிறத்தை உடையவர் அல்லது இன்ன மொழியைப் பேசுபவர் என்றெல்லாம் காரணங்களைக் கூறி அவர்களை தீண்டத்தகாதவர்கள் என்று முத்திரை குத்துவதும் அவர்களின் உரிமைகளை மறுப்பதும் கடுமையான குற்றமாகும்.

காரணம் ஒரு மனிதன் சக மனிதனிடம் பிறப்பின், நிறத்தின் அல்லது மொழியின் அடிப்படையில் மேன்மை பாராட்ட எந்தவித முகாந்திரமும் இல்லை. நம்மைப் படைத்தவன் திருக்குர்ஆனில் மனித சமத்துவத்துக்கான அடிப்படையை தெளிவுற அறிவிக்கிறான்:

மனிதர்களே! உங்களை ஒரே ஒருவரிலிருந்து படைத்த உங்கள் இறைவனை அஞ்சுங்கள்! அவரிலிருந்து அவரது துணையைப் படைத்தான். அவ்விருவரிலிருந்து ஏராளமான ஆண்களையும்,பெண்களையும் பல்கிப் பெருகச் செய்தான். எவனை முன்னிறுத்தி ஒருவரிடம் மற்றவர்கள் கோரிக்கை வைப்பீர்களோ அந்த அல்லாஹ்வை அஞ்சுங்கள்! உறவினர்கள் விஷயத்திலும் (அஞ்சுங்கள்!) அல்லாஹ் உங்களைக் கண்காணிப்பவனாக இருக்கிறான். (திருக்குர்ஆன் 4:1)

(அல்லாஹ் என்றால் வணக்கத்திற்கு த் தகுதி வாய்ந்த ஒரே இறைவன் என்று பொருள்)

அனைத்துலக மக்களும் ஒரே ஒரு ஆண்-பெண் ஜோடியிலிருந்து உருவாகிப் பல்கிப் பெருகியவர்களே என்ற உண்மையை பறைசாற்றி மனிதர்களுக்கு இடையே ஏற்றத்தாழ்வை கற்பிப்பதற்கு எந்த முகாந்திரமும் கிடையாது என்று தெளிவாகக் கூறுகிறது இந்த வசனம். அத்துடன் மானுட சகோதரத்துவத்துக்கான அடிப்படையும் இங்கே கூறப்படுவதை நாம் கவனிக்கலாம்.

மேன்மையுடையோர் யார்?

அதையும் இறைவன் தெளிவு படுத்துகிறான்:

  “மனிதர்களே! நாம் உங்களை ஓர் ஆணிலிருந்தும் பெண்ணிலிருந்தும் படைத்தோம். பிறகு நீங்கள் ஒருவருக்கொருவர் அறிமுகமாகிக் கொள்ளும் பொருட்டு உங்களை சமூகங்களாகவும் கோத்திரங்களாகவும் அமைத்தோம். உண்மையில்உங்கள் இறைவனிடம் அதிக கண்ணியம் வாய்ந்தவர் உங்களில் அதிக இறையச்சம் கொண்டவர்தாம்.” (குர்ஆன் 49: 13) 

அதாவது இறையச்சம் என்பதும் வெளிப்படையாக அறிய முடியாத ஒன்று. அதைக் கூறியும் மற்றவர்களின் மீது ஆதிக்கம் செலுத்தமுடியாது என்பது தெளிவு!

கடவுளின் பெயரால் தீண்டாமை!

அனைத்து மனிதர்களும் ஆதித் தந்தை மற்றும் ஆதித் தாயின் வழித்தோன்றல்களே என்று மனிதகுலத்தைப் படைத்தவனான இறைவனே கூறியிருக்க அந்த இறைவனின் பெயராலேயே தங்களுக்கு இனமேன்மை உண்டு என்று வாதிடுவதும் அதன் அடிப்படையில் மனிதர்களுக்கு இடையே ஏற்றத்தாழ்வு மற்றும் தீண்டாமை கற்பிப்பதும் அதைக் கடைபிடிப்பதும் ஆதரிப்பதும் எல்லாம் இறைவனிடம் பெரும் தண்டனைக்குரிய பாவங்களே!

 = அல்லாஹ்வின் மீது பொய்யான கற்பனையைச் சொல்பவனைவிடப் பெரும் அநியாயக்காரன் யார்? அத்தகையோர் (மறுமையில்) தங்கள் இறைவன் முன் நிறுத்தப்படுவார்கள்; “இவர்கள்தாம் தங்கள் இறைவன் மீது பொய் கூறியவர்கள்என்று சாட்சி கூறுவோர் சொல்வார்கள்; இத்தகைய அநியாயக்காரர்கள் மீது அல்லாஹ்வின் சாபம் உண்டாகட்டும். (திருக்குர்ஆன் 11:18)

= எனவே, அல்லாஹ்வின் மீது பொய்யுரைத்து தன்னிடம் உண்மை வந்த போது அதனைப் பொய்ப்பிப்பவனை விடப் பெரும் அநியாயக்காரன் யார்? (அத்தகைய) சத்திய மறுப்பாளர்களுக்கு நரகில் தங்குமிடம் இல்லையா? (திருக்குர்ஆன் 39:32)

இனமேன்மை உண்டு என்று வாதிடுவோருக்கு இறைவன் விடுக்கும் சவால்:

நபிகள் நாயகம்(ஸல்) அவர்கள் மதீனாவுக்கு வருவதற்கு முன்னால் அங்கு வாழ்ந்த யூதர்கள் அவர்கள்தான் மற்ற மக்களை விட இறைவனுக்கு நெருங்கியவர்கள் என்று கூறிக்கொண்டு மற்ற மக்களை தாழ்ந்த பிறவிகளாகவும் தீண்டத் தகாதவர்களாகவும் நடத்தை வந்தார்கள்.  அவர்கள் கூறுவது போல இறைவனுக்கு நெருங்கியவர்கள், அவர்கள்தான் மற்றவர்களை விட  சொர்க்கத்திற்குத் தகுதியானவர்கள் என்பது அவர்களின் வாதமாக இருந்தால் ஏன் இந்த பூமியில் கஷ்டப்பட வேண்டும்? உடனே மரணத்தைக் கேட்டு ஏன் பிரார்த்திக்கக் கூடாது? என்ற கேள்வியை அவர்களிடம் கேட்கச் சொல்கிறான் இறைவன்.

