இறைவன் பணியமர்த்திய டாக்டர்!

நம் ஒவ்வொருவர் உடலுக்குள்ளும் அயராது ஓய்வின்றி பணியாற்றிவரும்  கண்ணுக்குத்தெரியாத பல்துறை மருத்துவரைப்  (multi specialist) பற்றி நீங்கள் சிந்தித்ததுண்டா? நீங்கள் உறங்கினாலும் அவர் உறங்குவதில்லை. அவ்வளவு விழிப்புணர்வோடு பொறுப்புணர்வோடு பணியாற்றுபவர் அவர். கருவறையில் உங்கள் உடலுக்குள் உயிர் ஊதப்பட்டது முதல் இறுதியாக நீங்கள் இறுதி மூச்சு விடும் வரை உங்களுக்காகவே நியமிக்கப்பட்ட அந்த டாக்டர் அயராது பணியாற்றுகிறார். அவரைப் பற்றி நீங்கள் எப்போதேனும் சிந்தித்தது உண்டா? 

உங்களைப் படைத்து பரிபாலித்து வரும் கருணையாளனான இறைவனால் உங்களைப் பாதுகாக்கும் பணிக்காகவே நியமிக்கப்பட்ட கைதேர்ந்த பல்துறை வல்லுநர் அவர் என்பதை உங்கள் உடலில் நடக்கும் சில பாதுகாப்பு ஏற்பாடுகளை கவனித்தால் விளங்கும். 

= ஒவ்வொரு ஆத்மாவுக்கு ஒரு பாதுகாவலர் இல்லாமலில்லை. (திருக்குர்ஆன் 86:4) என்று அவன்  வெறுமனே கூறினானா? சிந்திக்க வேண்டிய விஷயம் அது. 

காய்ச்சல்: 

சிறுவயதில் நீங்கள் செய்த சேட்டைக்காக உங்கள் ஆசிரியர் குச்சியால் உங்கள் உள்ளங்கையில் அடித்து இருக்கலாம். அவ்வாறு அடிவாங்கிய இடத்தில் உடனே என்ன நேருகிறது? அந்த இடம் உடனே சிவப்பு நிறமாக மாறுவதை கவனித்திருப்பீர்கள். என்ன காரணம்?

ஆம், நமது உடலின் நோய் எதிர்ப்பு சக்தி உடனடியாக அங்கே செயல்படுகிறது. உடனே அந்த இடத்துக்கு இரத்தத்தை அனுப்புகிறது. இது போலவே உடலில் எங்கே பாதிப்பு ஏற்பட்டாலும் அதை சரிக்கட்ட போதுமான ஏற்பாடுகளை அந்த டாக்டர் ஏற்பாடு செய்கிறார்.  அதுபோன்ற ஒரு பாதுகாப்பு ஏற்பாடுதான் காய்ச்சல் என்பதும். மேற்கூறப்பட்ட உதாரணத்தில் கையில் அடிவாங்கிய இடத்தில் சூடு பரவியிருப்பதை நீங்கள் உணர்ந்திருப்பீர்கள். அதுபோன்றே நமது உடலில் நோய் எதிர்ப்புக்கான சக்தி உடலுக்கு ஏற்பட்ட பாதிப்புக்கு எதிராக வேலைசெய்யும் போது ஏற்படும் வெப்ப அதிகரிப்பையே காய்ச்சல் என்கிறோம்.

இன்ன பிற பாதுகாப்பு ஏற்பாடுகள்:

வாந்தி:

இதேபோல நமது உடலில் பல பாதுகாப்பு ஏற்பாடுகளையும் இறைவன் அமைத்திருப்பதை நாம் காணலாம். நாம் உண்ணும் உணவு உண்ணத் தகுந்ததா என்பதை கை, மூக்கு, மூளை என்பவை பார்த்துத் தேர்ந்தெடுக்கின்றன. தொடர்ந்து அது தகுதியில்லாததாக இருந்தால் நாக்கு, வாய், போன்றவை அதைத் துப்பி விடுகின்றன. உண்ட உணவு செரிமானத்திற்குத் தகுதி இல்லாததாக இருந்தால் அதை வெளியேற்ற வாந்தி என்ற ஏற்பாடு உள்ளது. 

வயிற்றுப்போக்கு:

அதேபோன்ற இன்னொரு ஏற்பாடுதான் வயிற்றுப்போக்கு. ஜீரணத்திற்கு தகுதி இல்லாத உடலுக்கு பயனற்ற ஒன்று அத்துமீறி உள்ளே சென்றுவிட்டால் அதை கீழுள்ள பாதை வழியாக வெளியேற்றுவதில் வயிற்றுப்போக்கு பங்களிக்கிறது.

தும்மல், சளி, இருமல்  

நாம் உயிர்வாழத் தேவையான பிராணவாயுவை காற்றில் இருந்து நாசித்துவாரங்கள் வழியாக இழுக்கிறோம். அதைத் தூய்மைப்படுத்தும் விதமாக நாசித்துவாரங்களின் உட்சுவர்களில் ஒட்டி உள்ள சளி மற்றும் முடி போன்றவை பணியாற்றுகின்றன. இக்காவலை மீறி அசுத்தங்கள் உள்ளே சென்று நுரையீரலை அடையும்போது அவற்றை  

அதேபோல நுரையீரலில் தூசு அல்லது ஒவ்வாத ஏதேனும் சேரும்போது அதை வெளியேற்ற தும்மல் உண்டாகிறது. அதிகமான கழிவுகள் அங்கு சேரும்போது அதை சளி திரண்டு அவற்றை வெளியேற்றுகிறது. 

