திருக்குர்ஆன் நற்செய்தி மலர் மாத இதழைப் பெற QR Code ஐ ஸ்கேன் செய்யுங்கள் அல்லது உங்கள் முகவரியை 9886001357 எண்ணுக்கு அனுப்புங்கள் -
இறுதி இறைவேதம் திருக்குர்ஆனும் அதை தன் வாழ்க்கை
முன்மாதிரியாகக் கொண்டு நடைமுறையில் வாழ்ந்து காட்டியவருமான நபிகள் நாயகம் (ஸல்)
அவர்களின் முன்னுதாரண வாழ்க்கையில் இருந்தும் பெறப்படுபவையே இஸ்லாமிய வாழ்வியல்
சட்டங்கள். இவற்றை பேணுவது ஒவ்வொரு முஸ்லிமின் மீதும் கடமையாகும். அரபுநாட்டில்
நபிகளாரின் காலத்தில் நடைமுறைக்கு வந்த இந்த வாழ்வியல் சட்டங்கள் அன்று எவ்வாறு
பெண்களை கொடுமைகளில் இருந்து விடுவித்ததோ அதே போல பிற்காலங்களில் எங்கல்லாம்
இஸ்லாம் பரவியதோ அங்கெல்லாம் பெண்களை அவர்களின் மூதாதையர்களின் மூடப்பழக்க
வழக்கங்கள் உண்டாக்கி வைத்த கொடுமைகளில் இருந்து விடுவித்தது, தொடர்ந்து
விடுவித்துக் கொண்டு வருகிறது என்பதை நடைமுறையில் காணலாம்.
பிறக்கும்
உரிமை
1. பெண் பிறந்தாலே இழிவென்று கூறி அவளை அன்று உயிரோடு புதைத்தனர். இன்றோ அவர்களை கருவிலே கொன்றனர். மீறிப் பிறந்தால் கள்ளிப்பால் ஊற்றியும் அரிசிமணியை வாயில் நிரப்பியும் இன்னும் கொடூரமாக கொன்றனர். ஆனால் பெண்ணின் பிறப்பும் அவளை ஒழுக்கமாக வளர்ப்பதும் பெருமைக்கு உரியவை
என்றும் மறுமையில் சொர்க்கத்தைப் பெற்றுத்தருவது என்ற மனமாற்றத்தை உண்டாக்கி
பெண்குழந்தைகளைக் காப்பாற்றி வரவேற்றது இஸ்லாம்.
கல்வி உரிமை:
2) அவளுக்கு
கல்வி கற்கும் உரிமை மறுக்கப்பட்டன. ஆனால், ‘கல்வியை
கற்பது ஆண், பெண்
இருபாலர் மீதும் கட்டாய கடமை’ என்று விதித்தது இஸ்லாம்
மணப்பெண் சம்மதம்
3) திருமணத்தில்
பெண்ணின் சம்மதம் பற்றி யாரும் கவலைப்படவில்லை. அவளது விருப்பம் ஒரு பொருட்டாக்கப் படவில்லை. மணப்பெண்ணின் சம்மதத்தை கட்டாயமாக்கியது இஸ்லாம். மட்டுமல்ல, சம்மதமின்றி
நடந்த திருமணத்தை முறிக்கும் உரிமையைக் கூட பெண்ணுக்கு வழங்கினார்கள் நபிகளார்.
வரதட்சணை ஒழிப்பு
4) திருமணம்
என்ற தன்னை அற்பணிக்கும் ஒப்பந்தத்திலும் கூட அநீதிக்கு உள்ளானாள் பெண். வரதட்சணைக் கொடுமை காரணமாக நீண்ட நாள் கன்னியாகவே வாழவும் அவ்வாறே மரணிக்கவும் நேர்ந்தது அவளுக்கு! வரதட்சணையை சட்டவிரோதமாக்கி அதற்கு நேர் எதிரான வதுதட்சைணையை (அரபு
மொழியில் மஹர்) கட்டாயமாக்கியது இஸ்லாம்.
மணவிலக்கு உரிமை
5) கல்லானாலும்
கணவன் புல்லானாலும் புருஷன் என்று கட்டியவனால் கொடுமைப்படுத்தப்பட்டாலும் அவனோடு வாழ கட்டாயப்படுத்தப்பட்டாள் பெண். மணவிடுதலை மறுக்கப்பட்டது. ஒவ்வாத கணவனோடு ஒட்டிதான் வாழ
வேண்டும் என்றோ, அவனது
அடிக்கும் குத்துக்கும் அடங்கிதான் போக வேண்டும் என்றோ கூறவில்லை இஸ்லாம். மாறாக
விருப்பம் இல்லையா விலகி விடு என்று கூறி 'குலா' என்ற உரிமையை பெண்ணுக்கு
வழங்கியுள்ளது மார்க்கம்
மூடநம்பிக்கைகளில்
இருந்து விடுதலை
6) அவள்
பெற்றது பெண்ணென்றால் அதற்கும் அவளே சபிக்கப்பட்டாள்! இந்த மனோநிலையை ‘ஆண் குழந்தையோ பெண்குழந்தையோ அல்லது மலடாவதோ இறைநாட்டமே’ (திருக்குர்ஆன்42:49 50) என்ற இறைவசனம் மூலம் திருத்தியது இஸ்லாம்!