= அவர்களிடம் நீர் சொல்வீராக: “இறைவனிடம் இருக்கும் மறுமை வீடு மற்ற மனிதர்களுக்கன்றி உங்களுக்கு மட்டுமே சொந்தமானதாய் இருக்குமானால், (உங்களின் இந்த நம்பிக்கையில்) நீங்கள் உண்மையானவர்களாய் இருந்தால்நீங்கள் மரணத்தை விரும்புங்கள் (பார்ப்போம்!)(திருக்குர்ஆன் 2: 94) 

====================== 

இஸ்லாம் என்றால் என்ன? முஸ்லிம் என்றால் யார்?
https://www.quranmalar.com/2012/10/blog-post_25.html
இஸ்லாம் ஏன் எதிர்ப்புக்குள்ளாகிறது?

சனி, 10 செப்டம்பர், 2022

போதை ஒழிப்போம் பெண்ணினம் காப்போம்!

மதுபானம்புகையிலை, அபின், ஹெராயின் கஞ்சா, பான் மசாலா, பெத்தனால் ஊசி, போதை தரும் இன்ஹேலர்கள் என பலதும் இன்று போதைப் பொருட்களில்  அடங்கும். இந்த போதைக்கு மனிதன் அடிமையாகும் போது இவர்களை நம்பி வாழும் வாழ்க்கைத் துணைகள், குழந்தைகள், பெற்றோர் போன்றவர்கள் கைவிடப்படுவர். தொடர்ந்து உறவினர், நண்பர்கள், தொழில், வணிகத் தொடர்புகள் என எல்லா வட்டங்களிலும் விரிசல் உண்டாகிறது. சிதையும் பொருளாதாரம்மங்கும் உழைப்புத் திறன்பெருகும் சாலை விபத்துகள்,  குடிநோய்கள்அதிகரிக்கும் பெண்கள் மீதான பாலியல் வன்கொடுமைகள்தற்கொலைகள்குற்றச்செயல்கள்...  என போதைப்பொருட்களின் தீய விளைவுகள் நீள்கின்றன. பெண்களுக்கு எதிரான  85% குற்றங்களுக்குக் காரணமாக அமைவது மதுவே என்கிறது தேசிய குற்றவியல் ஆவணக்காப்பக (NCRB) அறிக்கை!

இன்று கட்டுக்கடங்காமல் பூதாகரமாக உருவெடுத்து நிற்கும் இந்த  போதை அரக்கனிடமிருந்து மக்களை காப்பாற்றுவது சாத்தியமா?

ஆம், சாத்தியமே என்கிறது இஸ்லாம்!

இது ஒரு வெற்று வாய்ச்சொல் அல்ல. நூற்றாண்டுகளாக நடந்து வரும் புரட்சி! இன்றும் கூட உலகின் ஏறக்குறைய நான்கில் ஒரு பங்கு மக்களையும் அவர்கள் சார்ந்த குடும்பங்களையும் போதைப்பொருள் ஆதிக்கத்தில் இருந்து காப்பாற்றி வருகிறது. எவ்வாறு என்பதைத்தான் இங்கு காண இருக்கிறோம். அதற்கு முன்..

போதைப்பொருள் என்றால் என்ன?

நபி (ஸல்) அவர்கள் கூறினார்கள் :

“அதிகமாகவும் குறைவாகவும் போதையை ஏற்படுத்தக் கூடிய ஒவ்வொன்றும் ஹராமாகும் தடுக்கப்பட்டதாகும்” (நூல்கள்: அபூதாவூத், நஸஈ) இவ்வாறு சந்தேகத்திற்கு இடமில்லாத தெளிவான வரையறையை வழங்குகிறது இஸ்லாம்.

இஸ்லாம் என்றால் என்ன?

இஸ்லாம் என்றால் அதன் பொருள் கீழ்படிதல் என்பது. அதன் இன்னொரு பொருள் அமைதி என்பதாகும். அதாவது இறைவன் கற்பிக்கும் எவல்- விலக்கல்களை அல்லது கட்டுப்பாடுகளைப் (discipline) பேணி வாழ்வதால் தனிநபர் வாழ்விலும் குடும்ப வாழ்விலும் சமூக வாழ்விலும் பெறப்படும் அமைதிக்குப் பெயர்தான் இஸ்லாம்! இவ்வாறு கட்டுப்பாடு மிக்க வாழ்வை வாழ்ந்ததற்கு இறைவன் புறத்திலிருந்து மறுமையில் நிரந்தர இன்பங்கள் நிறைந்த சொர்க்கம் பரிசாக வழங்கப்படும் என்கிறது இஸ்லாம். அதேவேளையில் இறைவனையும் இறைவழிகாட்டுதலையும் புறக்கணித்து வாழ்வோருக்கு மறுமையில் நரகம் உண்டு என்றும் கூறுகிறது இஸ்லாம்.

மனமாற்றம் ஒன்றே மாற்றத்திற்கான வழி!

சில முக்கியமான உண்மைகளை தெளிவான முறையில் கற்பித்து அவற்றை அனுதினமும் பேணி வாழும் வகையில் வழிபாட்டு முறைகளை அமைத்து இஸ்லாம் அதனை வாழ்வியலாக ஏற்றுக் கொண்டோரை ஒழுக்கம் பேணுபவர்களாக்குகிறது:

1.    தெளிவான கடவுள் கொள்கை:

சொல்வீராக: இறைவன் ஒருவனேஅவன் தேவைகள் அற்றவன் அவன் யாரையும் பெற்றேடுக்கவும் இல்லை. அவனையும் யாரும் பெற்றேடுக்கவும் இல்லை. அவனுக்கு நிகராக யாரும் எதுவும் இல்லை.” (திருக்குர்ஆன் 112:1-4)

இறைவனின் தன்மைகளை இவ்வாறு புரிந்து கொண்டு இடைத்தரகர்களுக்கோ மூடநம்பிக்கைகளுக்கோ வீண் சடங்கு சம்பிரதாயங்களுக்கோ இடம் கொடாமல் அவனை நேரடியாக வணங்க வேண்டும் என்று கற்பிக்கிறது இஸ்லாம். படைத்தவனைத் தவிர மற்றவை அனைத்தும் படைப்பினங்களே. எனவே அந்த இறைவனுக்கு பதிலாக படைப்பினங்களை - அவை உயிருள்ளவை ஆயினும் சரி உயிரும் உணர்வுமற்ற உருவங்களாயினும் சரி - அவற்றை வணங்குவதோ அல்லது கடவுள் என்று கற்பிப்பதோ மோசடியும் பாவமும் ஆகும் என்கிறது இஸ்லாம்.

2.  தெளிவான வாழ்க்கைக் கண்ணோட்டம்:

இந்தக் குறுகிய தற்காலிக வாழ்வு ஒரு பரீட்சை என்றும் இவ்வுலகம் அதற்கான பரீட்சைக் கூடம் என்றும் கூறுகிறது இஸ்லாம். இவ்வுலக வாழ்க்கையில் மனிதனால் செய்யப்படும் ஒவ்வொரு செயலும் இறைவனால் பதிவு செய்யப்பட்டு அதுபற்றி மறுமையில் விசாரிக்கப்பட்டு அந்த அடிப்படையில் சொர்க்கமோ அல்லது நரகமோ அவனுக்கு வாய்க்க இருக்கிறது என்கிறது இஸ்லாம்.

