இஸ்லாமிய வளர்ச்சிக்கு என்ன காரணம்? (சாட் ஜிபிடி)

உலகில் வேகமாக வளர்ந்து வரும் மதங்களில் இஸ்லாம் முதலிடத்தில் உள்ளது. அமெரிக்கா, கனடா மற்றும் பல ஐரோப்பிய நாடுகளில் இஸ்லாமிய சமூகத்தின் வளர்ச்சி கணிசமாக காணப்படுகிறது. பள்ளிவாசல்கள் அதிக எண்ணிக்கையில் கட்டப்பட்டு வருகின்றன, இஸ்லாமிய அமைப்புகள் சுறுசுறுப்பாக இயங்குகின்றன, முஸ்லிம் மக்கள் தொகை நிலைத்திருக்கும் வேகத்தில் அதிகரிக்கிறது.

 பலர் இந்த வளர்ச்சிக்கு முக்கியக் காரணங்களாக இஸ்லாமியர் மக்கள்தொகைப் பெருக்கத்தையும் குடிபெயர்ச்சியையும் நினைக்கிறார்கள்.

மக்கள்தொகைப் பெருக்கம் காரணமா?

இஸ்லாமியர்களின் மக்கள்தொகை இயற்கையாகத்தான் வளர்கிறது, ஆனால் இஸ்லாம் அல்லாதோரின் எண்ணிக்கை முன்புபோல வளர்வதில்லை. இன்று அவர்களிடயே திருமணங்கள் நிகழ்வதில்லை, அப்படியே நிகழ்ந்தாலும் குழந்தைப்பேற்றை பாரமாகக் கருதுகிறார்கள். பெண்சிசுக்கொலையும் மிகவும் சகஜமாக நடைபெறுகிறது. திருமணத்துக்கு அப்பால் உறவுகளும் எந்தத் தடையும் இன்றி வெகுவாக நிகழ்வதால் திருமணத்தின் தேவை உணரப்படுவதில்லை!. எனவே இதைக் காரணமாகக் கூற இயலாது. 

குடிப்பெயர்ச்சி காரணமா?

உண்மையில், குடிபெயர்ச்சி (emigration) ஒரு அளவுக்குக் காரணமாகக் கூறலாம். ஆனால்  இன்று இஸ்லாமிய வளர்ச்சிக்கு முக்கியமான காரணம் மேற்கு நாடுகளில் பிறந்தவர்கள் ஏராளமானோர் இஸ்லாத்தை தங்கள் நம்பிக்கையாக ஏற்றுக்கொள்வதாகும். ஆயிரக்கணக்கான மேற்கத்தியர்கள் ஆண்டுதோறும் இஸ்லாத்திற்கு மாறுகிறார்கள். இதில் பெண்கள் கணிசமான பங்கைக் கொண்டுள்ளனர்.

சாட்ஜிபிடி தரும் தகவல்:

கிடைக்கும் தரவுகள் மற்றும் உலகளாவிய போக்குகளை அடிப்படையாகக் கொண்டு, ஒவ்வொரு ஆண்டும் உலகம் முழுவதும் சுமார் 5 லட்சம் முதல் 7 லட்சம் மக்கள் இஸ்லாத்தை ஏற்கின்றனர் எனத் தோராயமாக மதிப்பீடு செய்யப்படுகிறது.

முக்கிய நாடுகளில் ஆண்டுதோறும் மதிப்பீடுகள் (தோராயமான கணக்குகள்):

அமெரிக்கா: 20,000 – 25,000

ஐரோப்பா (இங்கிலாந்து, பிரான்ஸ், ஜெர்மனி உள்ளிட்டவை): 25,000 – 40,000

சவுதி அரேபியா (2023): 1,63,000

மத்திய கிழக்கு, ஆப்பிரிக்கா மற்றும் ஆசியாவின் பிற பகுதிகள்: சுமார் 2,00,000 – 3,00,000

மற்ற பகுதிகள் (தென் அமெரிக்கா, ஆஸ்திரேலியா, போன்றவை): சுமார் 20,000 – 50,000

இதனை அடிப்படையாகக் கொண்டு, ஒட்டுமொத்த உலகளாவிய மதிப்பீடு 5 லட்சம் முதல் 7 லட்சம் வரை இருக்கும் எனக் கூறலாம். இது சற்று குறைந்த அளவில் வைத்த கணக்கீடு ஆகும்.