7) மாதவிடாய் காலங்களில் ஒரு சிலரால் தீட்டு என்று ஒதுக்கி வைக்கப் பட்டாள். வேறு சிலரால் அந்த உபாதைக்கு நடுவிலும் உடலுறவுக்கு ஆளாக்கப்பட்டாள் பெண். இந்த இரண்டுவகைக் கொடுமைகளை விட்டும் பெண்களைக் காப்பாற்றியது இஸ்லாம்.
8) விதவை மறுமணம் என்பது மறுக்கப்பட்டது, அவளைக் காண்பது கூட அபசகுனம் என்று அவமானப்படுத்தப்பட்டாள். விதவை மறுமணத்தை ஊக்குவித்ததோடு சகுனம் பார்த்தல் போன்ற மூடநம்பிக்கைகளையே
முற்றாக ஒழித்தது இஸ்லாம்.
9) கணவன் இறந்துபோனால் உடன்கட்டை ஏறும் நிர்பந்தத்துக்கு ஆளானாள் பெண். இவை தொடர்பான மூட நம்பிக்கைளில் இருந்து இஸ்லாத்தை ஏற்றவர்களைக்
காப்பாற்றி வருகிறது இஸ்லாம்.
முதுமையில் பாதுகாப்பு
10) முதுமை அடைந்துவிட்டால் அவளது சொந்த மக்களாலேயே அடிமையாக நடத்தப்பட்டாள் அல்லது புறக்கணிக்கப்பட்டாள். இன்னும் முதியோர் இல்லங்களில் சேர்க்கப்பட்டாள் அல்லது கொலையும் செய்யப்பட்டாள். “தாயின் காலடியில் சொர்க்கம்” என்றும் “பெற்றோரை நோக்கி ‘சீ’ என்ற
வார்த்தையைக் கூட சடைந்து கூறக்கூடாது” என்றும் மக்களுக்கு போதித்து இவற்றை
மீறுவது இறைதண்டனையைப் பெற்றுத்தரும் என்றும் எச்சரித்து இக்குற்றங்களைத் தடுத்தது
இஸ்லாம்.
பெண்மையின் புனிதம்
காப்பாற்றப்படுதல்
11) பெண்ணுக்கு ஆன்மா என்பது உண்டா என்று சந்தேகம் கிளப்பி அவள் அவமதிக்கப்பட்டாள். ஆண்களும் பெண்களும் சமமே, அவர்கள் ஒரே ஆண்- பெண் ஜோடியிலிருந்து தோன்றியோர் என்பதை தெளிவாக
எடுத்துரைத்து இந்த இழிவுக்கு முடிவு கட்டியது இஸ்லாம். அவர்களோடு உள்ள
சகோதரத்துவத்தையும் உறுதிப்படுத்தி இறுதிநாள் வரை பின்பற்ற அடித்தளமிட்டது இஸ்லாம்.
'மனிதர்களே! நீங்கள் உங்கள் இறைவனை பயந்து நடந்து கொள்ளுங்கள். அவன் உங்கள் யாவரையும் ஒரே ஆன்மாவிலிருந்து படைத்தான். (ஆரம்பத்தில் அந்த ஒருவரைப் படைத்து) அவரிலிருந்து அவரது மனைவியைப் படைத்தான். பின்னர், அவர்கள் இருவரிலிருந்தும் பல ஆண்களையும், பெண்களையும் பரவச் செய்தான்'. (திருக்குர்ஆன் 4:1)
12) முதல் பாவத்துக்கு பெண்ணே மூலகாரணம் என்று தூற்றப்பட்டாள். ஆதாமும் ஏவாளும் இணைந்தே முதல் குற்றத்தை செய்தார்கள் என்ற உண்மையை
எடுத்துக்கூறி இக்குற்றச்சாட்டுக்கு முடிவு கட்டியது இஸ்லாம்.
பொருளாதார உரிமைகள்
13) திருமணம் முடித்துக் கொடுப்பதோடு பெண்களைக்
கைகழுவி அவர்களின் உரிமைகள் மறுக்கப்பட்டன. சொத்துரிமை மறுக்கப்பட்டது. ஆனால் 'பெற்றோரோ நெருங்கிய உறவினரோ விட்டுச்
சென்ற (சொத்தில்) பெண்களுக்கும் பாகமுண்டு, அது
குறைவாக இருந்தாலும் சரி அதிகமாக இருந்தாலும் சரியே'.
(திருக்குர்ஆன் 4: 7) என்று கூறி அவளது சொத்துரிமையை
நிலைநாட்டியது இஸ்லாம்.