ஒவ்வோர் ஆத்மாவும் மரணத்தைச் சுகித்தே ஆகவேண்டும்;. அன்றியும் - இறுதித் தீர்ப்பு நாளில் தான்உங்க(ள் செய்கைக)ளுக்குரிய பிரதி பலன்கள் முழுமையாகக் கொடுக்கப்படும்;. எனவே எவர் (நரக) நெருப்பிலிருந்து பாதுகாக்கப்பட்டுச் சுவர்க்கத்தில் பிரவேசிக்குமாறு செய்யப்படுகிறாரோ. அவர் நிச்சயமாக வெற்றியடைந்து விட்டார்;. இவ்வுலக வாழ்க்கை மயக்கத்தை அளிக்கவல்ல (அற்ப இன்பப்) பொருளேயன்றி வேறில்லை. (திருக்குர்ஆன் 3:185)

3.  தொடர்ச்சியான இறை உணர்வு:

மேற்கண்ட நம்பிக்கைகளை பகுத்தறிவு பூர்வமாக விதைத்து படைத்த இறைவனை நேரடியாக வணங்கும் பண்பு சிறுவயதில் இருந்து கற்பிக்கப்படுவதால் அவனைப் பற்றிய மதிப்பும் மரியாதை உணர்வும் நம் செயல்களுக்கு அவனிடம் பதில் சொல்லியாக வேண்டும் என்ற பொறுப்புணர்வும் மனித உள்ளங்களில் விதைக்கப் படுகிறது. இந்த உணர்வை தொடர்ச்சியாக வலுவூட்டும் வண்ணம் அமைந்துள்ளது இஸ்லாம் கற்பிக்கும் தொழுகை. அங்கத் தூய்மை பேணி தினசரி ஐந்து வேளைகள் இறைவன் முன்னால் பயபக்தியோடு நின்று தொழும்போது இறை உணர்வு அவ்வப்போது புதுப்பிக்கப்படுவதால் மது போதை மட்டுமல்லமற்றெந்த பாவங்களின் பக்கமும் மனம் ஈர்க்கப்படுவதில்லை. மேலும் இந்தத் தொழுகைகளை அவ்வப்போது பள்ளிவாசல்களில் ஒன்று கூடி நிறைவேற்றும்போது எனைய மக்களோடு ஏற்படும் சகோதரத்துவ உணர்வும் தொடர்ச்சியான நல்லோர் சகவாசமும் பாவங்களில் இருந்து பாதுகாக்கும் வலுவான அரணாக அமைகின்றன.

ஒவ்வொரு வெள்ளிக்கிழமையும் குளிப்பதையும் அன்று மதியம் பள்ளிவாசல்களில் ஜும்ஆ எனப்படும் கூட்டுதொழுகையில் கலந்து கொள்வதையும் கட்டாயமாக்கி உள்ளது இஸ்லாம். தொழுகைக்கு முன் நடத்தப்படும் திருக்குர்ஆன் மற்றும் நபிமொழி போதனையும் மனிதனை நல்வழிப்படுத்துபவையாக உள்ளன.

4.   பாவங்கள் பதிவு பற்றிய விழிப்புணர்வு:

இன்று எங்கும் கண்காணிப்புக்காக பொருத்தப்படும் CCTV கேமராக்கள் அவற்றின் பார்வையில் படும் நிகழ்வுகளை பதிவு செய்வதை நாம் அறிவோம். அதைப்போலவே நம் ஒவ்வொருவரது கண்களும் நமது நடவடிக்கைகளை இயற்கையாகவே பதிவு செய்து கொண்டிருக்கின்றன. அவை மட்டுமல்லநமது காதுகளும் தோல்களும் அதுபோலவே பதிவு செய்கின்றன என்றும் அவை மறுமையில் மனிதனுக்கெதிராக சாட்சி கூறும் என்றும் திருக்குர்ஆன் கூறுகிறது:

தன்னை ஒருவரும் பார்க்கவில்லையென்று அவன் எண்ணுகிறானா?அவனுக்கு நாம் இரண்டு கண்களை ஆக்கவில்லையாமேலும் நாவையும்இரண்டு உதடுகளையும் (ஆக்கவில்லையா)? (திருக்குர்ஆன் 90:7-9 )

5.  பாவமன்னிப்பு பற்றிய தெளிவு:

இறைவனை மாபெரும் கருணையாளன் என்று அறிமுகப்படுத்தும் அதேவேளையில் இடைத்தரகர்கள் கற்பிக்கக்கூடிய வீண் சடங்குகள் அல்லது மூடமான நம்பிக்கைகள் மூலம் பாவங்கள் மன்னிக்கப் படுவதில்லை என்கிறது இஸ்லாம். ஒருவர் செய்த பாவத்திற்கு அவரே பொறுப்பாவார் என்றும் மனம்வருந்தி இறைவனிடம் முறையிட்டு மன்றாடுதல் மூலமே பாவங்கள் மன்னிக்கப்பட வாய்ப்புண்டு என்று தெளிவுபட கூறுகிறது. பாவம் செய்தபின் குற்ற உணர்வில் இருந்து தப்பிக்க குறுக்குவழிகள் ஏதும் இங்கு இல்லை.

6.   புண்ணியம் எது பாவம் எது என்பதற்கான அளவுகோல்:

மனிதர்கள் மனோஇச்சைக்கு ஏற்ப பாவ புண்ணியங்களைத் தீர்மானிப்பது பாவங்கள் பெருகுவதற்கு மற்றொரு காரணம் ஆகும். உண்மையில் இவ்வுலகின் சொந்தக்காரனான இறைவன் எதைச் செய் என்று எவுகிறானோ அதுவே புண்ணியம். அவன் தடுக்கும் செயலே பாவம். அந்த வகையில் இன்று இறைவனின் இறுதிவேதமான திருக்குர்ஆனும் முஹம்மது நபி அவர்களின் நடைமுறைகளும் பாவபுண்ணியங்களை தீர்மானிக்கும் தெளிவான அளவுகோலைத் தருகின்றன.

7.   மது மற்றும் போதைக்கு தெளிவான தடை:

இறைவனது கட்டளைப்படி மது உட்பட அனைத்து போதைப் பொருட்களும் என்பது முழுக்க தடை செய்யப்பட்டவையாகும்.