காயம் 

உடலில் எங்காவது அடிபட்டு சிறு காயம் ஏற்படுகிறது என்று வைத்துக் கொள்ளுங்கள்.. அங்கு இரத்தத்தின் வெளியேற்றமே அந்த காயம் ஏற்பட்ட இடத்தில் சேர்ந்த நச்சுப்பொருட்களை இரத்தத்தோடு வெளியேற்றி விடுகிறது. சற்று நேரத்தில் இரத்தம் அந்த இடத்தில் உறைகிறது. பற்று போல படிந்தும் விடுகிறது. இதுவும் ஒரு சிகிச்சையே.

வலி 

உடலில் அடி விழும்போதும் காயம் ஏற்படும்போதும் உண்டாகும் வலியும் உங்களைப் பாதுகாப்பதற்கான ஏற்பாடுதான். வலி என்ற ஒன்று இல்லாமல் இருந்தால் என்ன நடக்கும் என்பதை ஒரு கணம் சிந்தித்துப்பாருங்கள். போக்குவரத்து நெரிசல் நிறைந்த ஒரு வீதியில் உங்கள் டூ வீலரில் பயணித்து விட்டு வீடு வந்து சேர்ந்திருப்பீர்கள். வீடு வந்து சேர்ந்ததும்தான் காண்பீர்கள், உங்கள் காலின் ஒரு சுண்டு விரல் மிஸ்ஸிங் என்பதை! வழியில் எவ்வளவு இரத்தம் வழியில் கொட்டிப் போயுள்ளது என்பதையும் அறிந்திருக்க மாட்டீர்கள்!  

அவ்வளவு ஏன்? வலி என்ற ஒன்று இல்லாவிட்டால் சாலைப் போக்குவரத்து தாறுமாறாகப் போய்விடும். சட்டம், நீதி, நியாயம் என்பவை மட்டுமல்ல, மனிதவாழ்வே  அர்த்தமற்றாதாகிப் போய்விடும். அனைத்தும் வலி என்ற உணர்வையே மையம்கொண்டுள்ளன. ஆம், அந்த வலி மையம்கொண்டு இருப்பது இந்தத் தோலில்தான்! வலி உணரும் நரம்புகளைத் (pain receptors)  தாங்கி நிற்பது இந்தத் தோல்தான்!

இவை அனைத்தும் நம் உடல் தானாகவே தனக்கு செய்துகொள்ளும் சிகிச்சைகளாகும்.
= அல்லாஹ்தான் அனைத்துப் பொருட்களையும் படைப்பவன்; இன்னும், அவனே எல்லாப் பொருட்களின் பாதுகாவலனுமாவான். (திருக்குர்ஆன் 39:62)

அவ்வாறு கய்ச்ச்சல் ஏற்படும்போது பலரும் அதை ஒரு நோயாக நினைத்து உடனே சிகிச்சைக்காக மருத்துவரிடம் விரைகின்றனர். வெப்பத்தைத் தணிப்பதற்கான மாத்திரைகளை எடுத்துக் கொள்கிறார்கள். இதனால் தற்காலிகமாக காய்ச்சல் தணியலாம். ஆனால் இயற்கையாக உடல் தனக்குத்தானே செய்துகொள்ளும் சிகிச்சை தடைபடுகிறது.

எனவே காய்ச்சல் வரும்பொழுது வெப்பநிலை அதிகரிப்பதால் உடலுக்கு நன்மை மட்டுமே ஏற்படுமே தவிர நாம் அதைப்பார்த்து பயப்பட அவசியமில்லை. காய்ச்சல் என்பது உடல் தனக்குத்தானே பார்த்துக் கொள்ளும் வைத்தியம் என்பதை நாம் புரிந்துகொள்ள வேண்டும்.

காய்ச்சல் வரும்பொழுது நாம் என்ன செய்யவேண்டும்?

 காய்ச்சலின் போது நமது உடல் என்ன கேட்கிறதோ அதைக் கொடுத்துக்கொண்டு இருப்பதுதான் நாம் செய்யவேண்டிய அறிவார்ந்த செயலாகும். காய்ச்சலின் போது உடல் சோர்வாக இருக்கும். அப்போது நாம் கொடுக்கவேண்டியது ஒய்வு. படுத்துக்கொள்ள வேண்டும். அதேபோல தாகம் எடுத்தால் தண்ணீர் கொடுப்பதும் பசி எடுத்தால் உணவு கொடுப்பதும்தான் நாம் உடலுக்குச் செய்யவேண்டியது. இவற்றை உடல் கேட்காதபோது நாம் வலியசென்று திணிக்கக் கூடாது.

எப்பொழுது காய்ச்சல் வந்து நாக்கு கசக்கிறதோ அப்பொழுது உணவு தேவையில்லை என்று பொருள். எனவே அந்த நேரங்களில் சாப்பிடாமல் இருப்பது நலம். படுத்து ஓய்வு எடுக்க வேண்டும். தாகம் எடுத்தால் லேசாக சூடு செய்த நீரை மட்டுமே குடிக்க வேண்டும். பசி எடுத்தால் அரிசி கஞ்சி கோதுமை கஞ்சி மற்றும் இயற்கையான பழ வகைகள் போன்றவற்றை எடுத்துக் கொள்ளலாம். தேன் கலந்த நீரை அருந்துவதும் கருஞ்சீரகத்தை வாயில் இட்டு மெல்லுவதும்  சிகிச்சையை மேலும் தீவிரப்படுத்தும்.