ஈர்ப்புக்கான காரணங்கள்

இஸ்லாம் எதனால் இவ்வளவு மக்களை ஈர்க்கிறது? இதற்கான பதில்கள் பலதரப்பட்டவை.

எளிமையான செய்தி

முதன்மையானது இஸ்லாத்தின் தெளிவான மற்றும் எளிமையான செய்தி. வாழ்க்கையின் எல்லா பகுதிகளுக்கும் தெளிவான வழிகாட்டுதலை வழங்குகிறது. 1,400 ஆண்டுகளாக மாற்றமின்றி உள்ள குர்ஆன் இஸ்லாத்தின் நம்பகத்தன்மையை வலியுறுத்துகிறது. இது மக்களுக்கு பாதுகாப்பும் நம்பிக்கையும் அளிக்கிறது.

வாழ்க்கையின் நோக்கம் மற்றும் ஒழுக்கம்

மேலும், இஸ்லாம் வாழ்க்கைக்கான நோக்கத்தையும் ஒழுக்கமும் வலியுறுத்துகிறது. ஒவ்வொரு நாளும் வழிபாடு, ரமலானில் நோன்பு, நல்ல செயல்கள் ஆகியவை ஒரு கட்டுப்பாடுள்ள வாழ்க்கையை உருவாக்க உதவுகின்றன. மேற்கத்திய சமூகங்களில் காணப்படும் தனிமை, பொருட்பரிவு ஆகியவற்றின் மத்தியில் இஸ்லாம் ஒரு சமூக இணைப்பையும் தருகிறது. முஸ்லிம் சமூகத்தின் மென்மையும் அதில் உள்ள அன்பும், புதிய முஸ்லிம்கள் கூறும் முக்கிய காரணிகளாகும்.

பெண்ணுரிமை மற்றும் பாதுகாப்பு

பெண்கள், குறிப்பாக, இஸ்லாத்தை தங்கள் வாழ்க்கையில் ஒரு வலிமையான மாற்றமாக பார்க்கின்றனர். அவர்களுக்கான உரிமைகள், கல்வி, திருமண தேர்வுரிமை, பொருளாதார சுதந்திரம் ஆகியவை இஸ்லாத்தில் பாதுகாக்கப்படுகின்றன. மிக முக்கியமாக, சமுதாய அழுத்தங்களிலிருந்து விடுபட அவர்களுக்கு உதவுகிறது.

அறிவியல் மற்றும் தர்க்கம்

இஸ்லாத்தின் அறிவியல், தர்க்கம் சார்ந்த அணுகுமுறையும் மக்களை ஈர்க்கும். பலர் இந்த மதத்தை விமர்சிக்க தொடங்கியபின், அதன் உண்மையான முகத்தை காண்பதில் அதில் ஈர்க்கப்பட்டனர். குறிப்பாக, குர்ஆனில் உள்ள அறிவியல் சுட்டுக்காட்டுகள், அதன் உண்மைத்தன்மையை வலியுறுத்துகின்றன.

அறிவாளிகள் ஈர்ப்பு

மேலும், இஸ்லாத்தின் வளர்ச்சிக்கு ஒரு முக்கியமான காரணம் – அதை ஏற்கும் பலரும் மருத்துவர்கள், விஞ்ஞானிகள், ஆசிரியர்கள் போன்ற அறிவாளிகள் என்பதும் குறிப்பிடத்தக்கது. இது மதமும் அறிவும் ஒன்றாக முடியாது என்ற மூடநம்பிக்கையை முறியடிக்கிறது.