இறைநம்பிக்கை கொண்டோரே மதுபானமும்சூதாட்டமும்கற்சிலைகளை வழிபடுதலும்அம்புகள் எறிந்து குறி கேட்பதும்ஷத்தானின் அருவருக்கத்தக்க செயல்களில் உள்ளவையாகும்ஆகவே நீங்கள் இவற்றைத் தவிர்த்துக் கொள்ளுங்கள் - அதனால் நீங்கள் வெற்றியடைவீர்கள். (திருக்குர்ஆன் 5:90 )

இறைகட்டளையை மீறி அதை அருந்துவதும் உற்பத்தி செய்வதும் விற்பதும் வாங்குவதும் உதவுவதும் சுமப்பதும் என அனைத்தும் தடை செய்யப் பட்டதாகும். இறைவனின் சாபத்திற்கு உரிய பாவமாகும் என்றும் அவர்களுக்கு மறுமையில் நரக வேதனை காத்திருக்கிறது என்றும் நபிகள் நாயகம்(ஸல்) அவர்கள் எச்ச்சரித்துள்ளதை நபிமொழி நூல்களில் காண்கிறோம்.

8.   குடும்ப உறவும் பொறுப்பும் வலியுறுத்தல்:

= போதைப்பொருள் பயன்பாட்டை ஊக்குவிக்கும் ஒரு காரணி தனிமையும் பொறுப்புணர்வில்லா வாழ்க்கை முறையும் ஆகும். இஸ்லாம் பிரம்மச்சரியத்தையும் துறவறத்தையும் தடை செய்து திருமணத்தையும் குடும்ப உறவு பேணுவதையும் வலியுறுத்துகிறது. குடும்பப் பொறுப்புகள் பற்றி இறைவனிடம் விசாரணை உண்டு என்று கூறுகிறது. ‘’ஆண்தன் குடும்பத்தாருக்குப் பொறுப்பாளன் ஆவான். அவன்தன் பொறுப்புக்கு உட்பட்டவர்கள் குறித்து விசாரிக்கப்படுவான்.என்று நபிகளார் கூறியுள்ளார்கள். (நூல்:புகாரி)

9.  ஆட்சியாளர்களின் பொறுப்பு:

சட்டம் ஒழுங்கைப் பேணுவதும் மது மற்றும் போதைப்பொருட்களுக்கு முழுமையான தடை விதிப்பதும் மீறுவோரைக் கடுமையான முறையில் தண்டிப்பதும் அரசின் பொறுப்பாகும் என்கிறது இஸ்லாம். இப்பொறுப்பை நிறைவேற்றாத ஆட்சியாளர்கள் இறைவனின் தண்டனைக்கு ஆளாவார்கள் என்றும் நபிகள் நாயகம் அவர்கள் எச்சரித்துள்ளார்கள்:

'உங்களில் ஒவ்வொருவரும் பொறுப்பாளர் ஆவார். தன் பொறுப்புக்கு உட்பட்டவை பற்றி அவர் விசாரிக்கப்படுவார். ஆட்சித் தலைவரும் பொறுப்பாளரே! தன் குடிமக்கள் பற்றி அவர் விசாரிக்கப்படுவார்.....' (நூல்: புகாரீ)

10. மது மற்றும் போதை பொருட்களை பயன்படுத்தவோருக்கு தண்டனை:

= மதுவின் தீமைகளில் இருந்து பொதுமக்களைப் பாதுகாக்க ஒரு நடைமுறை சாத்தியமான தீர்வையும் நபிகள் நாயகம் காட்டிவிட்டுச் சென்றார்கள். அதை மதீனாவில் அரசாட்சி கைவந்தபோது நடைமுறைப்படுத்தவும் செய்தார்கள். நம்மாலும் இன்று அதை நடைமுறைப்படுத்த முடியும். அது என்ன?

மது குடித்த நிலையில் பொதுவெளியில் வெளிப்படும் நபர்களை தண்டிக்கும் உரிமையை பொதுமக்களுக்குக் கொடுத்தார்கள் நபிகளார். அவ்வாறு மதுவருந்தி போதையேறிய நபர் ஒருவரை மக்கள் கைகளாலும் பேரித்த மர மட்டையாலும்செருப்புகளாலும் அடித்த சம்பவத்தை நபிமொழித் தொகுப்பில் காண்கிறோம் (நூல்: அஹ்மத்)

இவ்வாறு மதுவிலக்கை அமுல்ப்படுத்துவதோடு பொதுமக்களுக்கு முன் குடித்த நிலையில் வருபவர்களுக்கு உடனடி தண்டனை வழங்க ஏற்பாடு செய்தால் யாராவது அதற்குத் துணிவார்களாபாதிக்கப்படும் மக்களுக்கு 'குடிமகன்களைதண்டிக்கும் அதிகாரத்தைக் கொடுத்து அதை சட்டபூர்வமாக்கலாம். இதை தொலைக்காட்சியிலும் ஒளிபரப்பினால் நாடே இதுகுறித்து விழிப்புணர்வு பெறும் என்பதில் ஐயம் இல்லை.

ஆகஇறை உணர்வையும் மறுமை உணர்வையும் உரிய முறையில் விதைப்பதன் மூலம் மனித மனங்களைப் பண்படுத்தி மது மற்றும் போதை பொருட்களிலிருந்து விலகி வாழும் நல்லோர்கள் நிறைந்த சமூகத்தை உருவாக்க உழைப்போம் வாரீர்.

வியாழன், 8 செப்டம்பர், 2022

திருக்குர்ஆன் முதல் அத்தியாயம்!

 #திருக்குர்ஆன்_முதல்_அத்தியாயம்:

திருக்குர்ஆனின் ஆரம்ப அத்தியாயத்தின் பெயர் பாத்திஹா என்பது. இது ஏழு வசனங்களைக் கொண்டது. இதற்குப் பல சிறப்புகள் உள்ளன .
= உலகெங்கும் இவ்வேழு வசனங்களும் இடைவிடாது ஒலித்துக்கொண்டே இருக்கின்றன. தொழுகையிலும் வெளியிலும் முஸ்லிம்கள் இதை ஓதிக்கொண்டே இருப்பார்கள்.
= இந்த ஏழு வசனங்கள் முஸ்லிம்களின் ஐவேளைத் தொழுகைகளிலும் பலமுறை ஓதப்படுகின்றன. ஒவ்வொரு தொழுகையாளியும் குறைந்தது ஒருநாளைக்குப் பதினேழு முறையாவது ஓதுகிறார்.
= இதை பொருளுணர்ந்து ஓதி நோய்வாய்ப்பட்டவர் மேல் ஓதி ஊதலாம். இறைவன் நாடினால் நோய் குணமாகும்.
அந்த வசனங்களை அவற்றின் பொருள் சகிதம் கீழே தருகிறோம்:
. 1. (B)பிஸ்மில்லாஹிர் ரஹ்மானிர் ரஹீம்
. 2. அல்ஹம்து லில்லாஹி ர(B)ப்பில் ஆலமீன்.
. 3. அர்ரஹ்மானிர் ரஹீம்.
. 4. மாலிகி யவ்மித் தீன்
. 5. இய்யாக்க நஉ(B)புது வஇய்யாக்க நஸ்தஈன்.
. 6. இஹ்தினஸ் ஸிராத்தல் முஸ்த்தகீம்
. 7. ஸிராத்தல்லதீன அன் அம்த அலைஹீம் அய்ரில் மக்லூ(B)பி அலைஹீம் வலழ்ழால்லீன் – ஆமீன்
பொருள்:
. (1. அளவற்ற அருளாளனும் நிகரற்ற அன்புடையோனும் ஆகிய அல்லாஹ்வின் திருநாமத்தால் (இதை ஒதுகிறேன்)
. 2. அனைத்துப் புகழும் அனைத்து உலகையும் படைத்து பரிபாலித்து வரும் அல்லாஹ்வுக்கே உரியது.
. 3. அளவற்ற அருளாளன் நிகரற்ற அன்புடையோன்.
. 4. இறுதித் தீர்ப்பு நாளின் அதிபதி.
. 5. உன்னையே நாங்கள் வணங்குகிறோம் உன்னிடமே நாங்கள் உதவியும் தேடுகிறோம்.
. 6. எங்களை நேரான வழியில் நடத்துவாயாக
. 7. நீ யாருக்கு அருள் புரிந்தாயோ அவர்களின் வழியில் நடத்துவாயாக,. அது உன் கோபத்துக்கு ஆளானோர் வழியுமல்ல நெறி தவறியோர் வழியும் அல்ல.
. அமீன்- எங்கள் பிரார்த்தனையை ஏற்றுக்கொள்வாயாக)
முக்கிய குறிப்பு இந்த அத்தியாயத்தின் இறுதி வசனங்கள் இறைவனே நமக்கு கற்றுத்தரும் பிரார்த்தனைகள். இங்கு நான்காவது வசனத்தை மிக ஆத்மார்த்தமாக கூற வேண்டும் “இறைவா படைத்தவனாகிய உன்னை மட்டுமே வணங்குவோம். உன்னையல்லாது வேறு யாரையும் தெய்வமாக பாவிக்க மாட்டோம்.அவைகளிடம் பிரார்த்திக்கவோ உதவி கோரவோ மாட்டோம்” என்ற உறுதி மொழியை இதன் மூலம் நாம் இறைவனுக்கு கொடுக்கிறோம் என்பதை உணர்க! நம் பிராத்தனை ஏற்றுக் கொள்ளப்படுவதற்கு இது ஒரு நிபந்தனை என்பதை அறிக!
இந்த பாத்திஹா அத்தியாயத்தின் பொருள் இதோ கவிதை வடிவில்......
வெளிச்ச வாசல்
அளவே இல்லா அருளாளன்
நிகரே இல்லா அன்பாளன்
நலமே செய்யும் பண்பாளன்
நாயன் அல்லாஹ் திருப்பெயரால்...
எல்லாப் புகழும் இறைவனுக்கே!
இலங்கும் உலகம் பற்பலவாம்
வல்லான் அவனே படைப்பவனாம்
வாழச் செய்திடும் ரட்சகனாம்
அளவே இல்லா அருளாளன்
நிகரே இல்லா அன்பாளன்
நலமே செய்யும் பண்பாளன்
நாளைய தீர்ப்பின் அதிபதியாம்!
அதிபதி உனையே வணங்குகிறோம்
அடிமைகள்,உதவியும் தேடுகிறோம்
எதுநேர் வழியோ அதில் செலுத்து...
இன்னருள் பெற்றோர் வழியதுவே!
நீசினந் தோரின் வழிவேண்டாம்
நெறிகெட் டோரின் வழிவேண்டாம்
மாசில் லாஉன் அருள்பொழியும்
மார்க்கப் படியே எமைநடத்து
வேதம் எதிலும் இல்லாத
வெளிச்ச வாசல் ஃபாத்திஹா
போதம் குர்-ஆன் சாரமிது!
புரிந்தோர் உணரும் ஞானமிது!!
ஆமீன்,ஆமீன் அவ்வாறே
ஆகுக,ஆகுக,ஆகுகவே
(கவிதை -ஏம்பல் தஜம்முல் முஹம்மது)
May be an image of one or more people, monument and text
Like
Comment
Share

செவ்வாய், 23 ஆகஸ்ட், 2022

பிரபஞ்சத்தின் ஆரம்பக் கரு என்ற பேரற்புதம்!


= நீங்கள் விதைக்கின்ற இந்த விதையைப் பற்றி எப்போதாவது நீங்கள் சிந்தித்ததுண்டா? இதன் மூலம் பயிர்களை நீங்கள் விளைவிக்கின்றீர்களா? அல்லது நாம் விளைவிக்கின்றோமா? நாம் நாடினால் இவற்றைப் பதர்களாய் ஆக்கிவிட்டிருப்போம். அப்போது நீங்கள் பலவாறு புலம்பிக்கொண்டிருப்பீர்கள் (திருக்குர்ஆன் 56:63)

உதாரணத்திற்கு ஏதேனும் ஒரு விதையை – ஒரு கடுகோ, பூசணி விதையோ, மாங்கொட்டையோ - எடுத்து நோட்டமிடுங்கள். அந்த விதையைப் பொறுத்தே அதிலிருந்து முளைக்கும் தாவரம் அமையும். அதற்குள் அடங்கியுள்ள மென்பொருளை – அதாவது அதில் அடங்கியுள்ள மூலப்பொருட்களின் இயல்புகளை செயல்பாடுகளை நடத்தையை அல்லது அதிலிருந்து முளைக்கப் போகும் தாவரத்தின் இலைதண்டுகாம்பு போன்றவற்றின் இயல்புகள்நிறங்கள்வடிவங்கள்போன்ற விவரங்கள் அல்லது எவை எவை என்னென்ன  விதத்தில் அளவையில் விகிதத்தில் இருக்கவேண்டும் என்னும் விவரங்களை இன்னும் நாம் நம்மால் அறிய இயலாத ஏராளமான விவரங்களை கட்டளைகளை  - அவற்றின் DNA வில் பதிவு செய்யப்பட்டுள்ளதை நவீன அறிவியல் நமக்கு அறிவிக்கிறது. இந்த அதிநுட்பம் வாய்ந்த தகவல்களை அவற்றில் பதிவதற்கு  சர்வஞானமும் நுண்ணறிவும் அளவிலா ஆற்றலும் கொண்ட ஒரு படைப்பாளன் தேவை என்பதை பகுத்தறிவு நமக்குக் கற்றுத்தருகிறது. அந்த படைப்பாளனையே அரபுமொழியில் அல்லாஹ் என்றும் அழைக்கிறோம்.

