மனிதனின் இறுதிச்சடங்கில் ஏன் பங்கேற்க வேண்டும் ?

ஜீ வா

etpnSsdoor0lc6ala313 ufl1e7ur9580h3amal30tu192Flbymf3tr2t15u  · 

மனிதன் , ஏன் இன்னொரு மனிதனின் இறுதிச்சடங்கில் பங்கேற்க வேண்டும் ?

மரணம் உன்னதமானது.

அதை உணரும் போது...

உயிர் உடலில் இருக்காது.

ஒரு மனிதன், எப்போது அச்சம் கொள்கிறான்?

*இன்னொரு மனிதனின் இறந்த சவத்தை பார்க்கும் போது தானும் நடுங்குகிறான்.*

உலகின் வேறு எதுவும் , மனிதனை இத்தனை அசைத்துப் பார்ப்பதில்லை.

நமக்கு சோறு ஊட்டிய அன்னை, நம்மை தோளில் சுமந்த தந்தை,

நாம் தூக்கி வளர்த்த பிள்ளை, நமது இன்ப துன்பங்களை பகிர்ந்த வாழ்க்கைத் துணை, நம்முடன் சுற்றித் திரிந்த நண்பர்கள்,

இவர்களின் மரணம் நம்மை புரட்டி எடுக்கும்.

ஒருநாள் நமக்கும் மரணம் இருக்கிறது என்ற எண்ணமே.... நம்மை ஆட்டிப் பார்க்கிறது.

மனதுக்கு நெருங்கியவரை-

குழிக்குள் இறக்கி

மண்ணிட்டு மூடும் போது ..வரும் வெறுமை...

நமது தலையில் சேர்த்து வைத்திருக்கும் புகழ்,

ஈகோ, அகந்தை, கர்வத்தையும்

சேர்த்து ,அனைத்தையும் மண்ணோடு மூடிவிடும்.

ஒரு மரணத்தை காணும் போது ... மனம் இறங்க வேண்டும்.

"மரணம் எனக்கும் வரும்" என்ற எண்ணம் தான்.. ஒவ்வொருவருக்கும் கட்டாயம் இருக்க வேண்டும்.

பணம் மீது தீராத வெறி,

பதவி மீது தீராத வேட்கை,

இவையெல்லாம் மரணம் எனக்கு வராது என்ற எண்ணத்தின் நீட்சியாக இருக்கலாம்.

ஒவ்வொரு மரணத்தைக் காணும் போதும்..

நம் மனதில் இருக்கும்

வஞ்சம், பகை, ஈகோ, போன்றவற்றை மறக்க வேண்டும்.

ஒரு பிரேதம் மண்ணில் அடக்கப்படும் போது ....

வஞ்சம், பகை,

ஈகோவையும் அத்தோடு மண்ணுக்குள் போட்டு அடக்க வேண்டும்.

மரணத்தின் எண்ணம், நம் இறையச்சத்தை அதிகரிக்கும்.

மரண வீடுகளுக்கு கட்டாயம் செல்ல வேண்டும். காரணம், மரண வீடுகளுக்குச் சென்று மரணித்தவரைக் காணும் போது... நம் மனமும் அதற்கான ஒத்திகையை செய்து கொள்கிறது.

மண்ணின் இயற்கை சுழற்சியை ஒழுங்கு செய்யும் ஒரே விஷயம்

மரணம் மட்டுமே!

மரணத்தை நேசிப்போம்!

காரணம் , நமக்கு இவ்வுலகில் நிச்சயிக்கப்பட்ட பரிசாக மரணம்தான் காத்திருக்கிறது.

மண்கலம் கவிழ்ந்த போது... வைத்து வைத்து அடுக்குவார்!

வெண்கலம் கவிழ்ந்த போது... வேணும் என்று பேணுவார்!

நன்கலம் கவிழ்ந்த போது... நாறும் என்று போடுவார்!

மண்பானை கவிழ்ந்து உடைந்து போனால் ....அது தேவைப்படும் என எடுத்து அடுக்கி வைப்பார்கள் !

வெண்கலப் பானை வீழ்ந்து நசுங்கிப் போனால் ....அது வேணும் என்று பாதுகாப்பார்கள்!

ஆனால் .....

நமது உடம்பை விட்டு உயிர் போய் கிடக்கும் போது .... அதனைப் பிணம் என்று இகழ்ந்து... அது கிடந்தால் நாறும் எனக் கூறி, குழிவெட்டி அதனில் போட்டு மூடிவிடுவார்கள் !

இப்படி ஒரு காசுக்கும் கூட உதவாத எண் சாண் உடம்பில் ,உயிர் இருக்கும் போதே....நம்மால் இயன்ற நல்லதை மற்றவர்க்கு செய்வோம்... நாமும் வாழ்ந்து.. பிறரையும் வாழவைத்து... மனநிறைவு கொள்வோம்!