14) தொழில் செய்யும் உரிமை, சம்பாதிக்கும் உரிமை போன்றவை பெண்ணுக்கு மறுக்கப்பட்டன. இஸ்லாம்
குடும்பத்திற்காக பொருளாதாரத்தை சம்பாதிப்பதை ஆணின் மீது கடமையாக்கி பெண்ணை அப்பொறுப்பிலிருந்து
விடுவித்தது. அதேவேளையில் பெண்ணுக்கு பொருள் சம்பாதிக்கவும் தொழில் செய்யவும்
விருப்ப உரிமை வழங்கியது இஸ்லாம். இதை பாதுகாப்பான முறையில் நிறைவேற்றுவதற்கு
ஹிஜாப் என்ற ஆடை ஒழுக்கத்தையும் பெண்களுக்குக் கற்பித்தது இஸ்லாம்.
கற்பு சார்ந்த உரிமைகள்
15) முதலாளித்துவத்திற்கு தன்னுடைய சரக்கை விற்க அவள் கவர்ச்சிப்
பொருளாக மட்டுமல்ல கடைச் சரக்காகவும் மாற்றப் பட்டாள். அந்நியனின் கருவை அநியாயமாகச் சுமக்கும் நிலைக்கும் தந்தையில்லாக்
குழந்தைகளைப் பெற்றெடுக்கும் கொடுமைக்கும் அவள் தள்ளப்பட்டாள். ஆனால் தாய்மை என்ற
புனிதப் பொறுப்பை சுமப்பவள் என்று கூறி அவளது உடல் அந்நியனுக்கு விருந்தாவதைத்
தடுக்க பர்தா அல்லது ஹிஜாப் என்ற சிறப்பு ஆடையை பெண்களுக்கு விதித்து அவளை
இக்கொடுமைகளில் இருந்து பாதுகாத்தது இஸ்லாம்.
16) கணவன் அல்லது தந்தையரின் சூதாட்டங்களுக்கும் மதுபோதை வெறிக்கும் பெண்ணின் கற்பு விலைபோனது. உரிய மனமாற்றங்கள் மூலம் இத்தீமைகளில் இருந்து பெண்ணையும் ஆணையும்
குடும்பங்களையும் காப்பாற்றியது இஸ்லாம்.
-------------------------
வெற்று அறிவுரைகளும் போலி சீர்திருத்தமும்:
இஸ்லாமியர்கள் திருக்குர்ஆனையும் நபிமொழிகளையும் மேற்கோள்காட்டி சீர்திருத்தக் கருத்துகளை சொல்லும்போது சமூக வலைத்தளங்களில் பல நாத்திக மற்றும் ஆத்திக அன்பர்கள் இவ்வாறு கேட்பதுண்டு: “உண்மை பேசவேண்டும், நன்மை செய்யவேண்டும், பொய், மோசடி, கொள்ளை போன்றவை செய்யக்கூடாது” என்ற அறிவுரைகளை நேரடியாக மக்களுக்குக் கூற வேண்டியதுதானே? எதற்காக நீங்கள் என் குர்ஆன் மற்றும் நபிமொழிகளை மேற்கோள் காட்டி கூறவேண்டும்? இது மதப்பிரச்சாரம் செய்வது போலத்தானே? என்ற குற்றச் சாட்டையும் வைக்கிறார்கள்.
இது உண்மையில் தவறான புரிதல் ஆகும். வெற்று அறிவுரைகளின் போலித்தன்மையை அவர்கள் உணராததே இதற்குக் காரணம்! “குடி குடியைக் கெடுக்கும்” என்று மதுக்கடைகளில் விளம்பர பலகைகள் தொங்குவதை அறிவோம். “புகை நமக்குப் பகை” என்றும் “பான்பராக் போன்ற போதை உண்டாக்கும் பொருட்கள் கேன்சர் நோயை உண்டாக்கும்” என்ற எச்சரிக்கைகளை படங்கள் சகிதம் அவற்றின் பாக்கெட்டுகளில் அச்சடித்தும் வருவதையும் நாம் அறிவோம். அவை எத்தனை பேரை அந்த தீமைகளில் இருந்து தடுத்துள்ளன என்பதையும் அவை தடுப்பதில்லை என்பதையும் நாம் நன்றாக அறிவோம். அவற்றின் பயனாளர்கள் அவற்றை ஒரு பொருட்டாகவே எடுத்துக் கொள்வதில்லை. என்ன காரணம்?
ஆம், இவற்றைப் பின்பற்ற வேண்டும் என்ற எந்த உந்துதலும் இதன் பின்னணியில் இல்லை. இந்தத் தீமைகளில் ஈடுபடும் நபர்களுக்கு தங்களைக் தட்டிக் கேட்க யாரும் இல்லை என்ற உணர்வுதான் மேலோங்குகிறது. இத்தீமைகளை சட்டம் போட்டு தடுத்தாலும் சட்டத்தின் பிடியில் சிக்காதவரை அவர்கள் அதை செய்யவே செய்வார்கள். அதிலிருந்து விலகவே மாட்டார்கள். இவற்றின் மூலம் தங்களை நம்பியுள்ள பெண்களும் குழந்தைகளும் முதியோர்களும் துன்பமடைவார்கள் என்பதை அவர்கள் பொருட்படுத்துவதே இல்லை என்பது தெளிவு!