பொறுப்புணர்வு மற்றும் பாவமன்னிப்பு

இஸ்லாம் ஒருவர் ஒவ்வொரு செயலுக்கும் பொறுப்பேற்க வேண்டும் என்பதையும், யாரும் பிறவியிலேயே பாவியாகப் பிறக்கவில்லை என்பதையும் வலியுறுத்துகிறது. ஒவ்வொருவரும் நேரடியாக இறைவனிடம் பாவமன்னிப்பு கோரலாம் என்பது அவர்களுக்கு ஒரு சக்தியையும், சுதந்திரத்தையும் தருகிறது.

அனைத்து துறைகளுக்கும் வழிகாட்டல்

இஸ்லாம் ஒரு முழுமையான வாழ்க்கைமுறை என்பதை இந்த வளர்ச்சி உறுதிப்படுத்துகிறது. உணவு பழக்கங்கள், தூய்மை, மனநலன் ஆகியவற்றில் கூட இந்த மதம் தெளிவான வழிகாட்டுதலை தருகிறது. தொழுகை, நோன்பு போன்றவை உடல்நலம் மற்றும் ஆன்மிக நலனுக்கு பயனளிக்கின்றன.

சமூக மாற்றம்

மேற்கத்திய நாடுகளில் இஸ்லாத்தின் வளர்ச்சி வெறும் ஒரு புள்ளிவிவரமாக இல்லை. இது ஒரு சமூக மாற்றமாக உருவெடுத்துக் கொண்டிருக்கிறது. ஹலால் உணவுகள், தொழுகைக்கான இட வசதி, இஸ்லாமிய பண்டிகைகள் போன்றவை இப்போது மேற்கு நாடுகளில் இடம்பிடிக்கின்றன.

இஸ்லாத்தின் அழைப்பு யார் மீதும் கட்டாயமல்ல – ஆனால் அதன் செய்தி, அதன் உண்மை, அதன் கட்டுப்பாடுகள் – அனைத்தும் மனித இயற்கையின் தேடுதலுக்கு  உரிய பதில்களைத் தருவதால், அது இயற்கையாகவே பலரைக் கவர்கிறது.

'தம் வாய்களைக் கொண்டே இறைவனின் ஒளியை (ஊதி) அணைத்துவிட அவர்கள் விரும்புகின்றார்கள் – ஆனால்  இறைமறுப்பாளர்கள் வெறுத்த போதிலும் இறைவன்  தன் ஒளியை  பூர்த்தியாக்கி வைக்காமல் இருக்க மாட்டான்.' (திருக்குர்ஆன் 9:32)

======================= 

இஸ்லாம் என்றால் என்ன? முஸ்லிம் என்றால் யார்?

http://quranmalar.blogspot.com/2012/10/blog-post_25.html

அல்லாஹ் என்றால் யார்?

http://quranmalar.blogspot.com/2012/10/blog-post_8.html

இஸ்லாம் ஏன் எதிர்ப்புக்குள்ளாகிறது?

http://quranmalar.blogspot.com/2012/11/blog-post_24.html

ஒப்பிலா உயர்மறை திருக்குர்ஆன்!

http://quranmalar.blogspot.com/2015/07/blog-post_25.html

இதைப் படிக்காவிட்டால் இழப்பு! பேரிழப்பு!

http://quranmalar.blogspot.com/2012/10/blog-post_31.html

நாம் ஏன் பிறந்தோம்?

http://quranmalar.blogspot.com/2014/05/blog-post_15.html

இதயங்களை வென்ற இறைத்தூதர்

http://quranmalar.blogspot.com/2016/01/blog-post_5.html

நாம் பின்பற்றவேண்டிய தலைவர் யார்?

http://quranmalar.blogspot.com/2012/11/blog-post_9390.html

இரவல் தந்தவன் கேட்கின்றான்.. இழக்கத் தயாரா?