=  உங்களது இறைவன் தேனீக்கு மலைகளிலும், மரங்களிலும், மக்கள் கட்டும் கட்டிடங்களிலும் கூடுகளை அமைத்துக் கொள்ளும்படி அறிவூட்டினான். அன்றி "நீ ஒவ்வொரு புஷ்பத்திலிருந்தும் புசித்து, உனதிறைவன் உனக்கு அறிவித்த எளிதான வழியில் (உன்னுடைய கூட்டுக்குள்) ஒடுங்கிச் செல் (எனக் கட்டளையிட்டான்.) இதனால் அதன் வயிற்றிலிருந்து பல நிறங்களையுடைய ஒரு பானம் (தேன்) வெளியாகின்றது. அதில் மனிதர்களுக்கு நிவாரணமுண்டு. நிச்சயமாக இதிலும் சிந்திக்கக்கூடிய மக்களுக்கு ஓர் அத்தாட்சி இருக்கிறது. (திருக்குர்ஆன்16:68,69)

= ''கருஞ்சீரகத்தில் மரணத்தைத் தவிர அனைத்து நோய்களுக்கும் நிவாரணம் உள்ளது'' என்று இறைத்தூதர் (ஸல்) அவர்கள் கூறினார்கள். அறிவிப்பாளர்: அபூஹுரைரா (ரலி) அவர்கள். (நூல்கள்: புகாரி, முஸ்லிம்)

காய்ச்சலும் பாவநிவாரணமும்

இவ்வாறு மூன்று நாட்கள் வரை உடலின் தேவையறிந்து கட்டுப்பாட்டோடு நடந்து கொண்டால் காய்ச்சலும் குணமாகும். அது எதற்காக வந்ததோ அந்த நோக்கமும் – அதாவது சிகிச்சையும் – நிறைவேறும் இறைவன் நாடினால். மட்டுமல்ல, நம் பாவங்களும் மன்னிக்கப்படும்.

= நபித்தோழர் ஜாபிர் (ரலி) அறிவிக்கின்றார்கள்: ''உம்மு ஸாயிப் (ரலி) அவர்களின் வீட்டிற்கு வந்த நபி(ஸல்) அவர்கள், ''உம்மு ஸாயிபே! உமக்கு என்ன? ஏன் துடிக்கிறீர்'' என்று கேட்டார்கள். ''காய்ச்சல்தான். அதிலே அல்லாஹ் பரக்கத்(அபிவிருத்தி) செய்யாதிருப்பானாக'' என்று உம்மு ஸாயிப் (ரலி) கூறினார். ''காய்ச்சலைத் திட்டாதே! நெருப்பு உலை, இரும்பின் துருவை நீக்குவது போல், காய்ச்சல் மனிதனின் குற்றங்களை நீக்கி விடும்'' என்று நபி (ஸல்) கூறினார்கள். (முஸ்லிம்)

 (மருத்துவ தகவல்கள் மாற்று மருத்துவ அறிஞர்களின் கருத்தின் அடிப்படையில் எழுதப்பட்டது)

திருக்குர்ஆன் நற்செய்தி மலர் - மே 2021 இதழ்

 

பொருளடக்கம் பொருளடக்கம்

நேற்று கருவறை! நாளை கல்லறை! நடுவிலே ஏனிந்த சிறை?-2
மனிதகுலத்தை ஒருங்கிணைக்கும் ரமலான்! -5
குடும்பங்களில் குதூகலம் பொங்கும் ரமலான்! -7
பசித்திருப்பது மட்டுமல்ல நோன்பு! -8
நோன்பின் மாண்புகள் -9
போதுமென்ற மனமே சிறந்தது -10
ரமலான் மாதத்தின் சிறப்புகள் -11
வான்மறை தேன்மழையாகப் பொழிந்தபோது..! -13
யாசகம் தவிர்ப்போம் -14
மனித வரலாற்றை மாற்றியமைத்த பெருநிகழ்வு -15
திருக்குர்ஆன் வந்திருக்கா விட்டால்.. என்ன நடந்திருக்கும்?-18
திருக்குர்ஆன் வரவால் உயிர்வாழும் பெண்ணினம்! -19
பசியாறும்போது நிதானம் தேவை! -20
கருக்கொலையிலிருந்து தப்பித்த மகளிர் குரல்!-21
திருக்குர்ஆன் வரவால் மகிழும் முதியோர்! -22
உண்ணும் ஒழுங்கு முறைகள் -23
உலகெங்கும் ஒலிக்கும் திருக்குர்ஆன் பயனர்களின் குரல் -24

திருக்குர்ஆன் நற்செய்தி மலர் - மே 2021 இதழ் கீழ்கண்ட லின்கிலும் இதை வாசிக்கலாம் 

https://drive.google.com/file/d/1Q3-CJnVh2xEQ2F195TsVYFWyfnoxMdje/view?usp=sharing

திருக்குர்ஆன் நற்செய்தி மலர் - ஏப்ரல்2021 இதழ்

திருக்குர்ஆன் நற்செய்தி மலர் - ஏப்ரல்2021 இதழ் 

பொருளடக்கம்;

போட்டியிடும் வேட்பாளர்களுக்கு எச்சரிக்கை!-2
பதவி ஏற்றவர்களுக்கு இறை எச்சரிக்கைகள் -4
அரசியலுக்கு புது இலக்கணம் வகுத்த மாமனிதர்! -16
மறுமைக்காக வறுமையை ஏற்ற வல்லரசர் -18
உத்தம அரசியல் காண்போம்! -6
வளமிக்க நாட்டில் ஏனிந்த அவலம்? -7
ஒன்றுபட்டால் உண்டு வாழ்வு! -10
சீர்திருத்தத்தின் அடிப்படை -10
தனி மனித சீர்திருத்தம் எவ்வாறு? -12
இறையச்சம் ஏற்படுத்தும் புரட்சிகள் -14
ஆட்சியாளர்களுக்கு இறையச்சம் வந்துவிட்டால் ..? -15
ஊதியக் குறைவு கோரிய ஜனாதிபதி! -19
காலிப்பானையும் கலீஃபா உமரும்! -20
சரித்திரம் உமரை நினைத்து ஏன் ஏங்குகிறது?-23
உத்தம அரசியலுக்கு இறை சட்டங்கள்! -24

போட்டியிடும் அரசியல்வாதிகளுக்கு எச்சரிக்கை!