வாழ்க்கையைப் பற்றிய குறுகிய கண்ணோட்டம்
தான் வாழும் வரையே வாழ்க்கை, தன் கண்ணுக்குப் புலபடுவது மட்டுமே உலகம் இதற்கு அப்பால் ஒன்றுமே இல்லை என்ற குறுகிய கண்ணோட்டமே இந்த மனோநிலைக்குக் காரணம். இந்தக் குறுகிய வட்டத்தில் இருந்து மனிதனுக்கு வாழ்க்கையின் உண்மைகளை உணர்த்தி அவனைப் பரந்த மனப்போக்கு உள்ளவனாகவும் வாழ்க்கையில் பொறுப்புணர்வு உள்ளவனாகவும் மாற்றுகிறது இஸ்லாம். தனது வினைகளுக்கு இங்கில்லாவிட்டாலும் மறுமை உலகில் பரிசோ அல்லது தண்டனையோ கிடைக்க உள்ளது என்ற உணர்வோடு அவனை வாழவைக்கிறது இஸ்லாம்.
இஸ்லாமிய அறிவுரைகளுக்கு உள்ள சிறப்பு
இஸ்லாம் இறைவனைப்பற்றியும் மறுமை வாழ்க்கையைப்பற்றியும் பகுத்தறிவு பூர்வமாக எடுத்துச் சொல்லி அந்த நம்பிக்கையை மனித மனங்களில் ஆழமாக விதைக்கிறது. கீழ்கண்ட உண்மைகளை அது போதிக்கிறது.
1. இந்தக் குறுகிய வாழ்க்கை ஒரு பரீட்சை - இவ்வுலகம் பரீட்சைக் கூடம்:
= ஒவ்வோர் ஆத்மாவும்
மரணத்தைச் சுவைப்பதாகவே இருக்கிறது; பரீட்சைக்காக கெடுதியையும், நன்மையையும் கொண்டு நாம் உங்களைச் சோதிக்கிறோம். பின்னர், நம்மிடமே நீங்கள் மீட்கப்படுவீர்கள். (திருக்குர்ஆன் 21:35)
நிச்சயமாக மரணமடைந்தவர்களை நாமே உயிர்ப்பிக்கிறோம்; அன்றியும் (நன்மை, தீமைகளில்) அவர்கள் முற்படுத்தியதையும், அவர்கள் விட்டுச் சென்றவற்றையும் நாம் எழுதுகிறோம்; எல்லாவற்றையும், நாம் ஒரு விளக்கமான ஏட்டில் பதிந்தே வைத்துள்ளோம். (திருக்குர்ஆன் 36:12)
இறைவன் கூறும் வினைப்பதிவேடுகள் ஒருபுறம் இருக்க நாம்
நம்மைச்சுற்றி நடக்கும் நிகழ்வுகளை கவனித்தாலே இந்த உண்மையைப் புரிந்துகொள்ள
முடியும். இன்று CCTV கேமராக்களில் நிகழ்வுகள் பதிவாகி அவற்றிற்கு சாட்சிகளாக பயன்படுவதை
நாமறிவோம். அவற்றைவிட நமது கண்களும் காதுகளும் அதிநுட்பமான தொழில் நுட்பம் கொண்டவை . இவையும் மறுமை நாளில் நம்
வினைகளுக்கு சாட்சிகளாக வரும் என்றும் கூறுகிறது திருக்குர்ஆன்.
3. உலகம் அழியும் மீண்டும் உயிரோடு வருவோம்!
இந்த உலகம் முற்றாக அழிக்கப்பட்டு மீண்டும் இறைக் கட்டளை வரும்போது
அனைத்து மனிதர்களும் விசாரணைக்காக உயிர்கொடுத்து எழுப்பப் படுவார்கள்:
= அந்நாளில், மக்கள் தங்கள் வினைகள் காண்பிக்கப்படும் பொருட்டு, பல பிரிவினர்களாகப் பிரிந்து வருவார்கள். எனவே, எவர் ஓர் அணுவளவு நன்மை செய்திருந்தாலும் அத(ற்குரிய பல)னை அவர்
கண்டு கொள்வார். அன்றியும், எவன் ஓர் அனுவளவு தீமை செய்திருந்தாலும், அ(தற்குரிய பல)னையும் அவன் கண்டு கொள்வான். (திருக்குர்ஆன் 99:6-8)
4. 4. இறுதித்தீர்ப்பு நாளில் விசாரணை
பக்குவமாக நடைபெறும்.