=============

“மண்ணறைகளைக் கண்டு வாருங்கள். நிச்சயமாக அது உலகப் பற்றை நீக்கும், மறுமையை நினைவு படுத்தும்”என நபி (ஸல்) அவர்கள் கூறினார்கள். அறிவிப்பவர் : அபூஸயீதுல் குத்ரி, நூல் : அஹ்மது.
அங்கு சொல்ல வேண்டியது பற்றியும் நபிகளார் கூறியுள்ளார்கள்: .
“விசுவாசிகளான மண்ணறைவாசிகளே! உங்களுக்கு சாந்தி உண்டாகட்டும். நிச்சயமாக நாங்களும் அல்லாஹ் நாடினால் உங்களை மரணம் மூலம் சந்திப்பவர்களே!”அறிவிப்பவர் : அபூஹுரைரா (ரலி), நூல்கள் : முஸ்லிம், அஹ்மது, நஸயீ..
“விசுவாசிகளான முஸ்லிமான மண்ணறை வாசிகளே! உங்கள் மீது சாந்தி உண்டாகட்டும்! நிச்சயமாக, இன்ஷா அல்லாஹ், நாங்களும் உங்களை அடுத்து வருபவர்களே! உங்களுக்கும் எங்களுக்கும் அல்லாஹ்விடம் சுகவாழ்வைக் கேட்கிறோம்” அறிவிப்பவர் : புரைதா (ரலி), நூல்கள்: முஸ்லிம், அஹ்மது, இப்னு மாஜா..
(அல்லாஹ் என்றால் வணக்கத்திற்குத் தகுதிவாய்ந்த ஒரேஇறைவன் என்பது பொருள்)

மனித வாழ்க்கையின் அடுத்தகட்டம்!

 கருவறை வாழ்க்கையில் இருந்து பூமிக்கு வந்தோம். இதைத் தொடர்ந்து நாம் கல்லறை அல்லது மண்ணறை வாழ்க்கைக்குள் செல்ல இருக்கிறோம். அதையடுத்து மீண்டும் இறைகட்டளை வரும்போது - இறுதித்தீர்ப்பு நாள் அன்று - மீண்டும் உயிர்கொடுத்து எழுப்பப்பட உள்ளோம்.  விசாரணைக்குப் பிறகு நம் உண்மையான நிரந்தரமான வாழ்விடம் சொர்க்கமா இல்லை நரகமா என்பது தெரியவரும்!

மண்ணறை வாழ்க்கை என்றால் என்ன?

மனிதர்கள் மரணித்ததி­லிருந்து, மீண்டும் உயிர் கொடுத்து எழுப்பப்படுவதற்கு மத்தியில் உள்ள காலகட்டமே மண்ணறை வாழ்க்கையாகும். இதற்கு ”பர்ஸக்” – அதாவது திரை மறைவு வாழ்க்கை என்று கூறப்படும்..

மண்ணறையில் கேட்கப்படும் கேள்விகள் என்ன?

ஒருவர் மண்ணறையில் அடக்கம் செய்யப்பட்டவுடன் வானவர்கள் அவனிடம் மூன்று கேள்விகளைக் கேட்பார்கள். அவை

1. உன்னுடைய இறைவன்  யார்?

2. உன்னுடைய மார்க்கம் எது?

3. உங்களுக்கு அனுப்பட்ட இறைத்தூதரான முஹம்மது நபியைப் பற்றி நீ என்ன கருதுகிறாய்?

ஆகிய மூன்று கேள்விகளாகும்.

இதற்கு விசுவாசிகள்,

1. என்னுடைய இறைவன் அல்லாஹ்

2. என்னுடைய மார்க்கம் இஸ்லாம்.

3. முஹம்மது நபி (ஸல்) அவர்கள் அல்லாஹ்வின் தூதர் ஆவார்கள் என்று பதிலளிப்பார்கள்.

சத்திய மறுப்பாளர்களால் பதிலளிக்க முடியாது. அவர்கள் மண்ணறையில் வேதனை செய்யப்படுவார்கள்.

மண்ணறையில் வேதனை செய்யப்படுமா?

ஆம், தீயவர்கள் மண்ணறையில் வேதனை செய்யப்படுவார்கள்.

நபி (ஸல்) அவர்கள் கூறினார்கள்:  “நீங்கள் இறந்தவர்களைப் புதைக்காமல் விட்டுவிடுவீர்களோ என்ற அச்சம் எனக்கில்லையாயின், மண்ணறையின் வேதனையை உங்களுக்குக் கேட்கச் செய்யுமாறு நான் இறைவனிடம் பிரார்த்தனை செய்திருப்பேன்.”

அறிவிப்பவர்:அனஸ் (ரலி) நூல்  முஸ்­லிம் (5503)

மண்ணறையில் நல்லோர்களின் நிலை என்ன?

வானவர்கள் கேட்கும் கேள்விகளுக்கு பதிலளிக்கும் நல்லோர்கள் இறுதித்தீர்ப்பு நாளில் இறைவன் மீண்டும் உயிர் கொடுத்து எழுப்பும் வரை புதுமாப்பிள்ளை உறங்குவது போன்று உறங்குவார்கள். (திர்மிதி)

நல்லோர்களின் மண்ணறை வாழ்க்கை

“ஒவ்வோர் ஆத்மாவும் மரணத்தைச் சுகித்தே ஆகவேண்டும்; அன்றியும் - இறுதித் தீர்ப்பு நாளில் தான், உங்க(ள் செய்கைக)ளுக்குரிய பிரதி பலன்கள் முழுமையாகக் கொடுக்கப்படும்; எனவே எவர் (நரக) நெருப்பிலிருந்து பாதுகாக்கப்பட்டுச் சுவர்க்கத்தில் பிரவேசிக்குமாறு செய்யப்படுகிறாரோ அவர் நிச்சயமாக வெற்றியடைந்து விட்டார்; இவ்வுலக வாழ்க்கை மயக்கத்தை அளிக்கவல்ல (அற்ப இன்பப்) பொருளேயன்றி வேறில்லை.” (திருக்குர்ஆன் 3:185)