இந்த நாடு, நாட்டு மக்கள், நாட்டின் வளங்கள் இவற்றின் பராமரிப்புக்கும் பாதுகாப்பிற்கும் ஐந்து வருடங்களுக்கு பொறுப்பு ஏற்க உள்ளவர்கள் சில முக்கியமான விடயங்களை கவனத்தில் கொண்டு செயல்பட்டால் அவர்களுக்கும் நல்லது நாட்டுக்கும் நல்லது. இறைவனையும் மறுமை வாழ்வையும் நம்புபவர்கள் என்ற அடிப்படையில் இவற்றை பகிர்ந்துக்கொள்ள விழைகிறோம். இவை பேணப்படும் பட்சம் இறைநம்பிக்கையாளர்களின் ஒத்துழைப்பும் பிரார்த்தனையும் மட்டுமல்ல இறைவனின் பொருத்தமும் ஆசியும் நீங்கள் பொறுப்பேற்கவுள்ள அரசுக்கு அமையும் என்றும் நம்புகிறோம்.

1) நாடும் அதில் உள்ளதும் இறைவனுடையதே!

நாட்டுக்கும் நாட்டு வளங்களுக்கும் மக்களுக்கும் உரிமையாளன் இறைவனே. இவ்வுலகில் காணப்படும் அனைத்துக்கும் சொந்தக்காரன் நம்மைப் படைத்து பரிபாலித்து வரும் ஏக இறைவனே. ஆகவே நம் ஒவ்வொரு செயலுக்கும் அந்த இறைவனுக்கு நாம் பதில் சொல்லியாகவேண்டும் என்ற பொறுப்புணர்வோடு ஆட்சியாளர்களும் அதிகாரிகளும் செயல்பட்டால் நாட்டுக்கு நன்மை பயக்கும்.

= வானங்களிலும், பூமியிலும் உள்ள யாவும் நிச்சயமாக அல்லாஹ்வுக்கே சொந்தம் என்பதை அறிந்து கொள்வீர்களாக! நீங்கள் எந்த நிலையில் இருக்கின்றீர்களோ அதை அவன் (நன்கு) அறிவான்; மேலும் அவனிடத்தில் அவர்கள் மீட்டப்படும் அந் நாளில் அவன், அவர்கள் (இம்மையில்) என்ன செய்து கொண்டிருந்தார்கள் என்பதையும் அவர்களுக்கு அறிவிப்பான் - மேலும், அல்லாஹ் எல்லாப் பொருள்கள் பற்றியும் நன்கறிபவன். (திருக்குர்ஆன் 24:64)

(அல்லாஹ் என்றால் வணக்கத்திற்குத் தகுதிவாய்ந்த ஒரே இறைவன் என்பது பொருள்)

2) குடிமக்களின் உயிருக்கும் உடமைகளுக்கும் பாதுகாப்பு:

மனித குலம் அனைத்தும் ஒரே ஒரு ஆண்-பெண் ஜோடியிலிருந்து உருவாகி பல்கிப் பெருகியவர்களே என்ற அடிப்படையில் இங்கு வாழும் குடிமக்கள் யாவரும் ஒரே குடும்பத்தைச் சேர்ந்தவர்களே என்ற அடிப்படையை ஆட்சியாளர்கள் கவனத்தில் கொள்ள வேண்டும்.

“மனிதர்களே! நாம் உங்களை ஓர் ஆணிலிருந்தும் பெண்ணிலிருந்தும் படைத்தோம். பிறகு நீங்கள் ஒருவருக்கொருவர் அறிமுகமாகிக்  கொள்ளும் பொருட்டு உங்களை சமூகங்களாகவும் கோத்திரங்களாகவும் அமைத்தோம். உண்மையில், உங்கள் இறைவனிடம் அதிக கண்ணியம் வாய்ந்தவர் உங்களில் அதிக இறையச்சம் கொண்டவர்தாம்.” (திருக்குர்ஆன் 49: 13)

அவர்களின் மதம், நிறம், மொழி, பொருளாதார நிலை போன்றவை வேறுபட்டாலும் அவர்கள் யாவரும் ஒரே குடும்பத்தின் அங்கத்தினர்களே என்பதையும் அவர்கள் அனைவருக்கும் இந்நாட்டு வளங்களிலும் அரசு வழங்கும் வசதிகளிலும் நியாயமான உரிமைகள் உண்டு என்பதையும் மறக்கக்கூடாது. முக்கியமாக குடிமக்களின் உயிருக்கும் உடமைகளுக்கும் தகுந்த பாதுகாப்பு வழங்க வேண்டியது அரசின் தலையாய கடமையாகும். இதை சரிவர நிறைவேற்றா விட்டாலோ ஒருதலைப்பட்சமாக நடந்து கொண்டாலோ அத்துமீறினாலோ அவற்றுக்கான தண்டனைகள் நிச்சயமாக இறைவனிடம் கிடைக்கும்.

3) ஏற்றுக்கொண்ட பொறுப்பு பற்றி விசாரிக்கப் படுவீர்கள்!

ஆட்சிப்பொறுப்பு என்பது இறைவன் வழங்கும் அமானிதம் ஆகும். நாட்டுக்கு சேவை செய்யவேண்டும் என்ற அடிப்படையில் சொந்தமாக முன்வந்து இப்பொறுப்பை ஏற்க இருப்பதால் அதிகம் அதிகமாக இப்பொறுப்பு பற்றி இறைவனால் விசாரிக்கப்படுவீர்கள்.