= அந்த நாளில் நாம்
அவர்களின் வாய்களின் மீது முத்திரையிட்டு விடுவோம்; அன்றியும் அவர்கள் சம்பாதித்துக் கொண்டிருந்தது பற்றி அவர்களுடைய
கைகள் நம்மிடம் பேசம்; அவர்களுடைய
கால்களும் சாட்சி சொல்லும். (திருக்குர்ஆன் 36:65)
5. 5. நல்லோர் சொர்க்கத்தில் நுழைவர்!
= (அவர்களில்)
எவர்கள் இறைநம்பிக்கை; கொண்டு, நன்மையான
காரியங்களைச் செய்கின்றார்களோ அவர்களை சுவனபதிகளில் புகுத்துவோம், அவற்றின் கீழே ஆறுகள் ஓடிக்கொண்டிருக்கும்;. அவற்றில் அவர்கள் என்றென்றும் இருப்பர்; அங்கு அவர்களுக்குப் பரிசுத்தமான துணைவியர் உண்டு. அவர்களை அடர்ந்த
நிழலிலும் நுழையச் செய்வோம். (திருக்குர்ஆன் 4:57)
6. 6. தீயோர் நரகில் நுழைவர்!
நிச்சயமாக நரகம்
எதிர்பார்த்துக் கொண்டிருக்கின்றது. வரம்பு மீறிவர்களுக்குத் தங்குமிடமாக. அதில்
அவர்கள் பல யுகங்களாகத் தங்கியிருக்கும் நிலையில். அவர்கள் அதில் குளிர்ச்சியையோ, குடிப்பையோ சுவைக்கமாட்டார்கள். கொதிக்கும் நீரையும் சீழையும்
தவிர. (அதுதான் அவர்களுக்குத்) தக்க கூலியாகும். (திருக்குர்ஆன் 78:21-26)
பொருளடக்கம்:
இந்தியாவில் கால் பதிக்காமலே காவல் காக்கும் மாமனிதர்!-2
மார்க்கத்தின் மாறாத்தன்மை பாதுகாக்கப்படுதல் -5
மதுவிலிருந்து மக்களைக் காக்கும் மாமனிதர்! -6
மனங்களை மாற்றி சீர்திருத்தும் இஸ்லாம் -7
விமர்சனங்களை வென்ற மாமனிதர் -9
மதுவுக்கு எதிரான கடுமையான நடவடிக்கைகள் -10
மது அருந்துவோருக்கு மறக்கமுடியாத தண்டனை! -11
இறந்த பின்னும் தர்மத்தைக் காக்கும் மாமனிதர் -12
என்னதான் போதித்தார் அந்த மாமனிதர்? -14
நபிகளாரை இகழ்வோரின் முகத்திரை கிழித்த தாமஸ் கார்லைல்! -17
நூலில் இருந்து சில வரிகள்..-19
சொத்து சேர்க்காத மாமன்னர் -20
உலகளாவிய சுயமரியாதை இயக்கம் நிறுவிய மாமனிதர்!-21
நூறு பேரில் முதல்வர் நபிகளார் - ஏன்? -23
ஹஸ்ரத் ஜஃபர் ஸாதிக் றஹிமஹுல்லாஹ் அவர்கள் நபி ஸல்லல்லாஹு அலைஹி வஸல்லம் அவர்களின் "அஹ்லுல் பைத்" எனும் புனித குடும்பத்தில் பிற்காலத்தில் தோன்றிய ஒரு பெருந்தகை.
ஒரு முறை ஹஸ்ரத் ஜஃபர் ஸாதிக் றஹிமஹுல்லாஹ் அவர்கள் மதீனாவிற்கு வந்த போது அவர்களிடமிருந்து கல்வி கற்க மக்கள் ஒன்று கூடினார்கள். அப்போது அவர்கள், மக்களிடம் "நான்கு விஷயங்களைக் கடைப்பிடிக்காத நான்கு மனிதர்கள் மீது எனக்கு ஆச்சரியம் ஏற்பட்டுள்ளது" என்று கூறினார்கள்.
(01). சோதனைகளில் சிக்கியுள்ள மனிதன்:
"யா அர்ஹமர் ராஹிமீன்"
என்று கூறாமல் இருப்பதைக் கண்டு எனக்கு ஆச்சரியமாக இருக்கிறது. ஆனால் குர்ஆனில் ஹஸ்ரத் ஐயூப் (அலை) அவர்களைப் பற்றி
இன்னும், அய்யூப் தம் இறைவனிடம் “நிச்சயமாக என்னை (நோயினாலான) துன்பம் தீண்டியிருக்கிறது; (இறைவனே!) கிருபை செய்பவர்களிலெல்லாம் நீயே மிகக் கிருபை செய்பவனாக இருக்கின்றாய்” என்று பிரார்த்தித் போது,(அல்குர்ஆன் : 21:83)
என்று கூறினார்கள். இந்த துஆவின் பலன் குர்ஆனிலேயே கூறப்பட்டுள்ளது.