மரணம் எப்போதும் வேண்டுமானாலும் யாருக்கு வேண்டுமானாலும் வரலாம். அவ்வாறு வருவதற்கு முன் நாம் நம்மை தயார் செய்து கொள்ள வேண்டும். மரணத்தருவாயில் இருந்து நடக்கும் நிகழ்வுகளை நபி (ஸல்) அவர்கள் மிக அழகிய முறையில் விளக்கியுள்ளார்கள். 

சந்தோஷமான செய்தி கூறப்படும்

நல்லவர்கள் மரணிக்கும் போது வானவர்கள் சந்தோஷமான வார்த்தைகளை அவர்களிடம் கூறுவார்கள். மரியாதையுடன் நடத்தப்படுவார்கள். சொர்க்கம் பரிசாக கிடைக்கப் போகிறது என்ற சுபச் செய்தியை மரணிக்கும் தறுவாயில் வானவர்கள் கூறுவார்கள். எனவே தனது நிலை என்னவாகுமோ என்ற கவலை நல்லவர்களுக்கு இருக்காது. அவர்கள் நிம்மதியுடனும் சந்தோஷத்துடனும் மண்ணறை வாழ்க்கைக்குள் பிரவேசிப்பார்கள்.

= அமைதியுற்ற ஆத்மாவே! திருப்தியோடும் (இறைவனால்) திருப்தி கொள்ளப்பட்டும் உனது இறைவனிடம் செல்வாயாக! எனது அடியார்களில் சேர்ந்து கொள்வாயாக! எனது சொர்க்கத்தில் நுழைவாயாக! (எனக் கூறப்படும்) (திருக்குர்ஆன் 89 : 27)

நற்செய்தியை பெறுதல்

= நிச்சயமாக எவர்கள்: “எங்கள் இறைவன் அல்லாஹ்தான்” என்று கூறி, (அதன் மீது) உறுதியாக நிலைத்து நின்றார்களோ, நிச்சயமாக அவர்கள்பால் மலக்குகள் வந்து, “நீங்கள் பயப்படாதீர்கள்; கவலையும் பட வேண்டாம் - உங்களுக்கு வாக்களிக்கப்பட்ட சுவர்க்கத்தைக் கொண்டு மகிழ்ச்சி பெறுங்கள்” (எனக் கூறியவாறு) இறங்குவார்கள்.

 “நாங்கள் உலக வாழ்விலும், மறுமையிலும் உங்களுக்கு உதவியாளர்கள்; மேலும் (சுவர்க்கத்தில்) உங்கள் மனம் விரும்பியதெல்லாம் அதில் உங்களுக்கு இருக்கிறது - அதில் நீங்கள் கேட்பதெல்லாம் உங்களுக்குக் கிடைக்கும். (திருக்குர்ஆன் 41 : 30,31)

நல்லவர் முந்துதல்! தீயவர் பிந்துதல்!!

இன்பமான வாழ்வு உறுதி செய்யப்பட்டுவிட்டதால் விரைவாக தன்னை அடக்கம் செய்யுமாறு நல்லவர் விரும்புவார். ஆனால் தீயவரோ தனக்குக் கிடைத்த கொடூரமான வாழ்வை நினைத்து தன்னை மண்ணறைக்குள் அடக்கிவிட வேண்டாம் என்று அலறிக் கொண்டிருப்பார்.

இறைத்தூதர் (ஸல்) அவர்கள் கூறினார்கள் : “பிரேதம் (பெட்டியில்) வைக்கப்பட்டு அதை ஆண்கள் தங்கள் தோள்களில் தூக்கிச் செல்லும் போது, அந்தப் பிரேதம் நல்லறங்கள் புரிந்ததாக இருப்பின்,”என்னை விரைந்து கொண்டு செல்லுங்கள்” என்று கூறும். அது நல்லறங்கள் புரியாததாக இருப்பின்,”கைசேதமே! என்னை எங்கே கொண்டு செல்கிறீர்கள்?” என்று கூறும். இவ்வாறு கூறப்படும் சப்தத்தை மனிதனைத் தவிர அனைத்தும் செவியுறும். மனிதன் அதை செவியுற்றால் மயங்கி விழுந்து விடுவான்.

அறிவிப்பவர் : அபூசயீத் அல்குத்ரீ(ரலி), நூல் : புகாரி

இறைவனை சந்திக்க விரும்புபவரும், வெறுப்பவரும்:

இறைத்தூதர் (ஸல்) அவர்கள், ”யார் இறைவனைச் சந்திக்க விரும்புகிறாரோ அவரைச் சந்திக்க இறைவனும் விரும்புகிறான். யார் இறைவனைச் சந்திப்பதை வெறுக்கிறாரோ அவரைச் சந்திப்பதை இறைவனும் வெறுக்கிறான்” என்று சொன்னார்கள்.