 (நபியே!) உயர்வான உம் இறைவனுடைய திருப் பெயரைத் துதிப்பீராக! அவன்  எத்தகையவன் எனில்,  அவன்தான் படைத்தான்பொருத்தமாகவும் பக்குவமாகவும் அமைத்தான்;   மேலும்அவனே (அவற்றுக்கு வேண்டிய அனைத்தையும்) அளவுபட நிர்ணயித்து (அவற்றைப் பெறுவதற்கும் இயங்குவதற்கும்) வழிகாட்டினான்.  (திருக்குர்ஆன் 87:1-3)

பிரபஞ்சத்தின் ஆரம்ப நிலை:

இனி இந்த ஒட்டுமொத்தப் பிரபஞ்சத்தையும் கவனத்தில் கொள்ளுங்கள். இந்தப் பிரபஞ்சம் அனைத்தும் மிகமிகச்சிறியதொரு புள்ளியாக ஒரு நுண்ணிய கருவில் ஒடுங்கியிருந்தது. அந்தக் கரு ஒரு குறித்த கணத்தில் திடீரெனப் பிரமாண்டமாக வெடித்துச் சிதறியது.  கோடானகோடி அணுகுண்டுகளை ஒன்றாய்ச் சேர்த்து வெடித்தது போல இருந்த அந்தப் பெருவெடிப்பைத்தான்  'பிக்பாங்க்' (Bigbang) என்று குறிப்பிடுகிறார்கள். வெடித்த அடுத்த நொடியிலேயே அது பேரண்டமாக விரிவடைந்தது. மிகச் சிறியதொரு புள்ளி ஒருநொடிக்கும் குறைந்த நேரத்துக்குள் பேரண்டமாக விரிவடைந்தது. அந்த விரிவாக்கம் தொடர்ந்து முடுக்கப்பட்ட வேகத்தோடு நடைபெற்று வருகிறது என்பதையும் அறிவியல் நிரூபித்து நிற்கிறது.

பெருவெடிப்பு பற்றிய குறிப்பை இறைவேதம் திருக்குர்ஆனில் காணலாம்:

= சத்தியமறுப்பாளர்கள் பார்க்கவில்லையா நிச்சயமாக வானங்களும், பூமியும் (முதலில்) இணைந்திருந்தன என்பதையும், இவற்றை நாமே பிரித்(தமைத்)தோம் என்பதை? (திருக்குர்ஆன் 21:30)

பிரபஞ்ச விரிவு பற்றி படைத்தவனின் கூற்றையும் நாம் இங்கு நினைவு கூருவோம்:

= மேலும், நாம் வானத்தை (நம்) சக்தி கொண்டு அமைத்தோம்; நிச்சயமாக நாம் விரிவாக்கும் ஆற்றலுடையவராவோம். (திருக்குர்ஆன் 51:47)

இல்லாமையில் இருந்து உள்ளமைக்கு வந்த ஆரம்பக் கரு!

ஒரு மரத்தின் விதையில் அது தொடர்பான அனைத்து பாகங்களின் இயல்பும் மென்பொருளும்  ஆற்றல்களும் உள்ளடக்கப் பட்டதன் காரணமாக மரமும் தொடர்ந்து பழங்களும் விதைகளும் உருவாகி அவற்றின் மூலம் இனப்பெருக்கமும் நடந்து கொண்டு வருகிறன என்பதை நாம் அறிகிறோம். இதே போல இந்தப் பிரபஞ்சத்தின் ஆரம்பக் கருவைப் பற்றி சிந்தித்துப்பாருங்கள். அதற்குள்ளும் இந்தப் பிரபஞ்சத்தில் இன்று காணும் அனைத்து கூறுகளின் பெரியதும் நுண்ணியதுமான அனைத்தின் - இயல்புகளும் இயங்கு விதிகளும் மென்பொருளும் எல்லாம் அந்த ஆரம்பக் கருவில் எழுதப்பட்டு இருக்கவேண்டும். இந்தக் கட்டுரையை நாம் எழுதுவதும் நீங்கள் வாசிப்பதும் எல்லாம் அதில் அடக்கம்! அக்கருவை இல்லாமையில் இருந்து தோன்றவைத்து அதிலிருந்து இன்று காணும் இப்பேரண்டத்தை உருவாக்கி பரிபாலித்து வரும் அந்த மாபெரும் சக்தியையே தமிழில் இறைவன் என்றும் அரபுமொழியில் அல்லாஹ் என்றும் அழைக்கிறோம்.

= படைப்புகளின் விதியை அல்லாஹ் வானங்களையும்பூமியையும் படைப்பதற்கு ஐம்பது ஆயிரம் ஆண்டுகளுக்கு முன்பே எழுதிவிட்டான் என்று நபி ஸல் அவர்கள் கூறினார்கள்

 அறிவிப்பு : அம்ரு இப்னு ஆஸ்(ரலி)முஸ்லிம்திர்மதி.

அற்பமானவனல்ல இறைவன்

இன்னொரு உண்மையும் நாம் இங்கு நினைவுகூரக் கடமைப்பட்டுள்ளோம். அந்த தன்னிகரற்ற சக்தி என்பது நம்மைப்போல் பலவீனமான ஒருமனிதனைப் போலவோ அல்லது நம்மைவிடத் தாழ்ந்த ஒரு ஜீவியாகவோ அல்லது ஒரு வெறும் உணர்வற்ற ஒரு ஜடப்பொருளாகவோ இருக்க முடியாது என்பதும் அதே பகுத்தறிவு நமக்குச் சொல்லும் பாடமாகும்.

= சொல்வீராகஇறைவன் ஒருவனேஅவன் தேவைகள் அற்றவன் அவன் யாரையும் பெற்றேடுக்கவும் இல்லைஅவனையும் யாரும் பெற்றேடுக்கவும் இல்லை.அவனுக்கு நிகராக யாரும் எதுவும் இல்லை. (திருக்குர்ஆன் 112:1-4)

ஆம், அந்த இறைவன்தான் உங்கள் மீது அளவிலா அன்பும் நிகரிலா கருணையும் கொண்டு அரவணைப்பவன் எனும்போது உங்களால் கவனமற்று அலட்சியமாக உணர்வற்று இருக்க முடிகிறதா? நீங்களும் அக்கருணையாளனை நேசிக்க வேண்டாமா?