நாம் அவருடைய பிரார்த்தனையை ஏற்றுக் கொண்டோம்; அவருக்கு ஏற்பட்டிருந்த துன்பத்தையும் நீக்கி விட்டோம்; அவருடைய குடும்பத்தையும், பின்னும் அதைப் போன்ற ஒரு தொகையினரையும் (அவருக்குக் குடும்பமாகக்) கொடுத்தோம் - இது நம்மிடத்திலிருந்துள்ள கிருபையாகவும் ஆபிதீன்களுக்கு (வணங்குபவர்களுக்கு) நினைவூட்டுதலாகவும் இருக்கிறது. (அல்குர்ஆன் : 21:84)
(02). கவலையில் சிக்கியுள்ள மனிதன்:
"லா இலாஹ இல்லா அன்த்த ஸுப்ஹானக்க இன்னீ குன்து மினழ் ழாலிமீன்"
என்று கூறாமல் இருப்பதைக் கண்டு எனக்கு ஆச்சரியமாக இருக்கிறது. ஆனால் குர்ஆனில் ஹஸ்ரத் யூனுஸ் (அலை) அவர்களைப் பற்றி
"இன்னும் (நினைவு கூர்வீராக:) துன்னூன் (யூனுஸ் தம் சமூகத்தவரை விட்டும்) கோபமாக வெளியேறிய போது, (பாவிகள் சமூகத்தை விட்டும் வெளியேறி விட்ட படியால்) அவரை நாம் நெருக்கடியில் ஆக்கமாட்டோம் என்று எண்ணிக் கொண்டார்; எனவே அவர் (மீன் வயிற்றின்) ஆழ்ந்த இருளிலிருந்து “உன்னைத் தவிர வணக்கத்திற்குரிய நாயன் யாருமில்லை; நீ மிகவும் தூய்மையானவன்; நிச்சயமாக நான் அநியாயக்காரர்களில் ஒருவனாகி விட்டேன்” என்று பிரார்த்தித்தார்." (அல்குர்ஆன் : 21:87)
என்று கூறினார்கள். இந்த துஆவின் பலன் குர்ஆனிலேயே கூறப்பட்டுள்ளது.
"எனவே, நாம் அவருடைய பிரார்த்தனையை ஏற்றுக் கொண்டோம்; அவரைத் துக்கத்திலிருந்தும் விடுவித்தோம். இவ்வாறே முஃமின்களையும் விடுவிப்போம்." (அல்குர்ஆன் : 21:88)
(03). பயம், திடுக்கம் ஏற்பட்ட மனிதன்:
"ஹஸ்புனல்லாஹு வனிஃமல் வகீல்"
என்று கூறாமல் இருப்பதைக் கண்டு எனக்கு ஆச்சரியமாக இருக்கிறது. ஆனால் குர்ஆனில் ஸஹாபாக்கள் பயத்தின் போது மக்களில் சிலர் அவர்களிடம்; “திடமாக மக்களில் (பலர் உங்களுடன் போரிடுவதற்காகத்) திரண்டு விட்டார்கள், எனவே அப்படையைப்பற்றி அஞ்சிக் கொள்ளுங்கள்” என்று கூறி (அச்சுறுத்தி)னர்; ஆனால் (இது) அவர்களின் ஈமானைப் பெருக்கி வலுப்படச் செய்தது: “அல்லாஹ்வே எங்களுக்குப் போதுமானவன். அவனே எங்களுக்குச் சிறந்த பாதுகாவலன்” என்று அவர்கள் கூறினார்கள்." (அல்குர்ஆன் : 3:173)
என்று கூறினார்கள். இந்த துஆவின் பலன் குர்ஆனிலேயே கூறப்பட்டுள்ளது.
"இதனால் அவர்கள் அல்லாஹ்விடமிருந்து நிஃமத்தையும் (அருட்கொடையையும்,) மேன்மையையும் பெற்றுத் திரும்பினார்கள்; எத்தகைய தீங்கும் அவர்களைத் தீண்டவில்லை; (ஏனெனில்) அவர்கள் அல்லாஹ்வின் விருப்பத்தைப் பின்பற்றினார்கள் - அல்லாஹ் மகத்தான கொடையுடையவனாக இருக்கிறான்." (அல்குர்ஆன் : 3:174)
(04) விரோதிகளின் சூழ்ச்சிகளில் சிக்கியுள்ள மனிதன்:
"உஃபவ்விலு அம்ரீ இலழ்ழாஹ் இன்னழ்ழாஹ பஸீருன் பில் இபாத்"
என்று கூறாமல் இருப்பதைக் கண்டு எனக்கு ஆச்சரியமாக இருக்கிறது. ஆனால் குர்ஆனில் பிர்அவ்னுடைய குடும்பத்தைச் சேர்ந்த ஒரு முஃமினான மனிதர்
“எனவே, நான் உங்களுக்குச் சொல்வதை நீங்கள் விரைவில் உணர்வீர்கள்; மேலும், நான் என் காரியத்தை அல்லாஹ்விடம் ஒப்படைத்து விடுகிறேன் - நிச்சயமாக அல்லாஹ் அடியார்களைக் கண்ணுற்றவனாகவே இருக்கின்றான்” (என்றும் அவர் கூறினார்). (அல்குர்ஆன் : 40:44)
என்று கூறினார்கள். இந்த துஆவின் பலன் குர்ஆனிலேயே கூறப்பட்டுள்ளது.