அப்போது நான், ”இறைத்தூதரே! மரணத்தை வெறுப்பதையா (நீங்கள் சொல்கிறீர்கள்)? அவ்வாறாயின், (மனிதர்களாகிய) நாங்கள் அனைவருமே மரணத்தை வெறுக்கத்தானே செய்வோம்?” என்று கேட்டேன்.

அதற்கு இறைத்தூதர் (ஸல்) அவர்கள், ”(இறைவனைச் சந்திப்பது என்பதற்குப் பொருள்) அதுவல்ல. மாறாக, இறை நம்பிக்கையாளருக்கு, (மரண வேளையில்) இறைவன் கருணை புரியவிருப்பதாகவும் அவரைப் பற்றி அல்லாஹ் திருப்தி அடைந்திருப்பதாகவும் அவருக்குச் சொர்க்கத்தை வழங்கவிருப்பதாகவும் நற்செய்தி கூறப்படும். அப்போது அவர் இறைவனைச் சந்திக்க விரும்புவார், இறைவனும் அவரைச் சந்திக்க விரும்புவான்.

இறை மறுப்பாளருக்கு, (மரணவேளை நெருங்கும் போது) இறைவன் வழங்கவிருக்கும் வேதனை குறித்தும் அவர் மீது  இறைவன் கோபம் கொண்டிருப்பது குறித்தும் அறிவிக்கப்படும். அப்போது அவர் இறைவனைச் சந்திப்பதை வெறுப்பார். இறைவனும் அவரைச் சந்திப்பதை வெறுப்பான்” என்று (விளக்கம்) சொன்னார்கள்.

அறிவிப்பவர் : ஆயிஷா (ரலி), நூல் : முஸ்லீம் (5208)

நல்லவர்களுக்கு வானவர்களின் வரவேற்பு

நல்லவர்களுக்கு மண்ணறை வாழ்வில் அழகான வரவேற்வு வானவர்களால் கொடுக்கப்படுகிறது.

மதீனாவாசி ஒருவருடைய பிரேத ஊர்வலத்தைப் பின் தொடர்ந்து நபி (ஸல்) அவர்கள் சென்றார்கள். பிரேதம் அடக்கம் செய்யப்பட்டதும் நபியவர்கள் சமாதிக்கருகில் அமர்ந்தார்கள். நாங்களும் அவர்களைச் சுற்றி அமர்ந்தோம். நபி (ஸல்) அவர்கள் சிறிய கம்பு ஒன்றினால் நிலத்தைக் கீறிக் கொண்டிருந்தார்கள். திடீரென தன் தலையை உயர்த்தி “மண்ணறை வேதனையை விட்டும் இறைவனிடம் பாதுகாவல் தேடிக் கொள்ளுங்கள்” என்று மூன்று தடவை கூறினார்கள்.

பின்பு மரணத் தறுவாயிலுள்ள ஒரு இறை நம்பிக்கையாளனுடைய நிலை பற்றிக் கூறினார்கள்.

“விசுவாசியான  ஒரு அடியான் உலகத் தொடர்புகளைத் துண்டித்து விட்டு மறுமையை எதிர் நோக்கிக் கொண்டிருக்கும் போது சூரிய ஒளிக்கொப்பான பிரகாசமான முகத்துடன் வானி­ருந்து சில வானவர்கள் அவனிடம் வருவார்கள். அவர்கள் தங்களுடன் சொர்க்கத்துத் துணிகளையும், சொர்க்கத்தின் நறுமணங்களையும் வைத்துக் கொண்டு அவனுடைய பார்வைக்கு எட்டும் தூரத்தில் இருப்பார்கள்.

நல்லவரின் உயிர் வெளியேறுதல்

அப்போது உயிரைக் கைப்பற்றும் வானவர் வந்து அவனருகில் அமருவார். அவனை நோக்கி “நல்ல ஆத்மாவே நீ இந்த உடலி­­ருந்து வெளியேறி இறைவனின் மன்னிப்பை நோக்கியும் அவனுடைய பொருத்தத்தை நோக்கியும் செல்” என்று கூறுவார். தோல் பையொன்றிலி­ருந்து நீர் வழிந்துவிடுவது போன்று அந்த ஆத்மா வெளியேறிவிடும். அவர் அதனை எடுத்துச் செல்வார்.

அதனை அவர் எடுத்ததும் அருகிலுள்ள மலக்குகள் உடனே சொர்க்கத்துத் துணியிலும் நறுமணத்திலும் அதனை வைத்துவிடுவார்கள். அதி­லிருந்து கஸ்தூரி வாடை வீசும். அந்த மலக்குகள் அதனைச் சுமந்தவர்களாக முதலாவது வானத்தை நோக்கிச் சென்று வானத்தைத் திறந்து விடுமாறு அதிலுள்ள மலக்குகளிடம் கூறுவார்கள்.

அம்மலக்குகள் வானத்தைத் திறந்து அந்த ஆத்மாவை வரவேற்பார்கள். ஒவ்வொரு வானத்திலும் இவ்விதமே நடைபெறும். ஏழாவது வானத்தைக் கடந்து சென்றதும் அல்லாஹ், ஆத்மாவைச் சுமந்து சென்ற வானவர்களை நோக்கி “எனது இந்த அடியானுடைய செயல்களை இல்­லியீனிலே (இறை நம்பிக்கையாளர்களின் உயிர்கள் இருக்குமிடம்) பதிவு செய்துவிட்டு பூமியிலுள்ள அவனது உடலி­ல் அவனுடைய ஆத்மாவைச் சேர்த்து விடுங்கள்” என்று கூறுவான்.