= நினைவில் கொள்க! நீங்கள் ஒவ்வொருவரும் பொறுப்பாளிகளே உங்களில் ஒவ்வொருவரும் தத்தமது பொறுப்பிலுள்ளவை பற்றி (மறுமையில்) விசாரிக்கப்படுவீர்கள். ஆட்சித் தலைவர் மக்களின் பொறுப்பாளர் ஆவார். அவர் தம் குடிமக்கள் குறித்து விசாரிக்கப்படுவார். ஆண் தன் குடும்பத்தாருக்குப் பொறுப்பாளன் ஆவான். அவன் தன் பொறுப்புக்குட்பட்டவர்கள் குறித்து விசாரிக்கப்படுவான். பெண் தன் கணவனின் வீட்டாருக்கும், அவனுடைய குழந்தைகளுக்கும் பொறுப்பாளி ஆவாள். அவள் அவர்கள் குறித்து விசாரிக்கப்படுவாள். ஒருவருடைய பணியாள் தன் எசமானின் செல்வத்திற்குப் பொறுப்பாளியாவான். அவன் அது குறித்து விசாரிக்கப்படுவான். நினைவில் கொள்க! உங்களில் ஒவ்வொருவரும் பொறுப்பாளியே! உங்களில் ஒவ்வொருவரும் தத்தமது பொறுப்புக்குட்பட்டவை குறித்து விசாரிக்கப்படுவீர்கள்." (நபிமொழி நூல்: புகாரி )

4) பொது சொத்துக்கள் கையாளுதல்:

நாட்டு வளங்களும் அரசின் வருமானங்களும் மக்களின் பொதுச் சொத்தாக இருக்கும் நிலையில் இவற்றை முறையாக கைகாரியம் செய்தால் கண்டிப்பாக அதற்கான நற்கூலி இறைவனிடம் உண்டு. மாறாக சுயநலத்துக்கு ஆட்பட்டு இவை வீண்விரையமோ அபகரிப்போ செய்யப்படுமானால் மோசடி செய்யப்பட்ட அந்த பொருட்கள் சகிதம் இறைவனின் நீதிமன்றத்தில் ஆஜராக வேண்டியிருக்கும் என்பதை நினைவில் கொள்ளவேண்டும்.

= நபி (ஸல்) அவர்கள் கூறினார்கள்: மோசடி செய்பவனுக்கு மறுமை நாளில் (அவனுடைய மோசடியை வெளிச்சமிட்டுக் காட்டும் முகமாக அடையாளக்) கொடி ஒன்று நட்டப்பட்டு இது இன்னாருடைய மகன் இன்னாரின் மோசடி (யைக் குறிக்கும் கொடி) என்று கூறப்படும்.

அறிவிப்பவர் : இப்னு உமர் (ரலி) அவர்கள் நூல் : புகாரி (6177)

திருக்குர்ஆன் நற்செய்தி மலர் - மார்ச் 21 இதழ்

 திருக்குர்ஆன் நற்செய்தி மலர் - மார்ச் 21 இதழ் 

திருக்குர்ஆன் நற்செய்தி மலர் - மார்ச் 21 இதழ் 

இந்த இதழ் உங்கள் இல்லம் தேடிவர உங்கள் முகவரியை என்ற எண்ணுக்கு SMS செய்யுங்கள். நான்கு மாத சந்தா இலவசம். மாற்றுமத அன்பர்களுக்கு ஒருவருட சந்தா இலவசம்.

பொருளடக்கம்:
இறைவழிகாட்டல் ஏன் தேவை? -2

மனிதகுலத்தைக் காக்க வந்தவர்களே இறைத்தூதர்கள்!-4

- நபிகளார் எடுத்த பொறுமை என்ற ஆயதம் -5
https://www.quranmalar.com/2018/07/blog-post_9.html
- முஹம்மது நபி அவர்களின் வாழ்வும் போதனைகளும் -6
https://www.quranmalar.com/2021/03/blog-post.html
-இதற்காகவா அந்த மாமனிதரைத் தாக்குகிறீர்கள்? -10
http://quranmalar.blogspot.com/2013/05/blog-post.html
-தர்மத்திற்கு எதிரானவர்களின் இறுதி நிலை -12

- நபிகளாருக்கு எதிரான அவதூறுப் பிரச்சாரமும் சித்திரவதைகளும் -9
-நபிகளார் என்ற நற்குண நாயகர் -13
-திருந்தாத மக்களுக்காக அதிகம் வருந்தியவர் -14
-நபிகளாருக்கு அகிலத்தின் அதிபதியின் நற்சான்றிதழ்! -15
-மனிதகுல பாதுகாப்பே மாமனிதரின் இலக்கு! -16
-ஒப்பிடமுடியாத சாதனையாளர் நபிகளார்! - லாமார்டின் -18
-பதவி வந்தபோது பணிவு!- 19

http://quranmalar.blogspot.com/2014/11/blog-post_20.html

-அண்ணலாரைப் பரிகசித்தவர்கள் என்ன ஆனார்கள்? -20
-இன்றைய நாள் எதிரிகளுக்கும் இறை எச்சரிக்கை 22
-மக்களை அழிப்பதல்ல சீர்திருத்துவதே இலக்கு! -23
-வாசகர் எண்ணம் -24

----------------------- 

இந்த இதழை கீழ்கண்ட லின்கிலும் சென்று வாசிக்கலாம்:

https://drive.google.com/file/d/181ccxrQvzEF_4BJBqgjzeJjfz3-bASwm/view?usp=sharing

முஹம்மது நபி அவர்களின் வாழ்வும் போதனைகளும்

 பிறப்பும் சூழலும்:

சவுதி அரபியாவில் மக்கா நகரில் அன்றைய உயர்குலம் ஒன்றில் கிபி 670 இல் பிறந்தார்கள். சிறுவயதிலேயே வளர்ந்த முஹம்மது நபி (ஸல்) அவர்கள் தமது நாற்பது வயது வரை  சாதாரண மனிதராகவும், ஒரு வியாபாரியாகவும்தான் இருந்தார்கள்.   ஆனால் தாம் வாழ்ந்த மக்களிடையே உண்மைக்கும் நேர்மைக்கும் நாணயத்திற்கும் பெயர்பெற்றவர்களாக இருந்தார்கள். மக்கள் அவரை ‘அல் அமீன்’ (நம்பிக்கைக்கு உரியவர்)) என்ற பட்டப்பெயர் கொண்டு மதிப்போடு அழைத்தார்கள்.