"ஆகவே, அவர்கள் திட்டமிட்ட தீமைகளை விட்டும் அல்லாஹ் அவரைக் காத்துக் கொண்டான். மேலும் வேதனையின் கேடு ஃபிர்அவ்னின் கூட்டத்தாரைச் சூழ்ந்து கொண்டது." (அல்குர்ஆன் : 40:45)
நன்றி: அஸீம் லாஹிர், கொழும்பு
சரித்திரத்தில் ஐரோப்பியர்களின் குற்றச்சாட்டுகளும் விமர்சனங்களும் முஹம்மது நபியின் வாழ்வில் எதிர்த்திசையிலான வலுப்படுத்தலாக அமைந்தன. அவை ஐரோப்பிய யூத காழ்ப்புணர்வின் குரூரத்தை அம்பலப்படுத்தினவே அன்றி முஹம்மது நபி புகழ் வாழ்வில் ஒரு தூசு அளவுக்கு கூட மாசுபடுத்திடவில்லை.
19 ம் நூற்றாண்டின் பிற்பகுதியில் ஐரோப்பிய உலகில் முஹம்மது (ஸல்) அவர்களுக்கு எதிராக புயல் வீசிக் கொண்டிருந்த காலகட்டத்தில் இங்கிலாந்தின் புகழ்பெற்ற வீச்சு மிகுந்த சிந்தனையாளரும் அற்புதமான பேச்சாளருமான தாமஸ் கார்லைல் Heroes and Hero-Worship என்ற தலைப்பில் உலகின் கதாநாயகர்களைப் பற்றி தொடர் உரைகள் நிகழ்த்தினார். எடின்பரா பல்கலையில் சட்டம் பயின்ற அவரது உரைகளை மக்கள் கட்டணம் செலுத்திக் கேட்டனர். அவர் எழுதிய Heroes (கதாநாயகர்கள்) என்ற நூலுக்கு இலக்கியத்திற்கான நோபல் பரிசு கிடைத்தது. கார்லைல் தனது உரைகளுக்கு கவிதை கதாநாயகர்களாக தாந்தே, ஷேக்ஸ்பியர் ஆகிய இருவரையும், கதாநாயக பாதிரியாராக மார்டின் லூதரையும், கதாநாயக இலக்கிய எழுத்தாளராக ஜான்ஸனையும் ரூஸோவையும், ஆட்சியாளராக நெப்போலியனையும் தேர்வு செய்து அவர்கள் குறித்து ஆழமான கருத்துரைகளை வழங்கினார். 1840 ம் மே 8ம் தேதி வெள்ளிக்கிழமை அன்று ’ கதாநாயகர் - ஒரு தீர்க்கதரிசியாக’ என்ற தலைப்பில் உரையாற்றினார். அப்போது இந்த தலைப்பிற்கு தீர்க்கதரிசிகளின் பட்டியலிலிருந்து மோஸேவையோ இயேசுவையோ தேர்ந்தெடுக்காமல் யாரும் எதிர்பாரத விதமாக முஹம்மது (ஸல்) அவர்களை தேர்வு செய்தார்.
வெளையர்கள் கருப்பின மக்கள் மீது கொண்டிருந்த வெறுப்பைபோல் அந்த கிருத்துவ சமுதாயம் முஹம்மது (ஸல்) அவர்களின் மீது வெறுப்புக் கொண்டிருந்தது. தலைப்பே அவர்களை திடுக்கிட வைத்தது என்றால் தொடர்ந்து அவர் பேசிய தகவல்களில் ஐரோப்பிய மக்களுக்கு பல அதிர்ச்சிகரமான உண்மைகள் காத்திருந்தன.
“முஹம்மதுவுக்கு எந்த வேதச் செய்தியும் வரவில்லை என்று நையாண்டி பேசிய 17 ம் நூற்றாண்டைச் சார்ந்த Hugo Grotius என்ற டச்சு கவிஞனின் கருத்தை மறுத்து தன்னுடைய உரையை தொடங்கிய கார்லைல், “It is a great shame for anyone to listen to the accusation that Islam is a lie and that Mohammad was a fabricator and a deceiver" என்று தொடர்ந்தார்.