 நம்மில் ஒவ்வொருவருக்கும் வாய்த்துள்ள உடல், பொருள் ஆவி என எதுவுமே நமதல்ல. இதன் உண்மை உரிமையாளன் இறைவன்தான் என்பதை நாம் அறிவோம். ஆனாலும் நமக்கு இரவலாக இறைவன் தந்துள்ள இவற்றில் எதையாவது திருப்பிக் கேட்டால் அதை திருப்பிக் கொடுக்க நம்மில் யாருக்குத்தான் எளிதாக மனது வரும்? உதாரணமாக நம்மிடம் யாசிக்க யாராவது ஏழைகள் வந்துவிட்டால் அல்லது நம்மிடம் உபரியாக உள்ள செல்வத்தின்பால் தேவையுடையவர்கள் நம்மிடம் வந்து இறைஞ்சிக் கேட்க வந்துவிட்டால் நம் மனநிலை எப்படி மாறுதல் அடைகிறது? நாம் சுயபரிசோதனை செய்யக் கடமைப்பட்டுள்ளோம்.

இறைத் தூதர்களில் ஒருவரான இப்ராஹீம்(அலைஹிஸ்ஸலாம் - அவர்மீது இறைவனின் சாந்தி உண்டாகுக) அவர்களிடம் இறைவன் கேட்டது ஆச்சரியமான ஒன்று! ஆம், அவர் தள்ளாத வயதில் அற்புதமாகப் பெற்றெடுத்த மகனையல்லவா இறைவன் தனக்காக தியாகம் செய்யுமாறு கேட்டான்! அதுவும் அந்த ஆருயிர் மகனை அறுத்துப் பலியிடுமாறு இறைவன் பணித்தான்! அதையும் எவ்விதத் தயக்கமும் இன்றி நிறைவேற்றத் துணிந்தார் இப்ராஹீம்(அலை) அவர்கள். உடனேயே இறைவன் அவரது பரீட்சையில் அவர் வெற்றிபெற்று விட்டதை அறிவித்து அதற்குப் பகரமாக இரு ஆட்டை அறுத்துப் பலியிடுமாறு பணித்தான்

இந்த விவரங்கள் திருக்குர்ஆனின் இவ்வாறு கூறப்படுகிறது.

என் இறைவா! எனக்கு நல்லொழுக்கம் உடையவரை (வாரிசாகத்) தருவாயாக! (என்று இப்ராஹீம் கேட்டார்.) அவருக்கு சகிப்புத்தன்மை மிக்க ஆண் குழந்தை பற்றி நற்செய்தி கூறினோம். அவருடன் உழைக்கும் நிலையை அவர் (இஸ்மாயீல்) அடைந்த போது என் அருமை மகனே! நான் உன்னை அறுப்பது போல் கனவில் கண்டேன். நீ என்ன கருதுகிறாய் என்பதைச் சிந்தித்துக் கூறு'' என்று கேட்டார்.

என் தந்தையே! உங்களுக்குக் கட்டளையிடப்பட்டதைச் செய்யுங்கள்! அல்லாஹ் நாடினால் என்னைப் பொறுமையாளனாகக் காண்பீர்கள்'' என்று பதிலளித்தார்.