= அனைத்து புகழும், அகிலங்கள் எல்லாவற்றையும் படைத்து வளர்த்துப் பரிபக்குவப்படுத்தும் (நாயனான) அல்லாஹ்வுக்கே ஆகும். (அவன்) அளவற்ற அருளாளன் நிகரற்ற அன்புடையோன். (திருக்குர்ஆன் 1:2,3)

===================== 

இஸ்லாம் என்றால் என்னமுஸ்லிம் என்றால் யார்?
அல்லாஹ் என்றால் யார்?
இஸ்லாம் ஏன் எதிர்ப்புக்குள்ளாகிறது?
ஒப்பிலா உயர்மறை திருக்குர்ஆன்!

திங்கள், 22 ஆகஸ்ட், 2022

திருக்குர்ஆன் நற்செய்திமலர் - ஆகஸ்ட் 22 இதழ்

 


திருக்குர்ஆன் நற்செய்திமலர் - ஆகஸ்ட் 22 இதழ்  

பொருளடக்கம்:

வாழ்க்கை என்னவென்று புரிந்தோருக்கு கவலைகளில்லை! -2

வாசகர் எண்ணம் - 3

வாழ்க்கையைப் புரியாதோரின் நிலை கவலைக்கிடமானது! -4

பசியோடு கழித்த பொழுதுகள்! -5 55

தியாகத்தின் ஆண்டுவிழா பக்ரீத்! -6 6

உயிர்பலி பற்றிய ஐயங்களும் தெளிவும்-88 8

புலால் உணவு விஷயத்தில் இறைவழிகாட்டுதல் -10 1

பக்ரீத் பண்டிகையால் நாட்டுக்கு இவ்வளவு நன்மைகளா?-11 12

தட்சணை பெறவேண்டியவள் பெண், ஆணல்ல!-1 115

நாய்வளர்ப்பு- அபாயகரமானது! -17

தீமைகளில் இருந்து நாட்டைக் காப்பதும் வழிபாடே!  -20

ஓரினச்சேர்க்கை எனும் ஆபத்திலிருந்து  நாட்டைக் காப்போம்! -23 

செவ்வாய், 16 ஆகஸ்ட், 2022

மதம் மாறித்தான் இஸ்லாத்தை பின்பற்ற முடியுமா?

 #என்_கேள்விக்கென்ன_பதில்?

கேள்வி: நீங்கள் கூறுவதுபோல் உங்கள் மார்க்கத்தின் கொள்கைகள் எனக்குப் பிடித்துள்ளன. அதைப் பின்பற்ற வேண்டுமானால் மதம் மாறித்தான் ஆக வேண்டுமா

புனீத்,  கோரமங்களா, பெங்களூர்

 


பதில்:  முதலாவதாக உங்கள் மார்க்கம் எங்கள் மார்க்கம் என்ற வார்த்தைப் பிரயோகமே தவறானது என்பதை உணருங்கள். நாம் அனைவரும் ஒரே இறைவனால் ஒரே தாய் தந்தையில் இருந்து உருவாகி பூமியெங்கும் பரவி வாழ்ந்து கொண்டிருப்பவர்களே. நாம் அனைவரும் ஒரே குடும்பத்தின் அங்கத்தினர்களே என்பதை ஒருபோதும் மறந்து விடக் கூடாது. நம் இறைவன் நமக்காக ஒரே மார்க்கத்தைத்தான் அருளினான். அதே மார்க்கம்தான் ஒவ்வொரு காலகட்டங்களிலும் எங்கெல்லாம் நம் குடும்பங்கள் பரவியதோ அங்கெல்லாம் பற்பல தூதர்கள் மூலம் மீணடும் மீணடும் அறிமுகம் செய்யப் பட்டது.  அதே மார்க்கமே இறுதியாக முஹம்மது நபி (ஸல்) அவர்கள் மூலம் மறு அறிமுகம் செய்யப் பட்டுள்ளது. அந்த மார்க்கத்திற்க்குப் பெயர்தான் 'இஸ்லாம்' என்று இன்று அரபி மொழியில் அறியப்படுகிறது.

#இஸ்லாம்_என்றால்_என்ன?

இஸ்லாம் என்றால் அதன் பொருள் கீழ்படிதல் என்பது. அதன் இன்னொரு பொருள் அமைதி என்பதாகும். அதாவது இறைவனுக்குக் கீழ்படிந்து வாழ்ந்தால் இவ்வுலக வாழ்க்கையிலும் அமைதி பெறலாம். மறுமையிலும் அமைதி அல்லது மோட்சம் பெறலாம் என்பது இந்த இறைமார்க்கம் முன் வைக்கும் தத்துவம்.

#முஸ்லிம்_என்றால்_யார்?

முஸ்லிம் என்றால் கீழ்படிபவன் என்று பொருள். உதாரணமாக ஆசிரியருக்கு கீழ்படிந்து நடக்கக்கூடிய மாணவனையோ அல்லது முதலாளிக்கு கீழ்படியும் சிப்பந்தியையோ அரபு வார்த்தையைப் பொறுத்தவரை ஒரு முஸ்லிம் எனலாம். அதேபோல் யார் இறைவனின் கட்டளைகளுக்குக் கீழ்படிந்து நடக்கிறார்களோ அவரகளே முஸ்லிம்கள் எனப்படுவர்.. ஒரு தொப்பியோ தாடியோ வைப்பதனாலோ அல்லது அரபியிலோ உருது மொழியிலோ பெயர் வைப்பதனாலோ யாரும் முஸ்லிம் ஆகி விட முடியாது. ஒரு முஸ்லிம் தாய் தந்தையருக்குப் பிறந்து விட்டாலும் ஒருவர் முஸ்லிம் ஆக முடியாது. முழுக்க முழுக்க பின்பற்றுதல் மூலமே ஒருவர் முஸ்லிம் ஆக முடியும்.

 முஸ்லிம் என்ற வார்த்தையை இவ்வாறும் நீங்கள் புரிந்துகொள்ள முடியும். நீங்கள் இயற்கையைப் பாருங்கள். மரம, செடி, கொடி, சூரியன், சந்திரன், நட்சத்திரங்கள், மீன்கள், பறவைகள், விலங்கினங்கள்........ என இவை அனைத்தும் இறைவனின் கட்டளைகளுக்கு அதாவது இறைவன் விதித்த விதிகளுக்கு கட்டுப்பட்டே வாழ்கின்றன. எனவே இவை அனைத்தும் முஸ்லிம்களே! மட்டுமல்ல உங்கள் உடலையே நீங்கள் எடுத்துக் கொள்ளுங்கள். உங்கள் உடல் உறுப்புக்கள் ஒவ்வொன்றும்- இதயம், வயிறு, ஈரல்கள், நாடி, மூளை, சிறுநீரகம்..... என அனைத்தும் முஸ்லிம்களே! காரணம் அவை அனைத்தும் இறைவனுக்குக் கீழ்படிந்தவையாகவே இருக்கின்றன. அதாவது நீங்கள் இன்னும் முஸ்லிமாக ஆகாவிட்டாலும் உங்கள் உடல் என்றும் முஸ்லிமாகவே இருக்கிறது!  ஆம் இவ்வுலகில் மனிதனைத் தவிர மற்ற அனைத்தும் முஸ்லிம்களாகவே இருக்கின்றன.