"இஸ்லாம் பொய்யான ஒரு சமயம்; முஹம்மது ஒரு ஏமாற்றுக்காரர் என்று குற்றச் சாட்டை ஏற்பது எந்த நாகரீகமான பிரஜைக்கும் வெட்கரமானது." என்ற அவரது தொடக்கம் நேயர்களை நிமிர்ந்து உட்கார வைத்தது,
Hugo Grotius கற்பனையாகவும் கிறுக்குத்தனமாகவும் சொன்ன கதைகளில் கிருத்துவ உலகம் அகமகிழ்ந்து கொண்டிருந்த்து. முஹம்மது சில புறாக்களை வளர்த்தார், அந்தப் புறாக்களுக்கு அவர் நல்ல பயிற்சி கொடுத்தார். அவை அவரது தோளில் வந்து உட்கார்ந்து அவரது காதோரம் வைக்கபடுகிற தானியங்களை சாப்பிடும், அதைதான் தனக்கு வஹி- இறைச் செய்தி வருவதாக அவர் கூறிக்கொண்டார் என முட்டாள்தனமாக கதை கட்டி விட்டிருந்தார் Hugo Grotius . இவர் மட்டுமல்ல இன்றும் தங்கள் பொய்யான கோட்பாடுகளையும் மதங்களையும் மக்களிடையே பரப்பப் பாடுபடும் பல பிரச்சாரகர்களும் இப்படித்தான் உண்மைக்கு சற்றும் தொடர்பில்லாத அறிவீனமான கற்பனைகளை முஹம்மது (ஸல்) அவர்கள் விசயத்தில் நம்பியும் பேசியும் வருகிறார்கள். இஸ்லாம் தொடர்பாக தங்களுக்குத் தாங்களே உருவாக்கிக் கொண்ட அறிவீனமான கருத்துக்களை நம்பி, பேசி, அதையே விவாதம் செய்து பரப்புவதன் மூலம் அற்பமாக சந்தோஷப்பட்டுக் கொண்டிருந்த பலர் நிறைந்திருந்த அந்த திரளான சபையில் கார்லைல் உரத்துக் கூறினார்.
“இந்த மனிதர் விசயத்தில் இனவெறியோடு திட்டமிட்டு நாம் உருவாக்கிய இந்தப் பொய்களால் நமக்குத்தான் இழிவே தவிர ஒருபோதும் அவருக்கல்ல.”
தொடர்ந்து நபிகள் நாயகம் (ஸல்) அவர்களின் நாணயம், உள்ளத்தூயமை ஆகியவற்றை சிலாகித்துப் பேசிய கார்லைல், நபிகள் நாயகத்தின் ஒரு செயலை மிக உவப்போடு குறிப்பிட்டார்.
முஹம்மது (ஸல்) ஒரு முறை மக்காவின் தலைவர்களுக்கு இஸ்லாமை எடுத்துச் சொல்லிக் கொண்டிருந்த போது அங்கு வந்த ஏழை கண் தெரியாதவரான அப்துல்லாஹ் பின் உம்மி மக்தூம் இடைமறித்து பேசினார். நபிகள் நாயகம் முகம் சுளித்தார். அப்போது அவ்வாறு செய்ய வேண்டாம் என்ற கருத்தில் “பார்வையற்றவர் தேடி வந்த போது முகம் கடுகடுத்தார்” என்ற கருத்தில் இறைவசனம் அருளப்பெற்றது.
அதற்கு பிறகு அப்துல்லாஹ் பின் உம்மி மக்தூம் (ரலி) தன்னிடம் வருகிறபோது அவரை “நான் கண்டிக்கப்பட காரணமாக இருந்தவரே வருக!” என பாசத்தோடு நபிகள் நாயகம் (ஸல்) அவர்கள் அழைப்பார்கள். வெளியூர்களுக்குச் சென்ற நேரங்களில் இரண்டு முறை அவரை மதீனா நகரின் பொறுப்பாளராக நியமித்தார்கள். இந்த இரண்டு நிகழ்வுகளை எடுத்துக் காட்டிய கார்லைல் “கதாநாயக தீர்க்கதரிசியின் உளத்தூய்மையும் நேர்மையும் இந்த அளவுக்கு இருந்தன” என்று கூறினார்.
நபிகள் நாயகத்தின் சத்தியத்தன்மையை எடுத்துக்காட்ட கார்லைல் அற்புதமான - உலக அனுபவத்தின் சத்தாக அமைந்த ஒரு நியதியை எடுத்துவைத்தார்.
“முஹம்மது ஒரு ஏமாற்றுக்கார்ராக இருந்திருந்தால் 12 நூற்றாண்டுகளாக நிலைத்திருக்கிற - 18 கோடி மக்கள் நிழல் பெறுகிற ஒரு சமயத்தை அவரால் நிறுவி இருக்க முடியாது. சரியான அடித்தளமில்லாத ஒரு கட்டிடம் சீக்கிரம் விழுந்து விடும். மோசடியை நீண்ட காலத்திற்கு மறைத்து வைக்க முடியாது. பொய் சீக்கிரமே வெளுத்து விடும்.”
நன்றி : ரீட்இஸ்லாம்.நெட்
----------------------