 இருவரும் கீழ்ப்படிந்து (தமது) மகனை அவர் முகம் குப்புறக் கிடத்திய போது, இப்ராஹீமே! அக்கனவை நீர் உண்மைப்படுத்தி விட்டீர். நன்மை செய்வோருக்கு இவ்வாறே நாம் கூலி வழங்குவோம்'' என்று அவரை அழைத்துக் கூறினோம். இது தான் மகத்தான சோதனை. பெரிய பலிப்பிராணியை அவருக்குப் பகரமாக்கினோம்.பின்வருவோரில் அவரது புகழை நிலைக்கச் செய்தோம். இப்ராஹீமின் மீது ஸலாம் உண்டாகும்! நன்மை செய்வோருக்கு இவ்வாறே கூலி வழங்குவோம். அவர் நம்பிக்கை கொண்ட நமது அடியார்களில் ஒருவர். (அல்குர்ஆன் 37 : 100-111)

 அந்த தியாகச் செம்மலின் இச்செயலை உலகுள்ளவரை மனிதகுலம் என்றும் நினைவு கூர வேண்டும் அதிலிருந்து இறைவனுக்காக அனைத்தையும் அர்ப்பணிக்கும் பாடத்தை அவர்கள் பெறவேண்டும் என்பதற்காகவே வருடத்தில் ஒருமுறை அந்நாளைத் தியாகத் திருநாளாகக் கொண்டாடும்படி பணித்தான்.

தியாகத்தின் ஆண்டுவிழா பக்ரீத்

இத்தியாகத்தின் ஆண்டுவிழாவைக் கொண்டாடும் முகமாக வசதியுள்ள அனைத்து இறைவிசுவாசிகளும் தங்களால் இயன்ற ஒரு ஆட்டையோ மாட்டையோ ஒட்டகத்தையோ பலிகொடுத்து அதன் இறைச்சியை உறவினர்களோடும் எழைகளோடும் பங்கிட்டு உண்ணுமாறு பணித்துlள்ளாள்ளான் இறைவன். மாட்டையும் ஆட்டையும் ஏழு பேர் சேர்ந்து கூட்டாகவும் பலி கொடுக்கலாம். இன்று செல்வ வளமுள்ள நாடுகளில் இவ்வாறு பலி கொடுக்கப்பட்ட கால்நடைகளின் இறைச்சி பதப்படுத்தப் பட்டு   ஏழை நாடுகளில் உள்ள மக்களிடையே விநியோகம் செய்ய அனுப்பி வைக்கப்படுகிறது. ஏழைகளின் உணவுத் தேவை நிறைவேறுதல், சகோதர உணர்வு பகிர்தல் உறவினர்களோடு உறவைப் புதுப்பித்தல் என்பன போன்ற பல நன்மைகளை இந்நாள் தாங்கி வந்தாலும் இறைவன் முக்கியமாக பார்ப்பது நம் இறையச்ச உணர்வைத்தான். இதோ தனது திருமறையில் கூறுகிறான்:

= அவற்றின் மாமிசங்களோ, அவற்றின் இரத்தங்களோ அல்லாஹ்வை அடைவதில்லை. மாறாக உங்களிடமுள்ள (இறை) அச்சமே அவனைச் சென்றடையும். அல்லாஹ் உங்களுக்கு நேர் வழி காட்டியதற்காக அவனை நீங்கள் பெருமைப்படுத்திட இவ்வாறே அதை அவன் உங்களுக்குப் பயன்படச் செய்தான். நன்மை செய்வோருக்கு நற்செய்தி கூறுவீராக! (அல்குர்ஆன் 22 : 37)

தியாகத் திருநாள் தாங்கி நிற்கும் பாடங்கள்

இத்தியாகத்திருநாளில் முக்கியமாக நாம் பெறவேண்டிய பாடங்கள் இவையே:

= இந்த தற்காலிக உலகம் என்ற பரீட்சைக் கூடத்தில் நம்மைப் பரீட்சிப்பதற்காக நம்மிடம் அமானிதமாகத் தரப்பட்டுள்ளவையே நமது உயிரும், உடலும், உறவுகளும், உடமைகளும். இவற்றை நமது என்று சொல்லிக் கொண்டாலும் இவற்றின் உண்மை உரிமையாளன் இறைவன் மட்டுமே.