 சரி, ஒரு மனிதன் எப்போது அல்லது எவ்வாறு ஒரு முஸ்லிமாக முடியும்?

 எப்போது மனிதன் படைத்த இறைவனை ஏற்றுக்கொண்டு அவனது கட்டளைகளைப் புரிந்து கொண்டு அதன்படி வாழத் துவங்குகிறானோ அப்போதுதான் அவன் முஸ்லிமாக ஆகிறான். அதாவது படைத்தவனோடு 'இறைவா உன்னை என் வணக்கத்துக்குரியவனாக ஏற்றுக் கொள்கிறேன். நீ அனுப்பிய தூதரை ஏற்றுக் கொள்கிறேன். இன்று முதல் உன் கட்டளைகளுக்கு கீழ்படிந்து வாழ்கிறேன்.' என்று ஒரு உடன்படிக்கை செய்து அதன்படி நிலைத்து நிற்கும்போதுதான் ஒரு மனிதன் முஸ்லிமாக ஆகிறான். அதாவது இறைவன் தரும் வாழ்க்கைத் திட்டத்தை ஏற்று அதன்படி வாழத் துவங்க வேண்டும்.

 அது என்ன வாழ்க்கைத் திட்டம் ?

 அதற்கு இஸ்லாத்தின் தூண்கள் என்று கூறப்படும். 

1.         கொள்கைப் பிரகடனம்: 'வணக்கத்துக்கு உரிய இறைவன் அல்லாஹ்வைத் தவிர யாரும் இல்லை என்றும் முஹம்மது நபி(ஸல்) அவர்கள் அல்லாஹ்வின் தூதர் ஆவார்கள்' என்ற வாசகத்தை மனதார ஏற்று வாயால் மொழிதல்.

2.         ஐவேளைத் தொழுகை: இந்த வாழ்க்கைத் திட்டத்தை முறைப்படி செயல்படுத்த வேண்டுமானால் நாம் படைத்தவனோடு தொடர்பில் இருக்க வேண்டும். அப்போதுதான் தீமை செய்யத்தூண்டும் மன சஞ்சலங்களும் ஷைத்தானின் ஊசலாட்டங்களும் நம்மை வழி தவறச் செய்யாது. அதற்காக விடியற்காலை, மதியம், மாலை, சூரியனின் மறைவுக்குப் பிறகு, உறங்கும் முன் என ஐவேளைகளில் இறைவன் தன தூதர் மூலமாக கற்றுத் தந்த தொழுகைகளை நிறைவேற்றுதல்.

3.         கட்டாய தருமம்: பொருள் மற்றும் செல்வம் என அனைத்தும் இறைவனுக்குச் சொந்தமானவையே. இவை நம்மை பரிசோதிப்பதற்காகத் தரப்படுபவையே. நமக்கு தரப்படுபவற்றில் ஒரு குறிப்பிட்ட பங்கு ஏழைகளுக்கு உரியது. எனவே அவற்றை கட்டாயமாகக் கொடுத்து விட வேண்டும்.

4.         ரம்ஜான் மாத விரதம்: திருக்குர்ஆன் இறங்கிய ரம்ஜான் மாதத்தில் பகல் வேளையில் உண்ணுதல், பருகுதல், உடலுறவு இவற்றிலிருந்து தவிர்த்திருத்தல்.

5.         ஹஜ் எனும் புனித யாத்திரை: பொருள் வசதியும் உடல் ஆரோக்கியமும் உள்ளவர்கள் வாழ்நாளில் ஒரு முறை மக்கா நகரிலுள்ள கஅபா என்ற இறையில்லத்தை தரிசிக்கச் செல்லுதல்.

 இப்போது உங்கள் கேள்விக்கு வருவோம்.  மேற்கூறப்பட்ட கொள்கையும் வாழ்க்கைத்திட்டமும் உங்களுக்குப் பிடித்து இருந்து அதைப் பின்பற்ற வேண்டும் என்று நீங்கள் விரும்பினால் யாருடைய தயவும் உங்களுக்குத் தேவை இல்லை. அது உங்களுக்கும் உங்கள் இறைவனுக்கும் இடையிலானது. நீங்கள் ஆத்மார்த்தமாக மேற்கூறப்பட்ட கொள்கைப் பிரகடனத்தை இதயத்தில் உறுதி செய்து வாயால் மொழிந்தால் அந்த நொடியிலிருந்து நீங்கள் முஸ்லிமாகி விட்டீர்கள்.  எந்த ஒரு மத குருவின் முன்னிலையோ யாருடைய சாட்சியமோ அல்லது ஒரு வழிபாட்டுத்தலத்தில் பதிவு செய்யும் அவசியமோ அங்கு இல்லை! உங்கள் பெயரை மாற்றிக்கொள்ள வேண்டிய அவசியமும் அங்கு இல்லை!

 ஆம் இம்மார்க்கத்தை ஏற்க  மன மாற்றமும் குண மாற்றமும் தவிர வேறு எந்த மாற்றங்களும் முக்கியம் இல்லை. ஆனால் ஏற்றுக்கொண்ட கொள்கையில் உறுதியாக இருக்க வேண்டும். மீணடும் படைத்தவன் அல்லாதவற்றை கடவுள் என்று சொல்வதோ கற்பனை உருவங்களை வணங்குவதோ தொழுகையை விடுவதோ தீமைகள் பக்கம் செல்வதோ கூடாது! நீங்கள் இக்கொள்கைப் பிரகாரம் எவ்வளவு காலம் வாழ்கிறீர்களோ அதுவரை மட்டுமே நீங்கள் முஸ்லிமாக இருக்கிறீர்கள் என்பதையும் அறிந்து கொள்ளுங்கள்! அதே நிலையில் நீங்கள் மரணத்தைத் தழுவுவீர்களானால் உங்களுக்கு சொர்க்கம் உறுதி! இறைவன் தன திருமறையில் கூறுகிறான் :

 'ஓ இறைவிசுவாசிகளே! நீங்கள் முஸ்லிம்களாக அன்றி மரணித்து விடாதீர்கள்! (திருக்குர்ஆன் 3:102)

 =============== 

இஸ்லாம் என்றால் என்னமுஸ்லிம் என்றால் யார்?
அல்லாஹ் என்றால் யார்?
இஸ்லாம் ஏன் எதிர்ப்புக்குள்ளாகிறது?

ஒப்பிலா உயர்மறை திருக்குர்ஆன்!