 ஆனால் அவரைச் சுற்றி வாழ்ந்த மக்கள் பலவிதமான  மூடநம்பிக்கைகளிலும் மூடப்பழக்கவழக்கங்களிலும் மூழ்கிக்கிடந்தார்கள். மக்காவில் இன்று காணப்படும் சதுர வடிவான கஅபா என்ற இறையில்லம் சுமார் 5000 வருடங்களுக்கு முன்னால் இப்ராஹீம் (ஆப்ரஹாம்) என்ற இறைத் தூதரால் ஏக இறைவனை வழிபடுவதற்காக கட்டப்பட்ட ஒன்றாகும். ஆனால் காலப்போக்கில் அதற்குள் 360 சிலைகள் நிறுவப்பட்டு  தினம் ஒரு சிலைக்கு வழிபாடு என்றவாறு நடத்திக் கொண்டிருந்தார்கள். அதிகாரம் படைத்தவர்களும் பலம் வாய்ந்தவர்களும் இடைத்தரகர்களும் சேர்ந்து கடவுளின் பெயரால் மக்களை அடிமைப் படுத்தியும் கொடுமைப் படுத்தியும் வந்தனர். குலவேற்றுமையும் இனவேற்றுமையும் ஆழமாய் வேரூன்றியிருந்த காரணத்தால் அவர்களுக்குள்ளே சண்டைகளுக்கும் கலகங்களுக்கும் பஞ்சமில்லாமல் இருந்தது. 

பெண்குழந்தைகளை உயிரோடு புதைத்தல்:

  பெண்ணடிமைத்தனமும் மூடநம்பிக்கைகளும் காரணமாக அவர்கள் பெண்குழந்தைகள் பிறந்தாலே இழிவு என்று கருதி அவர்களை உயிரோடு புதைக்கவும் செய்து வந்தார்கள். பெண்களை வெறும் போகப்பொருளாக பயன்படுத்தி வந்தனர். இன்னும் இவைபோன்ற பல அனாச்சாரங்களும் அங்கே தலைவிரித்தாடிக் கொண்டிருந்தன.

இறைத்தூதராக நியமிக்கப்படுதல்

 தன்னைச் சுற்றி இவையெல்லாம் நடந்துகொண்டிருக்க இவற்றுக்கான தீர்வுகளுக்காக அவரது மனம் ஏங்கிக் கொண்டிருந்தார்கள். தனிமையில் இறை நினைவில் நாட்களைக் கழித்தார்கள். இப்படிப்பட்ட வேளையில்தான் முஹம்மது (ஸல்) அவர்கள் இறைவனின் தூதராகத் தேர்ந்தெடுக்கப் படுகிறார்கள். ஜிப்ரீல் என்ற வானவர் மூலம் நபிகளாருக்கு இறைவன் புறத்திலிருந்து வேதவசனங்களும் இறைகட்டளைகளும் வழிகாட்டுதல்களும் வரத் துவங்கின.

முதன் முதலாக இறைவன் புறத்திலிருந்து இறங்கிய வசனங்கள் இவையே:

 (முஹம்மதே!) படைத்த உமது இறைவனின் பெயரால் ஓதுவீராக! அவன் மனிதனை கருவுற்ற சினை முட்டையிலிருந்து படைத்தான். ஓதுவீராக! உமது இறைவன் கண்ணியமானவன். அவனே எழுது கோலால் கற்றுத் தந்தான். அறியாதவற்றை மனிதனுக்குக் கற்றுத் தந்தான். (திருக்குர்ஆன் 96:1-5)

இவற்றைத் தொடர்ந்து வந்த இறைக் கட்டளைகளின் அடிப்படையில் நபிகள் நாயகம் (ஸல்) அவர்கள் தமது நாற்பதாம் வயதில் தம்மைக் கடவுளின் தூதர் என்று மக்களிடையே பிரகடனம் செய்தார்கள். இறைவன் புறத்திலிருந்து தான் பெறும் செய்திகளையும் எச்சரிக்கைகளையும் மக்களுக்கு எடுத்துச் சொன்னார்கள்.

மக்களுக்கு செய்த போதனைகள்:

= இந்த உலகம் இறைவனால் படைக்கப் பட்டது. இங்கு வாழும் மனிதர்கள் யாவரும் இறைவனுக்கு கீழ்படிந்து வாழக் கடமைப் பட்டுள்ளார்கள் . அவ்வாறு வாழ்ந்தால் மட்டுமே இவ்வுலகில் நீதியும் அமைதியும் ஏற்படும். மறுமையிலும் நீங்கள் மோட்சத்தை அடைய முடியும். அவ்வாறு இறைவனுக்குக் கீழ்படிந்து வாழ்தலே இஸ்லாம் எனப்படுகிறது.