= இரவல் தந்தவன் இவற்றைத் திருப்பிக் கேட்கும்போதும் எடுக்கும்போதும்  நாம் உணர்ச்சிவசப்பட்டு ஏசுவதோ அவனது சாபத்தைப் பெற்றுத் தரும் வார்த்தைகளோ உச்சரிப்பதோ கூடாது. அவ்வாறு நாம் அவற்றை இழக்க நேரிடும்போது பொறுமையை மேற்கொள்வதோடு இறைவன் இச்சோதனைக்கு நிச்சயமாக மறுமையில் பரிசு தருவான் என்ற உறுதியான நெஞ்சோடு இவற்றை எதிர்கொள்ள வேண்டும்.

2:155.-157.: ஓரளவு அச்சத்தாலும், பசியாலும் செல்வங்கள், உயிர்கள், மற்றும் பலன்களைச் சேதப்படுத்தியும் உங்களைச் சோதிப்போம். பொறுத்துக் கொண்டோருக்கு நற்செய்தி கூறுவீராக! தமக்கு ஏதேனும் துன்பம் ஏற்படும் போது ''நாங்கள் அல்லாஹ்வுக்கே உரியவர்கள்; நாங்கள் அவனிடமே திரும்பிச் செல்பவர்கள்'' என்று அவர்கள் கூறுவார்கள். அவர்களுக்கே தமது இறைவனின் அருள்களும், அன்பும் உள்ளன. அவர்களே நேர்வழி  பெற்றோர்.  

= எந்த அளவுக்கு இறைவனுக்கு நாம் இறைவனுக்கு நெருக்கமானவர்களாக ஆகிறோமோ அந்த அளவுக்கு அதிகமாக நாம் சோதிக்கப்படுவோம். எந்த அளவுக்கு நாம் சோதிக்கப்படுகிறோமோ அந்த அளவுக்கு இறைவனிடம் நமக்கு வெகுமதிகளும் உயர் பதவிகளும் காத்திருக்கின்றன.

= இப்ராஹீம்(அலை) அவர்கள் தனது ஆருயிர் மகனை இறைக் கட்டளைக்காக பலி கொடுக்கத் துணிந்தார்கள். நாம் குறைந்த பட்சம் நம் தேவை போக மேல்மிச்சமாக நம்மிடம் முடங்கிக் கிடக்கும் பொருளாதாரத்தை இறைவழியில் அர்பணிக்க முன்வரவேண்டும்.
=========== 
உணவுக்காக உயிர்களைக் கொல்வது பாவமா? 
http://quranmalar.blogspot.com/2012/10/blog-post_5399.html
நல்லொழுக்கம் பேணுதலே இஸ்லாம் 
http://quranmalar.blogspot.com/2015/06/blog-post_11.html

இஸ்லாம் என்றால் என்ன? முஸ்லிம் என்றால் யார்?

http://quranmalar.blogspot.com/2012/10/blog-post_25.html

அல்லாஹ் என்றால் யார்?

http://quranmalar.blogspot.com/2012/10/blog-post_8.html

இஸ்லாம் ஏன் எதிர்ப்புக்குள்ளாகிறது?

http://quranmalar.blogspot.com/2012/11/blog-post_24.html

ஒப்பிலா உயர்மறை திருக்குர்ஆன்!

http://quranmalar.blogspot.com/2015/07/blog-post_25.html

இதைப் படிக்காவிட்டால் இழப்பு! பேரிழப்பு!

http://quranmalar.blogspot.com/2012/10/blog-post_31.html

நாம் ஏன் பிறந்தோம்?

http://quranmalar.blogspot.com/2014/05/blog-post_15.html

இதயங்களை வென்ற இறைத்தூதர்

http://quranmalar.blogspot.com/2016/01/blog-post_5.html

நாம் பின்பற்றவேண்டிய தலைவர் யார்?

http://quranmalar.blogspot.com/2012/11/blog-post_9390.html