அறிவிப்பவர் : பராஉ பின் ஆஸிப் (ரலி), நூல் : அஹ்மத் (17803)

நபி (ஸல்) அவர்கள் கூறினார்கள் :

இறை நம்பிக்கையாளரின் உயிர் பிரியும் போது அதை இரு வானவர்கள் எடுத்துக் கொண்டு (வானுலகிற்கு) ஏறிச் செல்கிறார்கள். அப்போது வானுலகவாசிகள் (வானவர்கள்), ”ஒரு நல்ல ஆன்மா பூமியிலிருந்து வந்திருக்கிறது. இறைவன் உனக்குப் பேரருள் புரிவானாக. நீ குடியிருந்து வந்த உடலுக்கும் பேரருள் புரிவானாக!” என்று பிரார்த்திப்பார்கள். பிறகு அந்த உயிர் வல்லமையும் மாண்பும் மிக்க இறைவனிடம் கொண்டு செல்லப்படுகிறது. பிறகு இறைவன், ”இதை இறுதித் தவணை வரை (மறுமை நாள் வரை தங்க வைக்கப்பதற்காகக்) கொண்டு செல்லுங்கள்” என்று கூறுவான்.

அறிவிப்பவர் : அபூஹுரைரா (ரலி), (நூல் : முஸ்லீம்)

============= 

இஸ்லாம் என்றால் என்ன? முஸ்லிம் என்றால் யார்?

http://quranmalar.blogspot.com/2012/10/blog-post_25.html

இஸ்லாம் ஏன் எதிர்ப்புக்குள்ளாகிறது?

http://quranmalar.blogspot.com/2012/11/blog-post_24.html 

ரோபோட்டிக்ஸின் தந்தை: இஸ்மெயில் அல்-ஜசாரி

 

FATHER OF ROBOTICS: ISMAIL AL-JAZARI (1136–1206)

Ismail Al-Jazari was a polymath: a scholar, inventor, mechanical engineer, artisan, artist, and mathematician from the Artuqid Dynasty of Jazira in Mesopotamia. ‘The Book of Knowledge of Ingenious Mechanical Devices’ is a medieval Arabic book written by Ismail al-Jazari in the 12th century. It describes over fifty mechanical devices and automata, including clocks, water-raising machines, musical automatons, and humanoid robots. Al-Jazari provides detailed instructions for constructing each device and includes anecdotes and historical references. The book had a significant influence on the development of European clockmaking and automata, offering insights into daily life and technological innovations in the Islamic world during the medieval period. It’s his book that influenced key concepts of modern-day robotics.

ரோபோட்டிக்ஸின் தந்தை: இஸ்மெயில் அல்-ஜசாரி (1136–1206)

இஸ்மாயில் அல்-ஜசாரி ஒரு பாலிமாத்: மெசொபொடாமியாவில் உள்ள ஜஸிராவின் ஆர்டுகிட் வம்சத்திலிருந்து ஒரு அறிஞர், கண்டுபிடிப்பாளர், இயந்திர பொறியாளர், கைவினைஞர், மற்றும் கணிதவியலாளர். இஸ்மாயில் அல்-ஜசாரி 12 ஆம் நூற்றாண்டில் எழுதிய இடைக்கால அரபு நூலாகும் ‘The Book of Ingenious Mechanical Devices’ கடிகாரங்கள், தண்ணீர் வளர்க்கும் இயந்திரங்கள், இசை தானியங்கி மற்றும் ஹுமனாய்ட் ரோபோக்கள் உட்பட ஐம்பதுக்கும் மேற்பட்ட இயந்திர சாதனங்கள் மற்றும் ஆட்டோமேட்டா விவ அல்-ஜசாரி ஒவ்வொரு சாதனத்தையும் கட்டுவதற்கு விரிவான வழிமுறைகளை வழங்குகிறது. மேலும் அன்க்டோட்டுகள் மற்றும் வரலாற்று குறிப்புகள் உள்ளடக்கியது இந்த புத்தகம் ஐரோப்பிய கடிகார தயாரிப்பு மற்றும் தானியங்கி வளர்ச்சியில் குறிப்பிடத்தக்க செல்வாக்கு இருந்தது, இடைக்கால காலத்தில் இஸ்லாமிய உலகில் தினசரி வாழ்க்கை மற்றும் தொழில்நுட்ப கண்டுபிடிப்புகள் பற்றிய நுண்ணறிவு வழங்குகிறது. நவீன கால ரோபோட்டிக்ஸ் பற்றிய முக்கிய கருத்துகளை இவரது புத்தகம் தான் பாதித்தது

திருக்குர்ஆன் நற்செய்தி மலர் – ஆகஸ்ட் 23 இதழ்

 

திருக்குர்ஆன் நற்செய்தி மலர் – ஆகஸ்ட் 23 இதழ்

பொருளடக்கம்:

நபிகளார் மனிதகுலத்துக்கு விடும் அழைப்பு என்ன?-2

அண்ணல் நபிகளார் பற்றி அன்னி பெசன்ட் ! -3

சத்தியத்துக்கு எதிரான பரிகாசங்கள் – அன்றும் இன்றும்! -4

நூற்றாண்டுகள் கடந்த  விமர்சனங்களின் பின்னணி  -6

நபிகளார் பற்றி தாமஸ் கார்லைல் -9

அதர்மவாதிகளின் தொடரும் பயம் -10

நபிகளார் மீது அவதூறு - அவர் வாழந்தபோது... -12

நற்குண நாயகர் நபிகளார் ! -14

விமர்சனங்களை எதிர்கொள்வது பற்றி.. 17

சரி எது? தவறு எது? – பிரித்தறியும் அளவுகோல்! -19

நபிகளாரின் மணவாழ்க்கை -குற்றச்சாட்டுகள் -22

இந்தக் குத்துச்சண்டை வீரர் ஏன் அப்படி செய்தார் ?

முகமது அலியின் சுயமரியாதை.

பெரும்பாலும் அலி தன் வெற்றிக்கு தேவையான அளவை விட ஒரு அடியும் எதிராளி மேல் விழக்கூடாது என்பதில் மிக கவனமாக இருப்பவர்.

எதிராளி மயங்கி விழும்போது அடிக்க மாட்டார், விழுந்து எழும் வரை சீண்ட மாட்டார். எதிராளிக்கு முடியாத நிலை வரும்போது அவரே நடுவரிடம் போட்டியை முடிக்க வேண்டுகோள் வைப்பார். அதனாலயே அலியிடம் தோல்வியுற்றவர்கள் கூட அவரை பெரிதும் நேசித்தனர்.

உலக பிரசித்தி பெற்ற George foreman என்னும் ஜாம்பவான் உடனான சண்டையில் தோல்வியுற்ற foreman "the greatest of all his punch was the one not landed, when i was falling" என்பார்.அதாவது ஃபோர்மேன் நாக்அவுட் ஆகி நிலைதடுமாறி கீழே விழுகின்ற நேரத்தில் அலி முழு வேகத்தில் கையை ஓங்கி குத்த செல்வார்,ஒரு விநாடி சுதாரித்து ஃபோர்மேனின் நிலை கண்டு ஓங்கிய கையை அப்படியே நிறுத்தி விடுவார். அதை தான் ஃபோர்மேன் சிலாகித்து கூறுவார்.

இப்படியாகபட்ட அலி ஒரே ஒரு போட்டியில் மட்டும் எதிராளியை அவரின் நிலைக்கும் மீறி கடுமையாக தண்டித்தார்.நினைத்தால் நாக்அவுட் செய்து போட்டியை முடித்திருக்க முடியும்,ஆனால் அலி அதை செய்யவில்லை,என முகம் சுழித்தவாறே பத்திரிக்கைகள் கூட எழுதின.

போட்டிக்கு முன் நடத்தபடும் பத்திரிக்கையாளர் சந்திப்பிலேயே"உன்னை நான் கடுமையாக தண்டிப்பேன்"என்ற சூளுரைத்தார்.

ஏன் அப்படி செய்தார் ?

ஒரே ஒரு காரணம் மட்டும் தான்.Terell,அலியை "முஹம்மது அலி"என்று தற்போதைய பெயரை சொல்லி அழைக்காமல் அவருடைய பழைய பெயரான Cassius clay என்று அழைத்தார்.பல தடவை அலி தன்னுடைய தற்போதைய பெயரை கூறுமாறு வற்புறுத்தியும் Terrell மறுத்துவிடுவார்.அது மட்டும் தான் காரணம்.

போட்டி நடைபெற்றது.அந்த போட்டியில் ஒவ்வொரு அடியின்போதும்"say my name","What is my name" என்று ஆக்ரோசமாக தான் சண்டையிட்டார்.அந்த சண்டையே "whats my name fight” என்றே அடையாளப்பட்டு போனது.

அப்படி என்ன பழைய பெயரின் மீது அலிக்கு இவ்வளவு கோபம் ?

அந்த காலக்கட்டத்தில் ஒரு வழக்கம் கடைபிடிக்கபட்டு வந்தது.கருப்பினத்தவர்கள் பண்ணை அடிமையாக பயன்படுத்தபட்டு வந்தனர்,அப்படி எஜமானர்களுக்கு விசுவாசமான அடிமையாக வாழ்ந்த கருப்பர்களை விருப்பத்தின் பெயரில் விடுதலை செய்வார்கள் முதலாளி வெள்ளையர்கள்.

அப்படியாக விடுதலை பெற்ற கருப்பர்கள் தன் பெயருக்கு பின்னால் அந்த வெள்ளை எஜமானரின் பெயரை சேர்த்துக்கொள்ள வேண்டும்.அந்த பெயரே அவரது சந்ததியினருக்கு குடும்ப பெயராகவும் தொடரும்.அப்படி விடுதலை பெற்ற குடும்பம் தான் அலியின் குடும்பமும்,விடுதலையளித்த எஜமான வெள்ளையரின் பெயர் தான் "Clay".