= ஒருநாள் இவ்வுலகம் முற்றாக அழிக்கப்படும். மீண்டும் இறைவனிடமிருந்து கட்டளை பிறப்பிக்கப் படும்போது இவ்வுலகின் மீது வாழ்ந்து மறைந்த அனைத்து மனிதர்களும் மீண்டும் உயிர்கொடுத்து எழுப்பப்படுவர். அன்று ஒவ்வொரு மனிதர்களும் இப்பூமியின் மேல் செய்த ஒவ்வொரு பாவமும் புண்ணியமும் எடுத்துக்காட்டப்பட்டு விசாரிக்கப் படுவார்கள். விசாரணைக்குப் பிறகு புண்ணியவான்களுக்கு சொர்க்கமும் பாவிகளுக்கு நரகமும் விதிக்கப் படும். எனவே இறைவனின் கட்டளைகளை ஏற்று அவன் ஏவியவற்றைச் செய்யுங்கள். தடுத்தவற்றில் இருந்து விலகிக் கொள்ளுங்கள்.

= ஒவ்வோர் ஆத்மாவும் மரணத்தைச் சுகித்தே ஆகவேண்டும்; அன்றியும் - இறுதித் தீர்ப்பு நாளில் தான், உங்க(ள் செய்கைக)ளுக்குரிய பிரதி பலன்கள் முழுமையாகக் கொடுக்கப்படும்;. எனவே எவர் (நரக) நெருப்பிலிருந்து பாதுகாக்கப்பட்டுச் சுவர்க்கத்தில் பிரவேசிக்குமாறு செய்யப்படுகிறாரோ. அவர் நிச்சயமாக வெற்றியடைந்து விட்டார்;.இவ்வுலக வாழ்க்கை மயக்கத்தை அளிக்கவல்ல (அற்ப இன்பப்) பொருளேயன்றி வேறில்லை. (திருக்குர்ஆன் 3:185)

= இறைவனின் கட்டளைகளில் முக்கியமானது அந்த ஏக இறைவன் மட்டுமே வணங்குவதற்குத் தகுதியானவன் என்று ஏற்றுக் கொள்வதாகும். அவனை இடைத்தரகர்கள் இன்றி நேரடியாக வணங்க வேண்டும். அவன் அல்லாத எதையுமே கடவுள் என்று சொல்வதோ வணங்குவதோ அறவே கூடாது. அவனுக்கு பதிலாக சிலைகளையோ உருவங்களையோ வணங்குதல் பெரும் பாவமாகும்.

= அனைத்து மனித இனமும் ஒரே ஒரு ஆண்-பெண் ஜோடியில் இருந்து உருவாகிப் பல்கிப் பெருகியவர்களே. மனிதர்கள் அனைவரும் சீப்பின் பற்களைப் போல் சமமானவார்களே. இனத்தாலோ, குலத்தாலோ, நிறத்தாலோ, மொழியாலோ யாரும் யாரையும் விட உயர்ந்தவர்கள் அல்ல.

“மனிதர்களே! நாம் உங்களை ஓர் ஆணிலிருந்தும் பெண்ணிலிருந்தும் படைத்தோம். பிறகு நீங்கள் ஒருவருக்கொருவர் அறிமுகமாகிக்  கொள்ளும் பொருட்டு உங்களை சமூகங்களாகவும் கோத்திரங்களாகவும் அமைத்தோம். உண்மையில், உங்கள் இறைவனிடம் அதிக கண்ணியம் வாய்ந்தவர் உங்களில் அதிக இறையச்சம் கொண்டவர்தாம்.” (திருக்குர்ஆன் 49: 13)

= இறைவனின் பொருத்தத்தைப் பெற்று நாளை மறுமையில் சொர்க்கம் செல்ல வேண்டுமானால் கொலை, கொள்ளை, வட்டி, சூதாட்டம், விபச்சாரம், போதைப் பொருட்கள், பொய், பித்தலாட்டம், மோசடி, ஏமாற்றுதல், போன்ற எல்லாத் தீமைகளிலிருந்தும் மனிதர்கள் விலகி இருக்க வேண்டும். இறைவன் கற்பிக்கும் நற்காரியங்களை செய்யவும் பூமியில் தர்மத்தை நிலைநாட்ட ஒத்துழைக்கவும் வேண்டும்.

இவ்வாறு தான் இறைவனிடமிருந்து பெறும் செய்திகளை மக்கள் முன் எடுத்துரைத்து சத்தியப் பிரச்சாரத்தை துவங்கினார் நபிகள் நாயகம் (ஸல்).

இயந்திரங்களின் அச்சாணி தந்த அல் ஜசாரி!

எல்லா வகை இயந்திரங்களுக்கும் Engine அல்லது Motor என்பது இதயம் போன்ற பாகம். இந்த இதயம் இல்லையென்றால் இயந்திரங்கள் வெறும் இரும்பு கூடுகள்தான்.

இந்த இதயப் பகுதிக்கு உயிரூட்டக் கூடிய பாகம் Crankshaft என்கிற கண்டுபிடிப்பு. Crankshaft இல்லையென்றால் சில வகை Engine கிடையாது. இந்த Engine-கள் இல்லையென்றால் இன்றைய அதி நவீன கார்கள் கிடையாது. Crankshaft-யின் தொழில் நுட்ப விளக்கங்களுக்குள் எல்லாம் நாம் புகுந்து புறப்பட்டுக் கொண்டிருக்கப் போவதில்லை. இந்த கட்டுரையின் நோக்கம் அதுவல்ல. இது சக்தியை ஒரு வடிவில் இருந்து இன்னொரு வடிவுக்கு மாற்றக் கூடிய இயந்திர பாகம்.

Crankshaft-யை முதலில் வெற்றிகரமாக வடிவமைத்து நடைமுறை மனித செயல்பாட்டிற்கு கொண்டு வந்தவர் இஸ்லாமிய இயந்திரவியல் விஞ்ஞானி Al-Jazari. உங்களுக்கு ஒன்று சொல்லட்டுமா இவரை The Real Father of Engineering என்று சொல்வார்கள். இவர் பிறந்தது கி.பி. 1136-ல். மனிதர் பலத் திறமைகளை பெற்றிருந்தார். அறிஞர், கண்டுபிடிப்பாளர், கலைஞர், பொறியியளாளர் இப்படி பல்வேறு துறைகளில் இயங்கியவர்.