அந்த பெயரை அடிமை சின்னத்தின் அடையாளமாக பார்த்தார் அலி.உண்மையில் அது அடிமைச்சின்னம் தான்.அதனாலயே தன்னுடைய பெயரை முதலில் Cassius X என்று மாற்றினார்.இது Malcom X உடன் ஏற்பட்ட நெருங்கிய நட்பால் மாற்றிய பெயர்.பின்னர் இஸ்லாமிய மதம் மாறிய பின் தன் பெயரை முஹம்மது அலி என்று மாற்றிக்கொண்டார்.

இந்த பெயரை கூற மறுத்து,அடிமை பெயரை கூறிய Terrell ஐ தான் அலி தண்டித்தார்.வெறும் பெயருக்கு கூட அலி அத்தனை போராட வேண்டியிருந்தது.

வெள்ளையர்களுக்கு எதிராக செயல்படுவதாக அவரை கைது செய்ய FBI திட்டம் தீட்டியது,அவரை பல நாட்களாக கண்காணித்தும் வந்தது.இத்தனையும் தனி ஆளாக எதிர்கொண்டார்.அலி அடிமைத்தனங்களை உடைத்தெறிந்தவர்.அவர் ஒரு கலகக்காரன், புரட்சியாளன்..

Ali is not just a sportsperson, 

he is a rebellion...

பலரைப் புரட்டிப் போட்ட முகமது அலியை முற்றிலும் புரட்டிப் போட்டது இஸ்லாம். அவர் ஒரு சாதனையாளனாக மிளிர இஸ்லாம் மிகப்பெரிய காரணமாக அமைந்தது. இன்றும் பலருடைய உள்ளங்களிலும் ஆட்சி செய்யும் இஸ்லாம் ஆட்சிக் கட்டில் அமர்ந்தால் சுத்தமாக சாதியை இல்லாமல் ஆக்கிவிடும்.

இதனால்தானோ என்னவோ இஸ்லாத்தை கடுமையாக மனித குல விரோதிகள் எதிர்க்கிறார்கள்.

இஸ்லாம் என்றால் என்ன? முஸ்லிம் என்றால் யார்?

http://quranmalar.blogspot.com/2012/10/blog-post_25.html

அல்லாஹ் என்றால் யார்?

http://quranmalar.blogspot.com/2012/10/blog-post_8.html

இஸ்லாம் ஏன் எதிர்ப்புக்குள்ளாகிறது?

http://quranmalar.blogspot.com/2012/11/blog-post_24.html

இஸ்லாத்திலும் ஜாதிகள் உள்ளனவா?

http://quranmalar.blogspot.com/2013/04/blog-post_24.html

ஜாதிகள் எவ்வாறு உருவாகின?

http://quranmalar.blogspot.com/2013/04/blog-post_23.html

சாதிகள் ஒழித்திடடி பாப்பா!

http://quranmalar.blogspot.com/2013/04/blog-post_18.html

ஜாதிகள் ஒழிய கொள்கை அவசியம்!

http://quranmalar.blogspot.com/2012/11/blog-post_12.html

கலப்புத்திருமணம் கூடுமா?

http://quranmalar.blogspot.com/2013/02/blog-post.html

குற்றவாளிகள் யார்? – கழுகுப்படை ஆய்வு!

http://quranmalar.blogspot.com/2013/01/blog-post_18.html

இயற்கையில் உணவுச் சமநிலை

 Mohamed Ashik

பல நேஷனல் ஜியாகிராஃபி வீடியோக்களில்...

ஊன்உண்ணி மிருகம் ஒன்று . தாவரஉண்ணி மிருகத்தை துரத்தி துரத்தி வேட்டையாடி கடித்து குதறி உண்ணும் வீடியோவில்... பலரும் அந்த அந்த ஊன் உண்ணி மிருகத்தை கமென்டில் திட்டித் தீர்ப்பதை கண்டுள்ளேன்.

அப்புறம்.... சிலமுறை...

வேகமாய் ஓடக்கூடிய ஒரு தாவர உண்ணி மிருகம்... ஊன் உண்ணி மிருகத்திடம் சிக்காமல் நைச்சியமாக தாவி ஓடி தப்பித்து விட்டால்... மிகவும் மகிழ்ச்சி அடைந்து அந்த தாவர உண்ணி விலங்கை கமென்டில் பாராட்டுவதையும்... அத்தோடு நில்லாமல்... என்னமோ அந்த ஊன் உண்ணி மிருகத்தை இவரே தோற்கடித்து வென்றது போல... அப்பதிவை மகிழ்ச்சியோடு பகிர்வதையும்... அதில் அவரின் நண்பர்கள் அந்த தாவர உண்ணி விலங்குக்கு

congratulations

சொல்வதையும் நான் பலமுறை கண்டுள்ளேன்.

இங்கேதான் எனது .மற்றும் இவர்களின் மனோநிலையை ஒப்பிட்டு பார்க்கிறேன்.

தாவர உண்ணிக்கான உணவை... துரத்தி வேட்டையாடி பிடிக்க வேண்டிய அவசியம் இன்றி ஒரே இடத்தில் முளைக்கச்செய்து அவற்றுக்கு உதவி இருக்கிறார் கடவுள்.

ஆனால்...

ஊன்உண்ணிக்கு தாவரம் உண்டால் செரிக்காத செரிமான மண்டலத்தை தந்துள்ள கடவுள் வேகமாக ஓடி துரத்தி தன் உணவை பிடித்து கடித்து குதறி உண்ணும்படியான திறமையுடன் படைத்துள்ளார்.

இங்கேயுள்ள அந்த உணவுச்சமநிலை நமக்கு ஊட்டும் ஆச்சரியம் என்னவென்றால்... இவ்வுலகில் தாவர உண்ணிகள்தான் மிக அதிகம். அவற்றை வேட்டையாடி உண்ணும் ஊன்உண்ணிகள் மிகவும் குறைவு. இதுதான் இவ்வுலகில் நிலவுகின்ற இயற்கைச் சமநிலை.

ஆனால், துவக்கப்பள்ளி முதலே... தாவரமும் உயிர்களே... என்று படித்து இருந்தும்... பட்டங்கள் பெற்றும்... Dr என்கிற அடைமொழி எல்லாம் இருந்தும்... தாவரஉண்ணியை வேட்டையாடி உண்ணும் புலியை சிங்கத்தை சிறுத்தையை திட்டி கமெண்ட் போடுவதும்.... அவற்றிடம் இருந்து தப்பிக்கும் புள்ளிமானை வாழ்த்தி பதிவு ஷேர் செய்வதும்... அதன் பின்னாடி உள்ள மனோநிலை என்ன மாதிரியானது எனபதை கண்டு உள்ளம் துவள்கிறேன்.

மனிதனான தன்னை அனைத்துண்ணி என்பதையே மறந்து... இயற்கைக்கு மாறாக... தாவரஉண்ணி ஆகவே வளர்ந்ததாலும்... தன்னை தாவர உண்ணி ஆகவே நினைப்பதுவும்தான்.... இந்த ஒரு சார்பு மனப்பான்மை ஏற்பட காரணமாக இருக்கமுடியும். ஆகவே, மேலே சொன்ன அவ்விரு வேட்டை காணொலிகளில் நடுநிலை பேணாமல்... தாவர உண்ணியின் பக்கம் இன உணர்வு கொண்டு ஜால்றா அடித்து சாய்கிறார்கள் போலும். அதனால்தான்... ஊன் உண்ணி தன் பசிக்கு வேட்டையாடி இறை தேடுவதை... ஓர் இயற்கை நிகழ்வையே... ஒரு குற்றமாக பார்க்கிறார்கள்.

தாவர உண்ணி தன் பசியாற்ற... தாவரங்கள் எனும் உயிர்களை திண்ண கட்டற்ற சுதந்திரம் தரும் இவர்கள்.....

ஊன் உண்ணிக்கு அதே சுதந்திரத்தை தர மறுக்கிறார்கள். வெளிப்படையாக நடுநிலை தவறுகிறார்கள். ஊன் உண்ணி வேட்டையாடும் தாவர உண்ணியை தன் இனமாக பார்க்கும் மனப்பான்மைக்கு காரணம், அவர்களின் இயற்கைக்கு மாறான உணவுப்பழகவழக்க வளர்ப்புமுறையும் அறிவியலுக்கு எதிரான கலாச்சார பண்பாட்டு உணவுப் புரிதலும் தான்..!

இதுதான்... மெத்தப்படித்த புகழ்பெற்ற கல்வி நிறுவனத்தில் கூட மிருகத்தனமாக இப்படியொரு சட்டவிரோத போஸ்டர் ஒட்டி கேவலமாக நடந்துகொள்ள வைக்கிறது.

அதன்மூலம்... தாவரம் மாமிசம் இரண்டுமே செறிக்கின்ற ஜீரண மண்டலத்தை கொண்ட மனிதன்... ஒரு மனிதனாக அனைத்துண்ணியாக உணவு உட்கொள்ளும் போது ஏன் தூற்றப்படுகிறான் என்று என்னால் புரிந்து கொள்ளவே முடியவில்லை.

வேண்டுமானால்...

மனிதன் போல நடக்காமல்... தாவரஉண்ணி விலங்கு போல மாமிசம் சாப்பிடாமல் உள்ள மனிதமற்ற மனிதர்கள் மீது அபராதம் போட்டால் கூட... அதில் கொஞ்சோண்டு நியாயம் இருப்பதாக கூறலாம். ஆனால்... Sun News Tamil செய்தியில்... இந்த அபராதம் விதிப்பது எல்லாம் கடுமையாக கண்டிக்கப்பட வேண்டியது. போஸ்டர் ஒட்டியவர்கள் சட்டப்படி தண்டிக்கப்பட வேண்டியவர்கள்.

வேரோடு கேரட்டை பிடுங்கி உண்ணும் முயல் போன்ற... தாவரங்களை கொன்று உணவு உண்ணும் தாவர உண்ணிக்கு நல்லவர் பட்டமும்... சாது எனும் புகழ் அடை மொழியும் தரப்படுகிறது..!

ஆனால்,

அதே இயற்கை சமநிலையில்... மானை கொன்று உணவு உண்ணும் புலிக்கு வில்லன் பட்டம் தரப்படுகிறது. கொடூரம் எனவும் தூற்றப்படுகிறது.

இதை... இனியும் நம்மால் சகித்துக்கொண்டு ஒதுங்கிச் செல்ல முடியாது. அப்படி சென்றதன் விளைவுதான்... Theekkathir செய்தி.

மிகவும் வன்மையான கண்டனங்கள்.