Leonardo Da Vinci-யை பன்முகத் தன்மை கொண்ட அதிசயப் பிறவி என்று தலையில் தூக்கி வைத்துக் கொண்டாடும் மேற்குலம், Da Vinci-க்கு நிகரான சொல்லப்போனால் Da Vinci-யை விடவும் பல விசயங்களில் மேம்பட்டவரான Al-Jazari-யை பற்றி எந்தயிடத்திலும் மறந்தும் மூச்சுக் கூட விட்டுவிடாது. ஏனென்றால் இஸ்லாமியர்கள் காட்டு மிராண்டிகள். அவர்களைத் தலையில் தூக்கி கொண்டாடுவது தீட்டான விசயம் மேற்குலகங்களுக்கு. முடிந்தவரை உலகின் பொதுப் புத்தியிலிருந்து இஸ்லாமிய விஞ்ஞானிகள் குறித்த விசயங்களையும் அவர்கள் மனித சமூக வளர்ச்சிக்கான பங்களிப்பாக செய்த சாதனைகளையும் துடைத்து அழிப்பதில் குறியாக இருக்கின்றன.

இந்த துடைதழிப்பின் ஒரு பகுதிதான் காட்டுமிராண்டிகள் வாதம். ஆதியும் தெரியாமல் அந்தமும் புரியாத நம்மவர்களும் கண்களை மூடிக்கொண்ட பூனைகள் போல திரும்ப திரும்ப மேற்குலகின் காட்டுமிராண்டி வாதத்தை இஸ்லாமியர்களுக்கு எதிரான விமர்சனங்களாக முன்வைத்து வருகிறார்கள்.

Al-Jazari “The Book of Knowledge of Ingenious Mechanical Devices” என்கிற நூலை 1206-ல் எழுதி வெளியிட்டார். இந்த புத்தகத்தில் நூற்றுக்கனக்கான இயந்திரங்களின் வடிவமைப்பு முறைகளையும் அவைகள் இயங்கும் விதங்களையும் மிக விளக்கமாக எழுதியிருக்கிறார்.

ஏரிகளில் இருந்து தண்ணீர் உறிந்து வீடுகளுக்கு வினியோகிக்கும் இயந்திரம், கிணறுகளில் இருந்து தண்ணீர் இரைக்கும் இயந்திரம், வீடுகளில் கை மற்றும் பாத்திரங்கள் கழுவ பயன்படும் இயந்திரம், இசை எழுப்பும் இயந்திரங்கள் என்று இன்றைய நவீன உலகில் மனித பயன்பாட்டில் இருக்கும் இயந்திரங்களின் மூலாதாரமான இயந்திரங்களை 800 வருடங்களுக்கு முன்பே கண்டுபிடித்து மனித பயன்பாட்டுக்கொண்டு வந்துவிட்டார்.

இன்றைக்கு ஜப்பான் பல்வேறு இயந்திரன்களை (Robo) வடிவமைத்து தங்கள் பங்குக்கு மேற்குலகை நவீன கண்டுபிடிப்புகளில் பின்னுக்குத்தல்ல முயற்ச்சி செய்துகொண்டிருக்கிறது. ஆனால் 800 வருடங்களுக்கு முன்பே இன்றைய இயந்திரன்களின் மூதாதையான இயந்திரனை Al-Jazari வடிவமைத்து வெற்றிகரமாக மனிதர்களைப் போல அந்த இயந்திரனை செயல்பட வைத்திருக்கிறார். தேநீர் பரிமாற அவர் கண்டுபிடித்த இயந்திரன் பயன்பட்டிருக்கிறது. இவரை Father of Robotics என்றும் பெறியியல் உலகம் சிறப்பிக்கிறது.

இன்றைய அதி நவீன் இயந்திரங்களின் இயங்கு பாகங்களாக இருக்கும் Valves, Piston, Pulley, Lever என்று பல பாகங்களின் செயல் திறனை மேம்படுத்தி வடிவமைத்தவர் Al-Jazari.

Al-Jazari –க்கு நன்றி சொல்லும் Crankshaft-யை தன்னுடைய Engine-ல் கொண்ட நவீன கார் வந்துவிட்டது நவீன மனிதனை அழைத்துச்செல்ல. காரில் ஏறி உட்கார்ந்ததும் ஓட்டுனர் ஒரு காகிதத்தை எடுத்து நீட்டி நவீன மனிதனின் பெயருக்கு கீழ் கையெழுத்திடச் சொல்கிறார். பன்னாட்டு நிறுவனங்களில் பணி செய்பவர்களுக்கு இந்த நடைமுறைக் குறித்த பரிச்சயம் இருக்கலாம்.

நவீன மனிதன் தன்னுடைய எழுதுகோலை எடுக்க தன் சட்டைப் பையை தடவும் ஒரு சில வினாடிகளுக்குள் நாம் இன்றைய எழுதுகோல்களுக்கு (Pen) முன்மாதிரியான கண்டுபிடிப்பை பார்த்துவிடுவோம். கி.பி. 953-களில் எகிப்தை ஆட்சி செய்த சுல்தானுக்கு அன்றைய எழுதுகோள்கள் பெறும் பிரச்சனையை கொடுத்தன. கைகளும் உடைகளும் மைக் கரைப்பட்டு சுல்தானை கடுப்பேற்றியது. சுல்தானின் கடுப்பைப் போக்க இஸ்லாமிய அறிஞர்கள் புவியீர்ப்பு விசை மற்றும் கேப்பிலரிய விசையை ஒன்றிணைத்த Fountain Pen-யை கண்டுபிடித்தார்கள்.